نهار تزعطات جعواقة

البارت 25

🔞
                          البااارت25💓

مشا زياااد كايجري لمستشفى لي قاليه باه
وصل زياد بغا يحماق سول واحد الممرضة وراتو فين كاينين
زياد:الوااليد أشنو وقع فيناهيا الواليدة
سي مبارك:غير صبر أولدي حتى يخرج طبيب من عندها ونعرفو مالها
زياد:وكفاش حتى وقع ليها هادشي
سي مبارك:كنا فصباح گالسين حتى صونا شي حد منين خرجات واحد شويا سمعتها گاالت بجهد لا مايمكنش مشيت كانجري لقيت واحد ظرف طايح حداها وهي سخفانة
زياد:وشفتي اشنو فيه
سي مبارك :لا اولدي بكترت تلفاا حطيتو فوق لبوطااجي وعيط ليك
زياد:واخا غير بشوية الواليد شويا زياد تفكر ظرف لي دار فجيبو وهو يجبدو غير حلو تحلو معاه عينيه
زياد:لا مايمكنش لا لا لا مايمكنش يكون نفس ظرف لي شافت وهو سباب لا غاتمشي فيها لا ناري نعرف شكون نشرب من دمو شويا طاحت واحد الورقة صغيرة هبط هزها وقراها
^^^سي زياد يسحابليك فاش هنتيني ديك الخطرة غانسااها ليك ولكن أنا حذرتك ونتمنى يكون تحذيري وصل ليك حينت كايقوليك ديرها فالرجال وترجاها وديرها فالنسا ولا تنساها هه^^
زياد كمش الورقة وهو الغضب مسيطر عليه
زياد:جناااااااااااااااات جنيتي على روحك بيديك
-----نرجعو عند لاللة حبيبة فاش خليناها فالصبااح---
لاللة حبيبة:لا لا هااد البنت مبقاتش عاجباني غانمشي نسول عليها فمدرستهااا
داكشي لي كان نيت جمعات دار وهي تخرج متوجهة لجيهت لافاك فين كاتقرا جنات دخلات عند الحرااسة
لاللة حبيبة:سلام عليكم سيدي
الحراسة:وعليكم سلام الاللة
لاللة حبيبة:عفاك أنا أم جنات المالكي جيت نسول عليها
الحراسة:أييه الاللة وكنا نيت ناوين نستدعيوك
لاللة حبيبة:ياك لبااس أسيدي
الحراسة:إوا اش نقول ليك الاللة هادي كثر من سيمانة ماجاتش وهما فأواخر إنتهاء الموسم دراسي وباقي ماسالاو الإمتحانات وهاد الغيااب لي بدون مبرر راه غايخرج عليها
لاللة حبيبة:عفاك أسيدي سمح ليها غدا نشاءالله تكون عندكم
الحراسة:واخا الاللة أول إنذار وأخر إنذار غانعطيها
خرجات لاللة حبيبة وهي مغددة على بنتها
لي مبقاتش كاتجي المدرسة 
نرجعو عند جنات لي وصلات لدارهم فرحانة ونااشطة وهي ماعلى بالهااش بالروينة لي خلات موراها
جنات:هه وأخيرا خديت حقي وتعلم معامن تعود تلعب ليك