انا: ايوة،اتفضلو
مشيت لغرفة وليد عشان اكلمو ،دقيت الباب وفتحتو لقيتو راقد وشغال بتلفونو.
انا: في بتين قالو عايزين يشوفوك.
وليد: خليهم يتفضلو.
المهم دخلو غرفة وليد وانا مشيت على المطبخ ،عملت ليهم عصير منقى باارد💔
مشيت وديتو ليهم واديت وليد كمان ،طلعت من الغرفة ووقفتا جنب الباب.
فجأة اسمع واحدة منهم بتقول: دي الانت كنت دايرها؟؟؟😪💔
وليد: ايوة دي هي.
البت قالت : يعني لو ما انتو كانت اسي حايمة في الشوارع صاح؟؟😏😏💔
البت التانية قالت ليها: واااي معقولة للدرجة دي ما عندها اهل؟؟؟
وليد اتغاظ من كلامهم وقال ليهم: لو سمحتو ممكن تقفلو الموضوع دا؟؟
دخلت غرفتي وانا مصدومة من الكلتم السمعتو وانتظرتهم لمن يمشو.
بعد ما مشو ما اترددت ابدا ودخلت غرفة وليد ،لقيتو قاعد في سريرو وشايل ليهو ورقة او صورة ،المهم ما ركزت معاهو وقلت ليهو: وليد عايزة اتكلم معاك وياريت تسمعني للنهاية وما تقاطعني ابدا.
صراحة يا وليد انا استحملت اكتر من اللازم واتجاوزت كتير ،لكن البنات الجو ديل او اي كانو هم ،يجو ويقولو عني ما عندي اهل وحايمة في الشوارع دي ما حأقدر اتجاوزها ،للان مصدومة كيف هم عرفو قصتي مع انو الجواب واااضح ........انت ياوليد انت القلت ليهم الكلام الفارغ دا ،مع انو انت اكتر واحد عارف الظروف المريت بيها وعارف الحاصل علي شنو💔💔💔💔
( وليد كان بعاين لي وهو مصدوم)
وليد: مشاعر اسمعيني
قاطعتو وقلت ليهو: ماعايزة اسمعك ،ياخ ارحمني ،ارحمني ،والله انا استحملت حاجات ،رااجل ياوليد راجل ما يقدر يستحملها💔💔💔💔
طلعت من الغرفة وقفلت الباب بأقصى قوتي.
عدا اسبوعين من اليوم دا ،كنت انا وخالتو سمية وديمة بنتغدا ووليد طلع بره البيت.
انا: خالتو بكرة انا ح أنزل كورس.
سمية: والكورس دا وين؟؟؟
انا: في العمارات.
سمية: مابعيد؟؟؟
انا: ايوة بعيد شوية لكن مها معاي.
سمية: وح تمشي كل يوم؟؟
انا: لالا ما كل يوم بس الاحد والتلات والخميس.من الساعة واحدة لى اربعة وبس.
سمية: تمام😊
بعد ما اتغدينا،غسلت العدة ودخلت غرفتي .فجأة مها اتصلت لي:
مها: اها مستعدة لى بكرة ؟؟
انا: هو شنو عشان يستعدو ليهو؟؟
مها : ما معروف يمكن نلاقي اولاد مزز😉❤.
انا: يا تااافه ،مالو هناي ما مالي عينك؟؟😏😏💔💔
مها: ما كدة يااخ😴،الموووووهم ،على فكرة في اولاد من دفعتنا ح يكونو معانا في الكورس .
انا: زي منو يعني؟؟😴
مها: سليمان واحمد والباقيين ما عارفاهم.
انا: وانتي بتجيبي المعلومات دي من وين؟؟
مها: متواااصلة معاهم يا حبيبتي ،ماا زيك كدا مدفونة في الارض😏😏💔.
انا: هههيي يلا باي ،خالتو بتناديني.
مها: يلا.
مشيت ليها وقالت لي: وليد دا جعان ختي ليهو الغدا وخليهو يجي ياكل في المطبخ ،انا ماشة احمم ديمة.
انا: طيب.
مشيت جهزت ليهو الغدا في المطبخ ، طلعت من المطبخ عشان اناديهو وفجأة بدون مقدمات لقيتو في وشي.
انا: الغدا جاهز
وانا ماشة وليد وقفني لما قال: انتي ما اديتيني فرصة عشان اوضح ليك لكن برضو آآآسف مع انو انا ماغلطان
( عملت نفسي كأني ما سمعت شي وتابعت طريقي💔💔💔💔💔💔)
يتبع.........
