نهار تزعطات جعواقة

البارت 47

🔞           البااارت47✔

بقاات جنااات كتعاااود لفردوس كولشي من الأول حتى اللخر منين كملات لقات فردوس حالة فمها😲مصدومة
جنات:وﻷخت فين سرحتي
فردوس:واش من نيتك أبنت حبيبة
جنات:لا من ترمتي
فردوس:جنات لأول مرة غانهضر معاك بجدية وكأنك ختي راكي ختي گاع باركة من هاد لعنااد كاتلعبي لعب كبر منك واش عرفتي شكون زياد بن عمران راه غاكتخوري والله وأصلا راه خدمتو هادي ضروري مايدير هكااك
جنات:أهااه خدمتو مقلنا والو ولكن باش يجفف بكرامتي قدام شويخة هادي لا لا لا ثم ألف لا ونتي كاتعرفيني مزياان إلا كرامتي فووق أي شئ
فردوس:الله يهديك أجنات كوني وقعية شويا هادي عيشة عايشاها عاجبك لحال مانتي مزوجة مانتي مطلقة مزوجة زواج شفاية إلى عرفوها لبرگااگة غايتشفاو فيك وأولهم تريكت لحنزازة لي عندنا فالدرب
جنات:وشكون ألالة قاليك أنا معتابراه راجلي ولا معتابرة هاد زواااج  أنا بغيت ندمو فهمتي بغيتو يندم علاش تزوج بيا حتى يولي هو يطلب ويرغب
فردوس:جناات كيف نتي لي بنت كتهمك كرامتك ومكاتحمليش لي ينقص منها فا حتى هو رااجل ورجولتو مايبغيهاش تهاان فهمتي
جنات:رجولة بزااف عليه كايتقوى على لعيالات هداك ماراجل ماستة حمص
فهاد الأثناء كانت كتصنط عليهم بسمة وسجلات هضرتهم وركزات على لكلمة لخرة
بسمة:ههه واخا أبنيتي ياجنات لما تخرجي مدلولة ومدگدگة من هاد دار منتسماش ندين وتمات داخلة لبيتها وفرحانة بالإنجاز لي غادير
نرجعو عند فردوس وجنات
جنات:دبا من للخر غاتعاونيني ولا غاتبقاي تعطيني فالفتقياات لخاوية
فردوس:غانعاونك ولكن ذنوبك على راسك
جنات:بابتسامة مبديت هاد الحرب حتى وأنا قادة عليها مزياااااان
دبا بغيتك تعلميني هاد تخربيق لي كاديري لوجهك ولباس مهم كولشي
فردوس:نتاعت الله واش نتي بنت متأكدة حتى لإيكخون هي لخرة مكاديريها لوجهك ولا غا عكر بف
جنات:خشيان لهضرة بلعلااالي والخيل تشالي!!!
فردوس:مخشيت فيك حتى هضرة هاني ساكتة
مهم غانبدا نوريك سميت كل حاجة وبغيتك تحفضيها مزيان متافقين
جنات:اوكي
بقاات فردوس ساعتين وهي كاتحفضها وتوريها كيفاش تستعمل لميكاب وكل حاجة ولاش كتليق الميكاب ديال المناسبات وديال لخرجات وديال دار كل حاجة بوحدها عاد دازو لباس كانت عارفة باللي معندها حتى شرويطة
تحمر لوجه داكشي علاش جابت ليها گاع لي تحتاج حينت عندها داكشي بدوبل بحكم عندها خالتها فالخارج كاتجيب ليها لبيساات زوينين
مهم بقاات معاها حتى طاح ضلام وهي كاتعلم ومع جنات راسها خفيف دغيا فهمات وأول مرة فتاريخ تعنق فردوس
فردوس:وهاد تعنيقة لاش
جنات:تفو نهار نديرو زوين تندمونا أصلا وجهك ماديال صواب قودي لداركم
فردوس أييه قوليها لمك مهم هادشي غاتحتاجيه راه جبتو ليك تالمن بعد ونجي عندك يالاه باي