نهار تزعطات جعواقة

البارت 40

                          البااارت40💓

من بعد ماخرج زياد لي خلا جنات كلها مزوقة وسخفانة فالبيت مشا ديريكت متاجه لمصحة لي فيها الأم ديالو وصل ولقا باه تماا
زياد:الواليد كي بقات الواليدة شويا
سي مبارك:شويا الأطباء كل شويا داخلين خارجين عندها معرفناش مالها قاليك كل مرة نبض ديالها تاكيبغي يوقف وكيرجع مستقر
زياد مخلوع على مو بزاف حينت إلى قدر الله وقعات ليها شي حاجة مغاديش يقدر يتصرف تصروف زوين مع جنات حينت لي غاتشوفو مغيبغيه لربي ولا عبدو (غادعيو مع مو تنوض بسلامة حينت لي غايطرا لجنات مسيكينة متبغيه لعدوك)
زياد:متخافش الواليد وخلي إيمانك بالله قوي
سي مبارك:ونعمةبالله
شوياا واحد الممرضة عيطاات على طبيب
جا كايجري زياد هنا تخلع مزيان ماخرج داك طبيب حتى فشلو ليه لما فركابي
طبيب:سي زياد الحمدالله على سلامة الواليدة ديالك راها فاقت ودبا غانحولوها الغرفة العادية
زياد:ممكن نشوفها أدكتور
طبيب:بطبيعة الحال غير نقلوها لغرفة وممكن تزورزها فاي وقت
زياد:شكرا
طبيب:العفو
سي مبارك:الحمدالله منين رجعلت لينا وهويعنق ولدو
-------نخليو هادو ونرجعو عند بسمة وجعواقتنا____
دخلات بسمة عند جنات كتمختر فالمشية شافتها
بفف مشكيلة هادي دار ليا خدمة نولي فأخر أيامي ممرضة تفو على مرض خرجات تجيب علبة ديال الإسعافاات ضمدات ليها لجروح ديالها وتسناتهاا حتى فااقت
جنات بدات كاتحل عينيها للمرة ثانية وجسمهاا كامل كايعگرها أحح أمي راسي وعضامي دگدگني ولد لكلبة هزات راسها لقات بسمة صباحاتو لله أش باغا واقفة حدا راسي بحال قباض لرواح اشكاين
بسمة:ههه ماشي حينت معشوقة فيك راه غابليزير مني داويتك باش منين تفيقي نتحاسب معاك
جنات:كاتعبرها واخا تكحازي شويا
بسمة:هاني وعلاش
جنات باستفزاز كاتعبر فيها بصبعها دبا من نيتك وحدة بحالك غاتحاسب معايا لازين لافصالة لاوجه غاگولي ليا بهاد لفورمة غاتحاسبي معايا
بسمة بغيض:ومالي كيف جيتك حسن منك مهم ديت سيد رجال
جنات:هه لا واش من نيتك أح أمي عضامي ضحكتيني بغيت ليك دل واخا ما فيا لي يضحك سيري يابنيتي قالت ليك سيد رجال راه لحمار وعندو بقا غا ميخي ديالك
بسمة مرضاتش فاش بدات كاضحك عليها وهي تخليها حتى سهات وهزات يديها حتى بسما وصرفقاتها