نهار تزعطات جعواقة

البارت 60

                  البااارت 60✔

بقاو شحال تاسالا الفيلم وناضت قدااات كسكروط حطاتو وبسمة مستغربة من هادشي لي كادير جنات بزااف على الخوف ولكن دغيا حيدات ديك الفكرة فاش تفكراات تسجيل وباللي اليوم غادي تخرج وتولي فخبر كان كاتسنا غا زياد يدخل
                        ¥فالمساااء¥
طيباات جنات العشاء وخلاتو كايطيب مشات لبيت وهي تلبس واحد لبيجامة بيتية صيفية مواتية سن ديالها قدات شعرها وخلاتو مطلوق وأول مرة دير مسكارة ودارت گلوس خفييف ورشات برفان وصبغات ضفارها بالكحل ومشات لكوزينة
جنات:لما نخلي بوك تولي تهتهت بسميتي منتسماش
شويا سمعات الباب كايتحل عرفاتو هو وهي تأكتيفي لجمال(ههه ديديكاس لأشرف الفرقاني😂😂)
تم زياد داخل حتى شم ريحت طياب قال مع رايو غا بسمة هادي تم داخل وهو يتفاجئ بجنات خصوصا منين شاف لبيجامة كيف مبينة فصالتها وشعرها طويل لي زادها جمال على جمال عاد عوبناتها زورق كيف كايبانو ماحس براسو حتى مشا قرب ليها مع هو طويل عليها هي واصلة ليه لجيهت صدرو بقات مطلعة راسها وهو كايشوف فيها حتى نسات جنات باللي هادي غاخطة لي دايرة فهاد ساعة مبقاو كايحسو بوالو من غير صوت قلوبهم شويا ماحسو براسهم حتى لقاو راسهم فقبلة عميقة كاتفسر مشاعر كل واحد بقاو شي دقائق وهما على نفس الحال حتى وعا براسو وكحاز وخلاها وخرج أما هي قلبها بغا يفرفر ماحيلتها تعصب ولا ضحك تلفات معرفات مادير (ههه هادي هي ديال جيت نصيدو صيدني وانا مزالة درية تحية لي قراها باللحن😂)
نمشو هند زياد لي مشا لبيتو بزربة سد عليه وهو تالف
زياد:كفاش طرا هادشي لا مايمكنش مايمكنش يكون قلبي تحل ليها أول مرة نحس بهاد الإحساس مع شي وحدة تفكر القبلة وتم كايضحك هه إلى كان هذا هو الحب فراك طحتي أولدي يازياد تم داخل لدوش وهو كايضحك