لين: يا جماعة انا زهجانة 💔👊،رايكم شنو الليلة نطلع نغير جو؟؟؟
سمية: اي والله زهجتة من قعدة البيت دي😕💔.
لين: والله يا حليلك يا امي،هناك في قطر كنتي كل يوم بتطلعي مع حبيب القلب صح؟؟😏😏❤👊.
سمية: يااابت انا ماااا ناقصاك ما تقلي ادبك معاي😠😠💔👊.
( وانا بس كنت بتفرج عليهم وبضحك❤).
بعد المغرب مشينا شارع النيل والجو كان حلو.
قعدنا انا ولين مع بعض وبنقطع على اي زول نشوفو.
اثناء قطيعتنا دي جا وليد انضم لينا وقعد جبنا وقال: بتوسوسو في شنو ؟؟😏😏.
المهم ما اشتغلنا بيهو وتابعنا ونستنا او بالاصح قطيعتنا💔💔
انا: اتخيلي يا لين لو اسي شفتي منذر قاعد ليهو مع بت شعورك ح يكون شنو؟؟😈😈😈💔💔
لين: تفي من خشمك ياابت دا كلام شنو؟؟😨😨.
انا: انا قلت اتخيلي .
لين: مااا بتخيل لانو انا واااثقة في منذر ومستحييل يعملها🙈🙈❤.
انا: الله الله الله 😏👊❤.
وليد: مجنونات بالجد ✋
المهم واصلنا ونستنا مع وليد .
اما خالتو وديمة عايشين في جو براهم❤.
رجعنا البيت الساعة ٩ ،بالجد كانت طلعة حلوة وظريفة ❤❤❤❤.
عدت الايام والشهور لما جا عرس لين❤.
من الصباح البيت كان مليان.
مشينا انا ومها وبنات عم لين اتنين( سلمى وفاتن بنات كدا عسولات ،اصغر مني بسنتين)
مشينا مع لين لخبيرة التجميل الحاجزة عندها.
المهم كلنا اتظبطنا.والعقد كان بعد صلاة الجمعة ،منذر اتصل على لين وقال ليها انهم عقدو ولين كانت بتبكي من الفرح،بعد ما انتهينا من كل شي،وليد جا بى عربيتو وكان معاهو منذر،ركبنا اناولين ومها مع وليد والباقيين لحقونا بعربية تانية❤❤( طبعا الصالة كانت بعد العصر )بعد ما وصلنا الصالة والعرسان دخلو وكدا،الناس بدو يرقصو،اما انا ما متعودة على الرقيص او بالاصح بخجل يعني ما بحب ارقص قدام الناس لكن لما اكون براي دا كلام تاااني❤❤👊.
المهم الحفلة انتهت وجرتقوهم ورجعنا البيت،والعرسان مشو على المطار❤❤.
مًر اسبوع وطبعا لين مافي وبقى مافي اي موضوع ووليد مع شغلو،بطلع الضباح وبجي بعد المغرب وديمة دايما مع خالتو ومرات بتكون معاي💔💔😩.
استمر الحال كدا لما جا يوم انا كنت في الغرفة وخالتووديمة نايمين(الساعة كانت ٨ مسا) فجاة باب غرفتي دقا،
انا: اتفضل.
وليد: انا وليد.
طوالي قمت لبست توبي،وقلت ليهو: اتفضل يا وليد❤.
وليد: بعد نص ساعة القاك جاهزة لانو طالعين نتعشا برة.
انا: اسي؟؟؟
وليد: لالا يوم القيامة يعني حيكون متين😏😏❤.
ومشى على غرفتو.
وانا طوالي مشيت استحميت وطلعت لبستي الماشة بيها وبقيت جاهزة.
وصلنا المطعم المشينا ليهو المرة الفاتت،المهم طلبنا اكل ووليد قال: انا جبتك هنا عشان نتكلم براحتنا❤ .
انا: نتكلم عن شنو؟؟
وليد: اولا: مشاعر انا آسف على كل شي مرة تانية،وياريت تفهميني من الاول.
انا: فاهماك❤.
وليد: تمام،مشاعر ،انا بالجد ما شفت انسانة زيك،واحتمال ما اشوف ابدا،تصرفاتك ❤برائتك❤طريقة كلامك❤والظروف المريتي بيها،خلوني اعرف انك شااذة يعني مافي منك اتنين❤( طبعا هنا قلبي بقى دلوكة)
وليد متابع في كلامو وقال كلام بالجد صدمني❤💔👊: ..........
يتبع.........
