نهار تزعطات جعواقة

البارت 61

                     البااارت 61✔

وجد العشاء وحطاتو جنات وهي تعيط على بسمة أما زياد مقدراتش تمشي تعيط ليه حتى تم خاارج
زياد:أوه حطيتو لعشا ومتعيطوش ليا
بسمة:سمحليا أحياتي مقدرتش نعيط ليك
جنات سمعات كلمة ديال حياتي وهي تقرص معرفاتش علاش ولكن محملتهاش تقولها ليه
زياد:كان على مراتي العزيزة هي لي تعيط ليا وهو يغمز جنات
فهاد اللحظة جنات الله يرحمها تزنگات وحشمات
أما بسمة معجبهاش الحال شكات باللي بيناتهم شي حاجة
بسمة:حبيبي زياد ممكن مورا لعشا بغيت نهضر معاك ضروري
زياد كايشوف فجنات واخا
جنات عرفات علاش غاتهضر معاه بقات كضحك فخاطرهاا
مهم سالاو العشا وهي تجمع طبلة جنات وغسلاتهم ومشات تسنط أش غايقولو
              عند بسمة وزياد فالبيت
بسمة:زياد باغا نهضر معاك فشي حاجة ضرورية
زياد:واخا هاني كنسمعك ياك لبااس
بسمة:مهم واحد نهار فاش مكنتيش جات واحد لبنت على ماسمعت سميتها فردوس وبقاو گالسين فصالون كايتافقو عليك ولاللهم جنات مخلات تاكلمة خيبة مقالتها فيك ونقصات منك ومن رجولتك
زياد كايحك فلحيتو بسمة أنا عارفك مكتحمليهاش ولكن ماشي لدرجة طيحي عليها باطل هاكا
بسمة:كانقسم ليك ماكذبت عليك واش لهاد درجة مكتيقش بيا وليتي كاتيق بيها غير هيا ولكن أنا غانعطيك دليل باش تيق داك نهار سجلت هضرتهم كاملة مشات هزات لكادر ديال تصويرتها وخدات منو لكارط ميموار هاك خود ديرها فتيلي ديالك وسمع على خاطر خاطرك 
زياد ممصدقش كايتمنى ماتكونش هضرتها بصح وهادشي كولو غا حينت غايرة منها