نهار تزعطات جعواقة

البارت 23💕

                          البااارت23💓

خلااتهم جنات حتى خرجو وهيا تبعهوم باش تعرف فين غايمشو ركب زياد فطوموبيل هو والبنت لي معاه جنات خدات طاكسي ومن زهرها طاحت تاني غافداك لي جابها
جنات:نتا تاني اووفف شوف هاد طموبيل غادي تبعها وبلا هضرة صمت لمط بغيت يالله زيد
مهضرش مول طاكسي دار داكشي لي قالت ليه تاشافتو غادي جيهت واحد الغابة بقات تابعاهم شويا وقفو ونزلو وهيا تخلص مول طاكسي
بقات تبعاهم حتى شافتهم دخلو لواحد البلاصة بحال شي كوخ مبني من الگصب(القصب)
بقات تابعاهم وهو كل شويا يوريها تصويرة معرفاتش علاش مهم خدات ليهم شي تصيورات يالله كانت غادة حتى تعكلات وقبل مايخرج يشوف شكون هربات دغيا خرج زياد مالقا حتى واحد لقا واحد المشة وهزها ودخل لداخل
نرجعو عند بطالتنا كتعرج برجليها
جنات:تفو على منحوس طريقو مكتنبت ربيع فينما نتبعو طرا لي شي موصيبة هادا باينة رضعاتو شي سحارة (أحح ويسمعك احبيبتي لا أنا لا نتي فخير)
رجعات جنات لدارهم كاتشوف فدوك تصاور وكتفكر فشي خطة لي دير ليه باش كولشي يعرف خطيبتو رجعات من الموت
جنات:بف تلفت كيفاش غاندير اووف ياربي اش غاندير
لاللة حبيبة دخلات على جنات
امالك كتهضري غاابوحدك الله يستر من نهار خرجتي من الكوميسارية ونتي وحدة خرا كون عرفت يابنيتي عصا البوليس تگر فيك كون ديتك هذا شحال عندهم
جنات:مي لاش جايا دبا عندي باش تعاودي تفكريني بداك نهار الكحل
لاللة حبيبة:إوا شفتك يابنيتي مبردة ومابقيتي جعواقة وفيك المشاكيل
جنات:ومشطبة معاك جبدنا صدااع مشكيلة دخلنا سوق جوانا مشكيلتين ولكن لهلا يحوزك إلى بغيتي تا دبا نخرج نبرد غدايدي فشويخة وبنتها
لاللة حبيبة:لا لا غا گلسي حجاارك يشدوك انا بحرا وماتهنيت من شكاوي ودعاوي عبادالله
جنات:بف دبا لاش الواليدة جايا من للخر
لاللة حبيبة:مالي مشتاگاك راه غا كريمة نقاشة بغاتك تكتبي ليها واحد البرية بغات تسيفطها لراجلها لي ف سبانيا
جنات:وهيا بغات تصيفطها وانا مالي
لالة حبيبة:بغاتك تكتبيها ليها
واخا سيري قوليها تسالي دوز عندك
خرجات لاللة حبيبة خلات جنات لي يالله طلع معاها القاالب وطاحت ليها واحد الخطة فراسها باش واليديه يسيقو الخبار