*** ما تنسوا التصويت على الحلقات ***
بعد اسبوع من الحصل،
كنت براي في البيت كالعادة وليد طلع،ولين مع شغلها.
الساعة ٤ عصر ديمة كانت نعسانة ومشيت رقدتها في السرير ورقدت معاها على اساس تنوم،لكن انا نمت معاها.
بعد ساعةحسيت باب الغرفة اتفتح وصحيت مخلوعة،
انا: جيت متين انت؟؟
وليد: يعني، قبل شوية،تعبانة ولا شنو؟؟
انا: لا ما تعبانة،بس ديمة نعست ورقدت معاها ولقيت روحي نايمة.
وليد: طيب حأخليك تتمي نومتك😊😊
انا: لا اصلا ما بنوم تاني
المهم ديمة صحت وبقيت العب معاها، بعد نص ساعة وليد جا داخل الغرفة:
وليد: مافي غدا في المطبخ؟؟؟؟😰
انا: لا ما في والله،اعمل ليك بطاطس؟؟
وليد: بطاطس شنو ياخ😒😒
انا: طيب عايز شنو؟؟😞
وليد: لا ما عايز شي💔💔💔
( سكت مساااافة وقال: ) رايك شنو نتغدا برة؟؟😎💔
أنا : فكرة ، لما لين تجي
وليد : لين قالت لي دوامها الليلة متأخر يعني حتجي الساعة 10 بليل.
انا : طيب ما ضروري نتغدا بره ، جيب اندومي وخلاص😊😊
وليد : الاندومي دي يوم ح تضيعك.
انا : كلام ساي على فكرة ، أصلاً كنت كل يوم في الجامعة باكلها ولو ما أكلتها بجيني خلل✋✋💔
وليد : حنتغدا بره وما داير نقاش✋✋
المهم أنا لبست لي عباية سوداء ومعاها طرحة مشكلة وديمة لبستها فستان😍😍
وصلنا مطعم فاخر و حلو . قعدنا في السفرة وطلبنا بيتزا 🍕🍕🍕🍕🍕🍕وسلطات.
ديمة كانت قاعدة في كرسي جنبي وبقيت الاعبها وهي تضحك وانا أضحك معاها😀😀
وليد: الظاهر ديمة بتحبك
انا: طبعا❤، وانا برضو بحبها.
وليد: كل ما اتذكر انو ديمة امها حنين بندم شديد.
انا: ولى دا كلو؟؟ ( اسئلة الغباء😁)
وليد: لانها يا ستي بت ما مربية وتافه شديد،وبعدين هي طمعانة للقروش وبس.وفي اسباب كتيرة خلتني اكرها بالجد.
انا: انت ما كنت عارف انها كدا من الاول؟؟
وليد: للاسف،اصلا انا لاقيتها لما كنت في قطر،بعد ما اتخرجت من الجامعة، ما عارف كل شي حصل سريع الخطوبة والعرس وكل شي ودا كان اكبر غلط في حياتي.
انا: ممكن سؤال؟؟؟
وليد: اتفضلي.
انا: لما شفت صورتها هي وديمة وشاكلتني ،دا بدل على؟؟
وليد: بدل على اني بكرها وما كنت عايزك تعرفي.
( بدون ما اشعر قلت ليهو): لا بالعكس. بدل على انك للان بتحبها،عشان كدا لازم ترجع ليها.
وليد: شكلك للان ما بتعرفي وليد،وعلى العموم خلينا من السيرة دي.
فجأة اشوف ولد كدا،لما شفتو قلبي بقا يضرب بسرعة ،والولد بقى يعاين لي برضو وانا الخوف اتملكني،وليد عرف اني ما طبيعية وقال: مشاعر في شنو؟؟
انا: وليد خلاص مفروض نرجع البيت بعد دا.
وليد: في شنو يا مشاعر خايفة من حاجة؟؟؟
انا: ما بقدر اقول ليك اسي، لازم نرجع.
وليد: طيب قومي
شلت ديمة وقمنا ،ركبنا العربية وانا مقبلة على الشباك ودموعي جارية💔💔
ديمة: كانت قاعدة في رجليني وناايمة👌.
فجأة وليد وقّف العربية:
وليد: مشاعر ممكن تقولي في شنو؟؟
عاينت ليهو وانا ببكي بدون صوت💔
انا: مافي شي.
وليد: انتي بتبكي وتقولي لي ما في شي؟؟ مشاااعر احكي فضفضي لي.
انا: ( بصوا واطي) في المطعم شفت ولد وهو برضو شافني( بعدها سكتَ)
وليد: والولد دا منو؟ اتكلمي.
انا: الولد واحد من التلاتة القتلو ابووي وهو الكان ماسكني متأكدة انا، ما قادرو انسى ولا لحظة من اليوم داك،انا خلاااص تعبت والله تعبت.
وليد: مشاعر ما تخافي احنا كلنا جنبك وان شاء الله الجاي ح يكون احسن
وتابع طريقو💔💔
بتبع...........
