وفجأة المح وليد من بين الناس ،حسيت كأنو الله سخرو لي في اللحظة دي،زطوالي جريت ليهو وقلت ليهو: وليد ساعدني💔💔
وليد كان بعاين لابوي وهو مصدوم
المهم ركبنا ابوي في العربية ووليد كان سايق بأقصى سرعة .
واخيرا وصلنا المستشفى وبسرعة اسعفو ابوي.
ما كنت عايزة اصدق ابدا ،وبدون ما احس اترميت في حضن وليد بكل انهيار والم💔💔💔كنت خايفة ابوي يروح مني وارجع لحياتي القديمة بعد ما الدنيا ضحكت لي💔💔💔💔💔
وليد كان بحاول يهديني بكلامو لكن ما قدر.
شوية والدكتور طلع:
وليد: خير يا دكتور.
الدكتور: اتطمنو ،هو بخير والحمدلله ،جاهو هبوط في الدورة الدموية ،ولو اتأخرتو شوية كان ممكن يروح فيها ،لكن الحمدلله،حاليا هو نايم وخلوهو يرتاح شوية وبعد نص ساعة ممكن تدخلو وتشوفوهو.
هنا يادوب حسيت بي روحي وزحيت من وليد وقعدت في الكرسي وبقيت بحمد الله كتيير❤
وفعلا بعد نص ساعة دخلنا شفناهو كان صاحي،قعدت حمبو وبكيت شوية ،وبعدها بقى يتكلم معانا وكدا.
بعد ٣ ساعات خرجونا من المستشفى ،ووصلنا البيت حوالي الساعة ٩ مسا ،دخلت ابوي غرفتو ورقدتو في السرير وطلعت وقفلت الباب عشان اخليهو يرتاح .
طلعت الصالة ،لقيت وليد قاعد ومشيت قعدت جمبو وقلت: وليد،ما عارفة اقول ليك شنو....وما عارفة من دزنك كنت ح أعمل شنو...وما قادرة اقول ليك غير كلمة شكرا🖤
وليد ابتسم وقال: دا كلو ما مهم يا مشاعر ،المهم تخلي بالك من ابوك وبس فاهمة؟؟؟
انا: ايوة.
وليد: يلا مع السلامة بعد لازم امشي.
انا: مع السلامة.
اليوم البعديهو كان يوم جمعة وابوي بقى زي الفل🖤.
بعد صلاة الجمعة وليد اتصل علي بعد ما سلمت عليهو وكدا :
وليد: ابوك بقى كيف؟؟
انا: والله تمام الحمدلله.
وليد: حبيت اكلمك انو امي وابوي ح يجوكم بعد شوية.
انا: يشرفونا في اي وقت☺❤ انت ماجاي معاهم؟؟؟
وليد: لالا والله ما بقدر،عندي شغل مهم.
انا: ok،طيب يلا مع السلامة.
وليد: مع السلامة.
بعد ما قفلت منو مشيت كلمت ابوي ورتبت البيت وكدا .
وبعد شوية وصلو ،واستقبلناهم استقبال حلو ،ودخلتهم في الصالة ( طبعا ديمة كانت معاهم) قعدنا اتونسنا شوية ومشيت عملت ليهم عصير .
شلتو ووديتو ليهم اول ما شافوني كلهم سكتو .
حسيت في حاجة لكن اتجاهلت الموضوع💔💔
اتونسنا كتير وبعدها طلعلو.
حوالي الساعة ٩ بليل ابوي جاني في غرفتي وقعد جمبي وقال: عايزك في موضوع.
انا: خير؟؟؟
ابوي: ما في شي ،بس الليلة عبدالله ابو وليد طلب يدك مني لى ولدو.
( اتصدمت شديد وقلت ليهو): شنو؟؟؟؟.انا؟؟😳😳😳.
ابوي: ايوة انتي.... انا من ناحيتي وليد راجل وما شفت منو شين لكن في النهاية الكلمة كلمتك وما تقولي شي اسي ،فكري اول فاهمة؟؟
هزيت ليهو راسي بمعني ااي،وطلع.
بعد ما ابوي طلع ،لقيت نفسي اتصلت علي لجين واريل مكلمة جماعية، سلمت عليهم وحكيت ليهم بالحاصل.
طبعا قعدو يصرخو وينططو ويكوركو كأنو وليد قال دايرهم هم😌😌💔
انا: اها وروني الحل شنو؟؟؟
لجين: كيف يعني الحل شنو؟؟ يعني انتي ما موافقة ؟؟
انا: ما عارفة.
اريل: انتي دايراهو ولا لا؟؟
انا: والله ما عارفة.
لجين: شنو هو الما عارفة ما عارفة؟؟ يعني انتي من قلبك من قلبك عايزة وليد ولا لا؟؟
انا: .............
اريل: ههي احنا بنتكلم معااااك.
