احمد: قلت ليك اسكتي خلاص😠😠.
وفي لمح البصر أداني كف، وبقى يلوي لي في يدي لمن بقيت اصرخ، بعدها طلع من البيت.
انا بقيت ما حاسة بى يدي، ما بقدر أحركها أبداً. مشيت لفيتها بقطعة قماش، بعد ساعة اتصلت لمها.
أنا: وصلتو ولا لسا؟؟
مها: لا خلاص قربنا نصل.
أنا : الحمدلله على السلامة، بس ما اكون تعبتكم.
مها: ما تقولي كدا يا مشاعر،بس انتبهي على نفسك ولو حصلت ليك اي حاجة اديني تلفون وبنكون جنبك.حاضر؟؟.
انا: حاضر، يلا مع السلامة.
مها: مع السلامة💙
هناك في الخرطوم لما وصلو:
سمية: وين وين مشاعر؟ لى ما جات معاكم؟
لين : والله يا امي مشاعر لقيناها اتزوجت وليها يومين كمان.
سميه: سجمي😰،ما على اساس الجمعة الجاية العقد؟؟
لين: ما عارفة والله يمكن غيرو رايم، لكن الولد الاتزوجتو دا قال ح يطلقها بعد تلاتة شهور وترجع هنا
سمية : يا حليلك يا مشاعر يا بتي💔
عبدالله : الله يصبرها والله يكون في عونها.
لين : يا رب.
بعد شهرين من الكلام في يوم بليل كنت قاعدة في الغرفة شغالة بالتلفون،فجأة احمد جا داحل الغرفة وبقول في كلام ما مفهوم( كان سكران) وبقى يقرب علي اكتر وبدا يضرب فيني وانا بقاوم فيهو وفي النهاية هو زاتو تعب بعدها طلع من الغرفة.
كنت خايفة شديد،مشيت قفلت الباب بالمفتاح واليوم داك ابدا ما نمت من الخوف.
في اليوم التاني:
ما كنت عارفة اعمل شنو،فنضفت البيت كلو( عدم الموضوع مشكلة). غي الضهر كدا اتضلت على لين وبقينا نتونس كتير،انقطعت ونستنا لما جات خالدة ووجدان دخلو غرفتي فجاة وخالدة كانت شايل ورقة وما حسيت بيها الا وهي بتضرب فيني بكل وحشية كأني ما انسان وكأنها هارفة انو يدي بتوجعني لانها ركزت عليها وبقت بتضربي في اي مكان في جسمي وكنت بصرخ بأعلى صوت واما وجدان كانت بتعاين لي وبتبتسم.
وبعدها اغمي علي ومشو خلوني واقعة في الارض وكأنو ما حصل شي.
لين كانت مصدومة ، مشت لغرفة وليد وقالت ليهو: وليد مشاعر في مصيبة.
وليد: فشنو فهميني.
لين: كنت بتكلم معاها بالتلفون وانقطع كلامها لما سمعت صوت عمتها بتقول ما ح أخليك يا مشاعر ما ح أخليك، ومشاعر بقت بتصرخ بأعلى صوتها، وليد، لازم نمشىدي ليها لازم، بتكون حاصلة عليها مصيبة.
وليد: نمشي اسي؟؟🤨
لين: وليد خليك انسان جادي شوية، شيل مفتاح عربيتك وقوم من هنا يلا، انا ماشة اكلم امي.
وليد كان ماشي بأقطى سرعتو،بعد ساعة ونص بس وصلو.
لين : ما حنمشي لبيت عماتها.
وليد: ح نمشي وين يعني؟؟
لين شافت واحدة من بنات خالدة ، نادتها وقالت ليها: بتعرفي بيت مشاعر وين؟؟
البت: اي بعرفو ما بعيد.( اسمها فاطمة وعمرها ٥ سنوات وأختها اسمها زينب وعمرها١١ سنة)
المهم وصلو البيت،الباب كان مفتوح وزينب رجعت.
لين ووليد دخلو، ولين بقت بتنادي فيني، بعدها دخلت الغرفة الفيها انا،شافت منظري وانا في الارض وبقت بتصرخ،وليد جرى عليها واتفاجأ لما شافني، ما كانو متوقعين حاجة زي دي
لين بقت بتبكي، وقالت لوليد: وليد لازم نتصرف في اقرب وقت.
لين عاينت لوليد ولقتو بقى في ورقة.
قالت ليهو: دا شنو؟؟
وليد: دي ورقة طلاق😕
لين: معقولة يكونو عملو فيها كدا عشان طلقوها😨😨💔؟؟
بعدها لين لبستني عباية وطرحة وشالوني ركبوني في العربية.
لين: لازم نمشي اقرب مستشفى.
وليد: لا مستشفيات مدني دي ما مضمونة، احسن نمشي الخرطوم مرة واحدة❤.
لين : طيب احسن
لما صحيت لقيت روحي في المستشفى وما كان معاي ولا زول،
ما كنت مستوعبة حاجة ، كل المتزكراهو انو خالدة كانت بتضرب فيني💔💔.
بعد مدة في دكتورة دخلت لي وقالت: الحمدلله على سلامتك.
قلت ليها: انا وين؟! ومنو الجابني هنا؟😔😔.
طوالي خالتو سمية ولين جو داخلين.
سلمو علي وكدا. قلت ليهم بصوت وااطي: انا ما دايرة. اقعد هنا خلاص انا كويسة.
الدكتورة قالت لي: بعد بكرة ان شاء الله ح تطلعي من هنا😊😊.
يلا نخليك ترتاحي.
بعد ما طلعو، بقيت بعاين للسقف ودموعي نازلة، بتزكر في الحصل وببكي بدون صوت😔😔💔💔.
يتبع...........💛
