سمية: وليد عامل حادث واسي داخل في غيبوبة وحالتو خطرة شديد. انا خايفة ،خايفة اخسر وليد💔💔😭😭
دخلت في لحظة صدمة وقلت ليها: يا خالتو استغفري ،وليد ان شاء الله ح يرجع ليك. بقيت اهدًي فيها وانا ببكي،رفعتها وجبت ليها كرسي وقعدت فيهو.
مشيت لديمة الكانت بتبكي وقعدت معاها .
ديمة: بابا مالو؟؟؟
انا: مافي شي يا ديمة💔💔.
ديمة: بابا عيان صاح؟؟
سكت وما رديت عليها ،في اللحظة دي لين زمنذر جو داخلين،لين طوالي جرت لامها وبقت تبكي معاها.
اما انا دخلت في حالة تانية، بالجد كنت خايفة اني ما اشوف وليد تاني ،خايفة ما اسمع صوتو وهو بناديني،خايفة ما اشوف ضحكتو لي تاني ،كنت خايفة افقدو زي ما فقدت امي وابوي💔💔💔💔💔😭😭😭.
بعد ساعتين واحنا في نفس الحال،لين جات قعدت جنبي وعيونها مليانة دموع.
لين: مشاعر احنا الليلة ح نسافر لوليد.
انا: .....
لين: ما تخافي ما ح تقعدي براك ،مها ح تجي تقعد معاك، اصلا كلها كم يوم ونرجع وان شاء الله يرجع معانا وليد.
انا: ان شاء الله يارب💔💔💔
كانو مسافرين الساعة عشرة مسا.
بعد شوية الباب دقا ، مشيت فتحتو لقيتهم مها وخالتو امينة( امها) وعمو يوسف( ابوها).
سلمت عليهم ودخلو جوة.
المهم خالتو امينة وعمو قعد شوية ورجعو اما مها فضلت معانا.
لين ومنذر رجعو لبيتهم عشان يجهزو حالهم للسفر وخالتو سمية دموعها ما فارقتها.
بعد كم ساعة منذر جا داخل قال لخالتو سمية: خلاص نطلع؟؟
سمية: ااي خلاص، يلا تعال سوق ديمة.
سمية: يا مشاعر ومها خلو بالكم من نفسكم وما تطلعوا اي مكان لو احتجتو لاي كاجة اتصلو لسيد الدكان.
اديتك رقمو يا مشاعر صح؟؟؟
انا: ايوة.
المهم طلعنا ودعناهم ورجعنا.
اليوم التاني،صحينا زي الساعة تسعة ،مشيت عملت الشاي وشربناهو،بعدها دخلنا الغرفة .ومها بقت شغالة بتلفونها وانا سرحانة.
بعد ساعتين:
مها: مشاعر انا جعت والله.
انا: وانا نفس الشي.
مها : طيب ارح نخت لينا حاجة ناكلها.
مشينا المطبخ عملنا لينا كم حاجة ناكلها ورجعنا الغرفة.
اثناء ما احنا بناكل:
مها: هيي سرحانة وين انتي؟؟
انا: مافي شي.
مها: وليد صاح؟؟💔💔
سكت مسافة وقلت ليها: ايوة..وليد💔💔💔💔.
مها: اتصلي على لين خليها تطمنا عليهو.
انا: لالا الوقت ما مناسب ،خليهو بعدين.
مها : على كيفك.
لما الساعة اربعة جات قلت اتصل على لين،اتصلت عليها وردت علي ،المهم بعد السلام وكدا قلت ليها: اها طمنينا
لين: قبل كم ساعة وليد طلعوهو من العملية الحمد لله،وحاليا هو نايم وامي معاهو وقالو انو حالتو مستقرة ومع الايام ح يتحسن.❤
انا: الحمد لله طمنتيني.❤❤
لين: انا كل يوم ح اتصل عليك عشان اطمنكم عن وليد وأتطمن عليكم كمان.
انا: تمام ،سلمي عليهم كلهم.
لين: حاضر ،يلا مع السلامة.
انا: مع السلامة.
بعد المكالمة دي ارتحت شوية❤.
عدت الايام وكل يوم وليد حالتو بتتحسن اكتر،لمن جا يوم ،لين اتصلت علي حوالي الساعة ٩ بليل وقالت انهم بكرة راجعين السودان
كانو جايين الساعة ٤بالعصر.
اليوم التاني من الصباح جهزنا البيت وكدا وخالتو امينة كانت معانا.
المهم حوالي الساعة ٣ بدينا نجهز في نفسنا وكدا،وفجأة الباب دقا خالتو امينة مشت فتحتو وديل كانو هم ،انا ومها مشينا سلمنا عليهم وكدا وطبعا وليد كان قاعد في كرسي متحرك وسايقاهو امو،وكان ظاهر عليهو التعب.
منذر ولين قالو انهم ماشين بيتهم عشان يرتاحو شوية ويرجعو.
في اليوم التاني البيت كان ملان والخدمة كانت كتيرة.
عدا اسبوع وعمو عبدالله رجع قطر قال عندو شغل مهم وكدا يعني،ومها رجعت بيتهم.
في اليوم البعديو حوالي الساعة ٣ مسا،كنت في غرفتي وديمة كانت جنبي ناايمة،وخالتو مشت السوق عشان تشتري حاجات للبيت.
فجاة الجرس ضرب ،مشيت فتحت الباب،كانو بتين كدا الظاهر عليهم مايعات وحنكوشات .واحدة منهم قالت: وليد موجود؟؟؟
يتبع....
