نهار تزعطات جعواقة

البارت 74

🔞
البااارت 74✔

فهاد اللحظة دخلات فردوس كيف لعجاجة مشات طايرة جيهت جنات كتبكي
فردوس:هئ هئ كنتي غاتمشي وتخليني ماحشمتيش شكون لي غايبقا يخاصم عليا ويجبد صداع مع شيخة ومولات لمسمن
جنات:ولبگرة حيدي عليا ونتي قتلتيني راه يالاه دايرة عملية زعما حتارمو شويا نفسية ديال المريض
فردوس:مم سمحيليا راه خفت عليك خفت تمشي وتخليني بوحدي
جنات:ماتخافيش مزال عمري طويل كي لمش مزال ندگ وندردک
فردوس يالاه شافت زياد
فردوس:سمحليا أسي الكوميسير ماشفتكش مع كنت خايفة على جنات
زياد:هه ماشي موشكيل خودي راحتك
فردوس غاضحك وبانو تقابي زين سرحات حتى شافتها جنات وهي تقرصها وجراتها قالت ليها فودنيها بربي وماتنزلي عينيك حتى غادي نسبقك تنعسي فلقبر
فردوس:علاه لي يشوف الملائكة قدامو باقي يعقل على لقبر گاع
جنات:يابنت القحبة هذا راجل ديال المستقبل
فردوس:حلات داك الحلووق ونسات راسها فين ومعامن كاينة وقالت ليها أشنوو راجل ديال المستقبل هاد زين هاد طولة وتجريدة راجلك ياك الغدارة جبتي راجل شهوة منو مخلياني أنا من اليوم مصاحبتي ماصاحبتك
جنات كاتغمز وتعض جيهت فمها غرقاتها فحوايجها وحشماتها أما واحد زياد طاح لأرض بضحك عاد لاللة فردوس عاقت براسها وهي تخرج كاتجري برا
فردوس:ويلي ويلي على شوهة شوهتك شوهة ويلي ويلي اش داني أميمتي مفضوحة مع كولشي أميمتي فمي ديما دايرها ليا فهاد للحظة غادية وكاتهضر حتى تصاطحات مع شي حد يالاه غاتنوض تبدا تسب حاى شافت زين وتبوگيسة وللحية والعينين وسنان قبل مايهضر سخفات بين يديه معرف باش تبلا من غير هزها وعيط على واحد الممرضة خداتها فحصاتها
الممرضة:أشنو كاتجيك المريضة مراتك
صفوان:أا
قاطعاتو المهم راه غير طاح ليها طونسيو داكشي علاش راه درت ليها سيروم غير تساليه ممكن ليها تنوض
صفوان:واخا شكرا
مشا صفوان يطل على فردوس حتى تلاقا بزياد
زياد:كايشوف فيه واش هذا صفوان ولا كذبت
صفوان:ههه هو هذا أولد عمتي أش كادير هنا
زياد:نتا لي أشكادير هنا وإنتا جيتي من فرنسا
صفوان غاليوم نيت جيت على قبل واحد الحالة مستعجلة هنايا عيط ليا دكتور تازي باش ندير واحد العملية لواحد راجل
زياد:أهاه على دكتور ديالنا غاتشوفك الواليدة غاتفرح شحال غاتبقا هنايا