نهار تزعطات جعواقة

البارت 84

🔞                    البااارت 84✔

رجعات جنات لدار من بعد ماوصلها زياد وسلم على لالة حبيبة وصاها ماتخليهاش تخرج لشي بلاصة ومشا
ناري أمي رجليا طابو بالمشي
لالة حبيبة:نحط ليك تغداي
جنات:لا بلاش راه تغدينا...
لالة حبيبة:إوا راه خاصنا من دبا نقادو ليك تكاشط ونحطهوم عند الخياط عاد نعيطو على النااس ونمشيو عند تريتور
جنات مخرجة عينيها شناهو تكااشط أنا مدايرة بو تكاشط غانلبس للبسة لبيضة بوحدها نبقا دخل خرج مالي عليها
لاللة حبيبة كاضررب فرجليها أويلي على صگعة تبقاي مبندة ليا بكسوة وحدة مندير لبسة ديال لحنا مانديرو لبسة شمالية وخصوصا لمراكشية
جنات:والله لا لبست هادشي بالله ولا بناقص منو زوااااج
لاللة حبيبة:أييه وااش غايقولو علينا الناس
جنات؛وشغلي فالناس وأصلا مغاااديش نخليك تعرضي ليا على تريكة لي فهاد الحومة وخصوصا نقاشة وشيخة ومولات لمسمن هاد بعدا والله لا حضرو لعرسي هاني فين قلتها ليك
لاللة حبيبة:أيبه وشكون لي غايحضر لعرسك جنون
جنات:حنا أصلا غانديروه فالقاعة وديك العمارية مدايراهاش
لاللة حبيبة:واش ناوية ديري
جنات: أنا ماما بغيت عرسي يكون أسطوري فهمتي
لاللة حبيبة:أسطوري نوضي تگعدي نتي باغا تسيزي رااجل مافيهاش
جنات؛وامي نتي مالك راجلي وقاابل ونتي مالك داكشي لي بغيتي والله لادرتو
لالة حبيبة"أييه إوا لي عجبك ديريه
غاهو لاتجيش دمعي منين مايصدقش ليك داكشي
شويا صونا تيليفون ديال لاللة حبيبة
لالة يزة:ألو لالة حبيبة معاك يزة
لالة حبيبة:اه لالة يزة لباس عليك
لالة يزة:الحمدالله كولشي بيخير المهم عيط ليك باش غدا تجي نتي وجنات عندنا عارضين عليكم الغداء ومنها نييت نهضرو فالعرس
لالة خبيبة:أييه نشاء الله غدا نكونو عندكم
جنات:شكوون أمي؟؟
لالة حبيبة:هادي عگوزتك قالت ليك عارضة علينا لغدا غدا نشاء الله ومنها نيت نهضرو فتوجاد العرس
جنات:نشاء الله أني مهم أنمشي نعس شويا باش نرتااح راه عيااانةتسرييع الأحداث

وصل اليوم الموالي وناضت جنات فطرات وعاونات مها فجميع دار شي لي تعجبات منو لالة حبيبة وصلات ديك 12 مشات جنات توجد راسها
جنات:أممم شنو غانلبس ضروري غايكون زياد مشكيلة هادي وهو مكايحملش هاد اللبس
بقات كاتقلب حتى طاحت فواحد الكسوة بالكمام صيفية طويلة مفتوحة من جناب فيها الأزرق والأبيض ولبسات تحتها سروال دجين شعرها دارت ليه بوكلي من لتحت وخلاتو مطلوق ودارت گلوص وماسكارة وقدات حجبانها ورشات من لبرفان ديالها وهزات صاكها فاللون الأزرق مع كعب عالي ودارت نضاراتها فوق راسها وهي تلوح لراسها بوسة فالهواء وتمات خااارجة لقات ماماها لبسات جلابة فاللون الوردي باارد مع صباط فالأبيض وشال فنفس اللون ديال جلابة وهازة صاكها وتمو خارجات ركبو فطاكسي عطاوه العنوان وداهم وصلو لدار واليدين زياد دقو وستقبلاتهم مامات زياد بزغاريت والحليب وتمر وعود الند ...ودخلاتهم لصالون لي كان مغريبي 100/100 حطات ليهم العصير والحلويات على الأشكال وكترحب وتعاود
شويا وجد الغدا وهما يتجمعو أما زياد مبانش تغداو وسالاو وبقاو كايهضرو على العرس شويا دخل زياد