نهار تزعطات جعواقة

البارت 48

    البااارت48✔

من بعد مامشات فردوس بقات جنات كاتفصل وتخيط حتى ضرها راسهاا مشاات لكوزينة لقات لي باط صايباتهم دارتهم مع الكفتة وقدات عصير ديال لفريز وداات داكشي لبيتها حتى شبعات لكريشة وهي ترجع لماعن غسلاتهم ورجعات لبلاصتها كأن شيئا لم يكن ههه وشدات تيلي دخلات تكونيكطات نيت شحال هادي مدخلات ليه
جنات:أرا نشووف شي قصة فگروب بنات سلطان نلاهي بيها لوقت بقات كتقلب حتى تاحطت فواحد القصة أم كنت لي جلاد سوطه العذاب للكاتبة سناء الإدريسي باينة غاتكون غزالة
بقات جنات كاتقرا حتى سمعات سوارت ديال لباب كايتحل وقالت
جنات:هالجلاد جا والعذاب غايبدا الله يخليها سلعة
دخل زياد لقا سقييييل فالدار مشا طل على بسمة لقاها غارقة فسابع نومة كان دايز شاف ضو مزال شاعل
زياد:واش هادي بنادم ولا جن مزال فايقة حل لباب لقاها خاشية راسها وسط تيلي وهو يهضر
من إنا فصيلة كتنتمي ليها نتي
جنات:على نفس لبوزيسيون من لفصيلة لي منها نتا
زياد عصباتو بهضرتها ومشا هز داك تيليفون وضربو مع الأرض وهي تنوض ليها القردة ما غير بان ليها واحد لفاز شيرات عليه بيه كون ماخوا عليها كان غايجي ليه وسط راسو مشا جيهتها وهي كتكحاز لور بقات هكاك حتى تعكلات وطاحت فوق ناموسية وجا هو فوقها
بقاو شحال كايشوفو فعينين بعضياتهم عااد وعى على راسو
زياد من تحت سنانو :قلت ليك عاهرة ومتيقتيش
جنات بغيض:قلت ليك ماشي رجل ومتيقتينيش
زياد تعصب وعماا ليه الغضب عينيه بغا تشوفيني وااش رااجل واخا أنا غانوريك بقا كايشرگ ليها فحوايجها وهي كضارب معاه
زياد:ليوم غانوريك رجلة على حقها وطريقها
جنات:لي فيها ماهناها عمرك تحلم أشماتة والله منخليك تمسني واخا يبقا فيا عرق واحد كايضرب😡