انا: اي عايزاهو🙈🙈❤❤
لجين: معناها من بكرة الصباح قولي لابوك رايك واتهني يازولة.
صحيت اليوم التاني واصلا ما نمت من كترة التفكير ،بعد ما فطرنا ،جيت قعدت جمب ابوي وهو كان مركز مع تلفونو ،وبدون مقدمات قلت ليهو بصوت وااطي: ابوي ،انا موافقة.
بعد مساافة ابوي يادوب استوعب كلامي وكان باين على وشو انو هو فرحان من قراري وحضني❤
بعدها طوالي شال تلفونو واتصل على عمو عبد الله وكلمو.
وبهنا عند خالتو سمية ،كانت بتزغرد ،زاما وليد ماكان مصدق الحاصل.
بعد شوية وليد اتصل علي وتلقائيا ابتسمت ودخلت غرفتي ورديت عليهو
وليد: الكلام السمعتو دا حقيقة ولا انا بحلم؟؟؟.
ضحكت وقلت ليهو: حقيقة طبعا.
وليد: الله يديم الضحكة دي وما يحرمني منك ابدا.
خجلت شديد ❤ولقيت روحي قفلت الخط.
المهم عدت الايام وحددنا العرس بعد شهرين.
وبعد اسبوع ابوي رجع دبي ،مع اني ما كنت راضية ،ومشيت بيت ناش خالتو سمية اتحبس هناك وطبع وليد طلع من بيتهم ومشى بيتنا❤.
مرت الايام سريع وباقي لعرسي بس اسبوع ،اتصلت على اريل ولجين وقالو انهم ما ح يقدرو يجو ،وزعلت منهم شدييد لاني كنت عايزاهم جمبي في الايام دي لكن للاسف💔💔💔.
واخيرا جا يوم عرسي ،من الصباح كنت في الكوفير مع مها ولين.
طبعا مها متغايظة من قالت لي كيف اعرس قبليها😌❤.
حوالي الساعة اربعة كنت جاهزة تماما ومنتظرة وليد،طبعا الصالة كانت بالعصر .
فستان زفافي كان شي حلو وبسيط وراقي جدا،وطبعا كنت محجبة❤😌
شوية كدا وليد وصل ،لما دخل وشافني قعد يصفر 🙈وقال: انتي مشاعر ولا انا غلطان؟؟😍😍
انا: كلامك دا يعني انا كنت شينة صاح؟؟؟ شكرا يا وليد😞😞امشي شوف ليك عروس غيري سريييع😒😒💔.
وليد مسكني من يدي وقال: من اولها كدا؟! معقولة ياخ؟؟😏😏❤ ،طيب اها رايك شنو فيني؟؟؟
انا: فظييع والله.
لين جات ناطة لينا وقالت: هههي اطلعو سرعة ،الناس ديل منتظرنكم في الصالة.
لين ومها ركبو مع منذر في عربيتو .
المهم وصلنا الصالة وكنت شوية متوترة ،واول ما دخلنا القى لجين واريل في وشي ،طبعا ما قدرت استوعب .جو حضنوني
وقلت ليهم: جيتو من وين انتو؟؟؟؟؟
الاتنين: مستحيل نفوت يوم زي دا😌😌❤.
وسلمو على وليد وباركو ليهو❤
المهم رقصنا شوية وقعدنا في الكوشة.
اريل ولجين جوني:
لجين: وااااي لكن وليد احلى من في الصورة.😍💔💔
اريل: مووبااااالغة طبعا❤
انا: هههي بطلو قلة ادب ،زمان كنت بخليكم تنبرشو لكن اسي بقى راااجلي😌❤،عشان كدا عييييب😌😌.
لجين واريل: ككككللللبة😒😒😒💔
بعدها ديمة جات قعدت جمبي ،كانت لابسة فستان ابيض وكانت عسل بتشبه ابوها❤🙈،بقت تتكلم وتضحك معاي.
فجأة وليد قرب علي وهمس لي: بحبك يا مشاعري❤.
قربت عليهو وهمست ليهو: وانا كماان❤🙈
المهم جرتقونا والحفلة انتهت وطوالي مشينا على المطار ،كنا مسافرين ماليزيا❤❤❤
ً~~~~~~~~~~~~~
وبى كدا بديت حياة جديدة مع وليد،كان بخاف علي من اقل حاجة وبحبني شديد❤❤❤.
طبعا مها اتزوجت وحاليا هي في لندن مع راجلها❤،ولين ولدت وجابت توأم حلوين❤.
وبعد كم سنة جبنا محمد ❤وبقينا احلى اسرة ( انا ووليد وديمة ومحمد❤)
كنا كل نهاية اسبوع بنمشي لابوي وبنقعد معاهو.
ودي كانت قصتي البدت بى مأساة وانتهت بسعادة❤
النهــــــــــــــــاية
