نهار تزعطات جعواقة

البارت 64

                    البااارت 64✔

فاش خرج زياد من عند ندين مشا لنفس لبلاصة لي كايمشي ليها ديما گلس كايفكر فهادشي مزال دماغو ممستوعبش أش طرا ولا شنو غايطرا لي عاارف باللي نهاية عثمان على يديه داكشي علاش خرج من دار حينت لا بقا فالدار غايدير شي كريثة فندين خرج كايفكر فشي خطة باش يوقع فيها عثمان بقا شحال وشحاال كايخطط ويفكر تاطاحت عليه واحد الفكرة من بعد هز طموبيلتو ورجع زاف لدار دخل سمع سكات حينت كانت 4 ديال صباح مشا دغيا دخل لبيت ديال ندين لقاها ناعسة ودموع فعينيها ولتراس ديال يديه فعنقهاا ولاا كايشوف فيها بحقد گاع لحب لي كان كيكنو ليها رجع كره حينت تقمصات شخصية إنسانة عزيزة وغالية وبتصرفها هذا كرهاتو فيها واخاا بسمة مبيدها والو وهي دبا عند لي خلقها إلا شي حاجة حيدات داك الحب لكبير من قلبو
نفض أفكارو وهو يجر ندين من رجليها حتى طاحت من فوق ناموسية ناضت مخلوعة غاشافتو بدات كاتقفق غابوحدها
ندين:ززياااد
زياد:بلا ماديري ليا فيها راكي خايفة لو كنتي خايفة مدخليش ناوية على الغدر من الأول
ندين كتبكي:الله يخليك سمحليا ندمت بزااف راه شحال من مرة قلت ليه مليت وعييت من هاد اللعبة ولكن كل مرة كان كيهددني الله يخليك تيق بيا
زياد:سكتي مبقيتش حامل نسمع صوتك أنا مجيتش دبا حينت موحشك ولا غانسامحك توتو مزال غانتكلف بيك حينت تانتي معاونة معاه دبا بغيتك تنفذي بالحرف هادشي لي غانقوليك غدا مع صباح غادي تعيطي ليه وبغيتك تقوليه بغيت نتلقااك ضروري وعندك شي حاجة مهمة لقيتيها عليا وغاتنفعو
ندين:وولككن..
زياد:صرفقها عمرك تقاطعيني هو مع حقدو ليا عما ليه لعينين غايجي يجري ومن بعد خلي ليا نتكلف ولكن منصحكش ديري شي تصرف حينت عااد غاتقفريها نتااع بصح
ندين:هئ هئ ولكن أنا أش غاتكون أخرتي من هادشي كامل
زياد:أنا معارفش ومبغيش نعرف گاع
ندين هئ هئ الله يخليك نفذ لي بغيتي غير سمحليا وطلقني نمشي فحالي دير غير على العشرة لي جمعاتنا هاد شهورة
زياد شدها من شعرها ونتي لي شفتيني كيف كانتعامل معاك وكنت كانبغيك ونتي مهتمتيش لمشاعر أخيب حاجة هي الغدر من لي قريب ليك واخا نتي مكنعرفكش ولكن كتحملي وجه وشخصية لبنت لي كنت ناوي نكمل معاها حياتي  كون جيتي وعاودتي ليا كنت من اللول  غادي نعاونك ونسمح ليك