نهار تزعطات جعواقة

البارت 71

طببيب:واخا راه حولناها لشومبغ ديالها ويمكن ليك دخل تشوفها
زياد:واخا شكرا
طبيب:لا واجب
شاف زياد فلاللة حبيبة وحركات ليه راسها زعما غير سير شوفها مشا بزربة طاير دخل عندها لقاها حالا عينيها غاشافتو وهي تقلب وجها
زياد:كايضحك فنفسو ولكن جمع تغوبيشة مالنا أشكاين
جنات:الله ينعل لي مايحشم جاي تكمل مابدات ديك صفريطة والله لا بقاات فيها غابلاتي نوريها ضريب بلماس باغا تصيفطني مكفنة وانا مزال ماشفت ماتشوفت وگلسات كتعبر هه ومزال ماتلاقيت بفارس أحلامي لي غانعيش معاه فرومانسية ونتزوجو ونولدو أحح إنتا نلقاه دارت لقاتو كايخنزر مقدرش يستحملها كاتهضر على واحد أخور من غير وهو يطير على فمها باسها بوسة حنينة كاتعبر على حبو وشوقو وخوفو عليها قبلة لي ندمجات معاه فيها وحسستها باللي راه فحضن دافئ لي غادي يحميها ويدافع عليها وغايكون ليها هو الأمان بقاو دقائق على ديك الحالة عاد حيد من وهي تزنگات وحمارت
زياد كايضحك ويتك ويتك على الحشمة عمرني عرفتك ياجعواقتي كاتحشمي
شافت فيه ومالي بنت ليك مقزدرة لديك درجة
زياد:ها لي گلنا ههه
شوفي نقوليك واحد الحاجة من اليوم نتي ديالي صبرت وخبيت فقلبي حتى عيييت ولكن فاش كانت الموت غاتدييك ليا عرفت قيمتك كنبغيك أجنات ويلا بغيتي نقولها لعالم نقولها كنبغيك بهضرتك تجعويقك قباحتك ضحكتك فجميع حلاتك كنبغيك وغاتبقاي فجنبي ومعايا طول ما أنا عايش بزز بالخاطر المهم غاتكوني حدايا بغيت نكمل معاك حياتي ونولد معاك ولادي هذا❤بغااك نتي👈
جنات:لي عمر دمعتها سالت لي حلفات دموعها هي براسها متشوفهومش ليوم طيحاتهم
زياد:شش منبغيكش تبكي عينيك مبغيتش نشوف من اليوم فيهم دموع
جنات طارت عليه بتعنيقة لي كافية توصل ليه بيها أحاسيسها وباللي حتى هيا كتبغيه
زياد ههه هاي هاي على جعيويقتي طايحة فيا ومفراسيش
جنات:إوا ماشي دسرتك عليا طلع فوق راسي راه سميتي لاللة جنات
زياد:جنات ديالي ههه
جنات:ميقات فيه ديالك مالي شاريني من دلالة
زياد:ألاللة باز فراسك جيت تالعندك وتحدو ليا
جنات:إوا قول راه كيدهن عظيم
زياد:مناحيت عظيييم فهو أعظم ههه
جنات:إوا طلب تسليم
زياد:حمقة ديالي