عدّت تلاتة ايام وانا في نفس حالتي،في الايام دي خالتو سمية وعمو جو من قطر.
في اليوم الرابع فتحت عيوني ،كانت جنبي لين بتقرا لي في قراءن.
لما شافتني مفتحة عيوني كانت عايزة تطير من الفرح .المهم الدكتور جا ونصح لين عن حاجات كتيرة وبعدهاخالتو ومها جوني في الغرفة وبقو يتكلمو معاي كتير وطبعا انا كأني ميتة ماكنت برد عليهم ابدا ،بالجد انا قرفت من نفسي ومن كل شي في الدنيا دي💔💔💔💔.
واستمر الحال على كدا لمدة اسبوع وبعدها بديت اتحسن شوية شوية.
لما خرجوني من المستشفى .
في البيت نفسياتي كانت كانت تعبانة شديد وبقيت مابحب اتكلم كتير.
بعد يومين من ما خرجوني من المستشفى ، وليد ومعاهو ولد كدا الظاهر عليهو محامي دخلو لي في غرفتي وقعدو في الكراسي الجنبي .
طبعا انا كنت راقدة في سريري ومتغطية.
وليد: الليلة كيفك؟؟
انا: الحمد لله.
وليد: مشاعر انا جيت هنا عشان عايزك تكلميني عن كل الحصل معاك بالتفصيل لانو المرة الفاتت ما اديتينا كل التفاصيل والبلاغ الفتحتو لسة مستمر ومافي جديد والمحامي دا جا معاي عشان يعرف منك انت كلو حاجة وكل حاجة بتقوليها ح يكتبها .فلو عندك حاجة تقوليها قوليها
انا: انا بعرف الشخصين الحاولو يقتلوني يا وليد💔😟.
وليد: طيب قولي من غير ماتخافي.
انا: دي اية.
وليد: اية منو؟؟؟؟
انا: اية البت السكنت جنبنا والمشينا ليها انا ولين،وكمان معاها الولد الشفتو في المطعم قبل كدا لما كنت معاك،( بقول في الكلام دا ودموعي جارية،)
وليد: مااتبكي
انا: ياريتني لو مت وارتحت مم الحياة دي💔💔❤.
( وليد سكت مساافة وقال):طيب ما عارفة هم عملو فيك كدا لى؟؟؟
انا: مابقدر اقول .
وليد: احنا لازم نعرف،لانو البلاغ مفتوح ليهو زمن واحنا دايري كل التفاصيل ،مشاعر انتي لازم تفهمي الكلام ودا .
انا: وليد افهمني انا مابقدر اقول شي، انا خايفة تحصل مشاكل بسببي،اصلا انا المصيبة الدخلت حياتكم💔💔
وليد: مشاعر الكلام البتقولي فيهو دا ما قتو، ويلا احكي.
انا: طيب اوعدني لما اقول ليك السبب الخلاهم يعملوفيني كدا ما تعصب ابدا.
وليد: حاااضر ماحأعصب😊.
انا: اية والولد المعاها في زول خلاهم يتجسسو علي ويعرفو عني كل شي، اية كانت بتسألني عن حاجات غريبة وماحلوةةوانا كنت بتجاهل كل سؤال بتسألو.
وليد: الاسئلة كانت زي شنو مثلا؟؟ والزول الخلاهم يعملو كدا منو؟؟.
انا: حنين.
وليد: حنين؟؟ حنين كيف يعني؟؟
انا: ايوة حنين،حنين كانت معتقدة انو انا........
وليد: انتي شنو؟؟ اتكلمي ماتقيفي.
انا: انو انا على علاقة معاك او انا مرتبطة بيك،واخر مرة لما جات في البيت قالت لي انو ازح من طريقها هي وانت
.
( وليد كان مصدوم،ماكان متوقع انو حنين هي السبب)
طبعا المحامي ساكت وبكتب اي حاجة قلتها وبكدا هم طلعو من الغرفة💔💔💔
يتبع................
