_ يا ربي لى الناس دي كلها ما بتقبل اني اشتغل عندهم؟💔طيب دي آخر محاولة لو قالوا لا ، ح أمشي مكان تاني غير المكان البائس دا.
(المهم دي انا بتكلم مع نفسي اسمي (مشاعر🌸) ٢٣ سنة).
دقيت الباب مرة وتانية وتالتة . خلاص دايرة امشي كدة فتح ( كان شاب) قلت ليهو : انا ، انا دايرة اشتغل هنا😶.
قال لي : شنو؟؟
قلت ليهو : يعني خدامة💔 لو عايز يعني.
قال لي : اتفضلي نتفاهم جوة .
دخلت البيت كان كبير شديد . قال لي : لمدة ٨ ايام بس ما تفتكري إنك ح تعيشي وتعفني هنا ✋✋✋✋.
قلت ليهو : حاضر ، لى بس ٨ ايام ؟؟
قال لي : امي و ابوي واختي جايين من قطر بعد تلاتة ايام ، في ٣ ايام دي نضفي البيت و بعد ما يجو في موضوع ضيافة وكدا لمدة ٥ ايام وخلاص تطيري ، امشي خلاص ديييك غرفتك( أشر باصبعو على الغرفة) المهم بعد ساعة بس بديت النضافة😞😞 ، بديت بالمطبخ كان عبارة عن غرفة قمامة بس😩💔.
انتهيت منو بعد تعب و بعدها اتوجهت على غرفتين نضفتهم تماااام ، لمن انتهيت من النضافة كانت الساعة ٩ صليت ومشيت نمت طوالي.
😴😴😴😴😴😴
اليوم التاني كان نفس الحنك . انتهيت من البيت كلو وبقى نضيف و حلو شديد . دخلت غرفتي بالليل كنت تعبانة ، مشيت اخدت دش ظريف كدة ، و بعدها اتزكرت تلفوني ما كان شاحن اصلاً . قلت ح انتظر لمن يجي الولد الما بعرف اسمو دا يديني الشاحن . بعد طول انتظار سمعت الباب فتح طواالي مشيت ليهو ، وقف عاين لي مساافة💔
قلت ليهو : ممكن طلب؟؟
قال لي : اها.
قلت ليهو : عاوزة شاحن.
قال لي : عذراً ، ما عندي شاحن الربيكة .
قلت ليهو : ومنو القال ليك تلفوني ربيكة؟؟
قال لي : مش الخدامات دايما تلفوناتهم ربيكة؟
وقعد يضحك بطريقة خلتني اتغاظ منو شديد.
قلت ليهو : تلفوني هواوي جي سڤن ، رايك شنو؟
قال لي : طيب امسكي.
ختيت تلفوني في الشاحن ونمت.
صحيت الصباح بدري نضفت البيت تااني من اولو لى آخرو .انتهيت من النضافة قريب العشاء وهم جايين الساعة ٩ مسا .
دخلت المطبخ كان جايب ليهو بطاطس وجبنة وزيتون. انتهيت من العشا وهم جو طواالي ، طبعا براي قاعدة في البيت.مشيت سلمت عليهم واحد واحد وهم مصدومين😱😱 مشيت المطبخ وانا سامعة وهم بتكلموا.
( اختو اسمها لين وامو سمية وابوه عبدالله)
لين : تعرس من غير ما نعر يا وليد( اسمو وليد )
وليد : استهدي بالله دي خدامة ساي💔
وكلهم قعدو يضحكو، مشيت وديت ليهم الموية .
لين قالت لي : اسمك شنو انتي؟؟
انا : اسمي مشاعر🌸
لين قالت لى امها : اخيراً اسم ساهل ، الخدامات الفاتو كلهم كرستينا و روجينا وما ادراك.
اليوم التاني الضيوف كانوا كتار شديد وانا تعبت تعب . في نهاية اليوم دخلت غرفتي ويااااادوب اتزكرت تلفوني ، شلتو بقيت افتح في صور امي وابوي وابكي😭😭😭.
صحيت اليوم التاني كان يوم جمعة . بديت انضف في الحوش لما انتهيت ودايرة ادخل سمعتهم بتكلمو.
سمية : والله مشاعر دي ما شاء الله عليها طيبة ونضافتها ما فيها كلام.
وليد : اي كويس افتحو ليها قلوبكم كدا عشان في النهاية تجي تغدر بيكم ولا تسرق ليها حاجة من البيت دا .
لين : بالعكس البت عسل لا حبشية ولا جنوبية خرطومية عديل.
لمن دخلت كلهم سكتو قلت لى خالتو سمية : انتهيت من الحوش دايرة حاجة يا خالتو؟؟
قالت لي : لا خلاص تسلمي يا بتي.
قلت ليها : الله يسلمك❤
بعدها مشيت غرفتي ، لين حست بي دايرة ابكي 😢لحقتني في الغرفة شافتني ببكي ، قالت لي : مالك بتبكي يا مشاعر في حاجة؟؟
قلت ليها : لا ماف شي بس الغبار دخل في عيوني لما كنت بنضف في الحوش بس ما اكتر .
قالت لي : مع اني ما مقتنعة لكن خلاص .
بعد ما طلعت من الغرفة انا انفقعت بالبكى . في المغرب كدا لين جاتني في الغرفة قالت لي : تعالي امي بتناديك هي في الحوش.
قلت ليها : طيب جاية.
مشيت لقيتهم كلهم بتونسوا جيت قعدت جمب خالتو سمية . وهم بتونسوا، فجأة خالتو سمية قالت لي : انتي ساكنة وين في الخرطوم؟ وامك وابوك وين؟؟
من ما قالت الكلمتين ديل قلبي بقى يضرب زيادة.
مابعرف بس في حاجة خلتني احكي ، كان نفسي احكي لى زول عن الجواي .
قلت ليها : امي وابوي اتوفو الله يرحمهم، ماتو قدام عيوني ، اليوم داك ما قادرة انساهو ابدا ، اصلا ابوي شغال محامي. الشي العارفاهو قبل ما يموت انو اتشاكل مع زول وكدا ما عارفة التفاصيل، اليوم داك كان هادي كنا بنتونس ونضحك ، لمن جرس الباب دقا مشيت فتحتو لقيتهم ٣ اولاد ضخمين ، في واحد منهم دفرني لمن وقعت والتاني مسكني و مسكو امي برضو وساقو ابوي لغرفة مكتبو ، بعد دقايق كدا الولد مشا يحرق الغرفة الفيها ابوي وابوي بقى يقول لي : ابقي عشرة على امك . وخلاص لمن النار وصلتو بقى يقول ( اشهد ان لا اله الا الله)وانا وامي مصدومين ، سامعين صوت صراخو و ماقادرين نعمل حاجة . الولدين طلعونا من البيت وحرقوا البيت كلو وانا ماسكة في امي المصدومة وحضنتها وابكي وبس فكيتها كدا جات واقعة ميتة ماعارفة في اللحظة دي اعمل شنو لا عارفة ابكي او اصرخ .
وزي ما انتو شايفين اتبدلت حالي من طالبة جامعية عايشة حياة حلوة لى خدامة 💔💔
يتبع.....
