نهار تزعطات جعواقة

البارت 35

🔞
                          البااارت35💓

زياد:أييه بسمة لي غتاصبتيها ليوم نفنيك من دنيا نزل عليه زياد بالضرب والبونيات حتى عمر عثمان وجهو كاامل بالدم
عثمان:غادي تندم بزااف دبا تشوف على كل دقة
زياد:ومزال عندك لوجه باش تهددني واخا أسيدي غاهدد هادشي لاخرجتي من الحبس لي غاتسكن فيك حياتك كاملة هزو ورماه فطموبيل وداه لكوميسارية حتى يحققو معاه
رجع لدار وهو مزال فيه الحقد من جيهتو مكرهش داك نهار يخلي لخدمة كاملة ويمشي يتلقا ليها كايلوم راسو وباللي هو سبااب
فهاد المدة كاملة مبقاش هضر مع بسمة حتى قالت صافي نساني وگاع الوعود لي گال كلهم كدوب ولكن هو كان كايفكر فحاجة خرا مشا علم واليديه باللي بغا يخطب واحد البنت واليديه فرحو ليه بزااف حينت حلمهم يشوفو ولاد ولدهم قبل مايموتو
فعلا داكشي لي كان دازت سيمانة ومشا زياد مع واليديه لدار بسمة لي جاهم على غفلة بغا يديرها مفاجئة لبسمة دق باب دار وهي تحل لاللة ربيعة منين شافتو هو واليديه تصدمات ولكن دغيا فرحات ورحبات بيهم دخلاتهم لصالون وطلبات الأذن منهم ومشات طلعات عند بسمة لي غاسادة عليها فبيتها
لاللة ربيعة:أدوي يابنت الهم راجل جاي يخطبك ليوم ونتي ساقلة
بسمة:مفاهمة والو أشمن راجل هذا لي غايخطبني
لاللة:ربيعة واش كادوخي عليا إينا راجل زياد راه لتحت هو واليديه وهازين شكلاط والورد
لبسي حوايجك وتقادي باش تخرجي عندهم ونتي بحال لمومياء
بسمة مامتيقاش باللي وأخيرا وفى بوعدو ليها مشات طايرة دوشات وقدات شعرها لبساات واحد لكسيوة كحلة مشبكة من لكتاف طويلة خلات شعرها مطلوق على راحتو ودارت مسكارة وعكر خفيف وگلسات كاتسنا حتى تجي ماماها
وجدات لالة ربيعة كولشي وحطات لحلوى وأتاي وحطات لحليب والتمر
وهي تعيط لراجلها باش يجي
لاللة ربيعة:سمحولينا على هاد دخلة واخا ماشي ديالكم