في اليوم التاني حوالي الساعة ١٠ صباحا ،قلت لابوي: ابوي انا عايزة امشي السوق .
ابوي: ضروري؟؟
انا: اي ،في كم حاجة عايزة اشتريها.
ابوي: طيب يلا سرعة سرعة عشان ما نتأخر ( طيارتنا كانت الساعة ٩ بليل)
المهم مشينا السوق واشتريت لي كم بجامة وكم لبسة وعبايتين ،يعني عزيت نفسي😌😌❤وابوي اشترى كم حاجة وطلعنا.
واخيرا وصلنا دبي ،ابوي اصلا كان مُأجر ليهو شقة في عمارة كبيرة ،المهم نزلنا فيها ،ومن التعب طوالي مشيت نمت.
اليوم التاني رتبنا حاجاتنا وكدا،وبعد اسبوع ابوي نزل شغل ،كنت قاعدة في الصالة وفجأة اسمع الباب بضرب مشيت وقفت جمب الباب وسمعت صوت بت بقول: مشاعر افتحي الباب( استغربت طبعا).
فتحت الباب وكانو بتين ،دخلتهم جوة ومشيت عملت ليهم عصير وجيت قعدت جمبهم.
واحدة منهم قالت: انا لجين ودي اختي اريل❤.ساكنين هنا في الشقة القصادكم.
انا: اتشرفنا ،بس كيف عرفتو اسمي؟؟؟
لجين: الصباح كنت طالعة من الشقة ولاقيت ابوك وسلمت عليهو وهو عرفني سودانية وقال لي انو عندو بت اسمها مشاعر وقال انو امشي واتعرف عليها وكدا ❤
انا: ايوااا
بعد ونسة طويلة اريل قالت لاختها: يلا يا لجين ،اتأخرنا.
لجين: طيب يلا.
انا: جليكم شوية💔😢
انا: نشوفك بكرة في بيتنا☺❤
انا: ان شاء الله.
المهم شلنا ارقام بعض وطلعو .في اليوم التاني قبل ما ابوي يطلع قلت ليهو : ابوي الليلة ح أمشي لناس لجين .
ابوي: لجين منو؟؟
انا: البت الاقيتها امس الصباح.
ابوي: انا ماعندي مانع بس لما اجي راجع القاك قاعدة❤
انا: تمام.
بعد ما صليت الضهر طلعت ومشيت ليهم.
( أسرتهم بتتكون من ستة ، ( منى) أمهم و ( صالح ) أبوهم وحالياً في كندا هو و ولدو هيثم ، لجين و هيثم توأم 🖤 عمرهم ٢٦ سنة و أريل ٢٤ سنة و مبارك عمرو ١٧ سنة)
دقيت الباب و فتح لي مبارك ، سلمت عليهو و أول ما دخلت لقيت لجين و أريل قاعدين مع أمهم🖤 ، سلمت عليهم و قعدت ، خالتو منى إتونست شوية و مشت .
أريل : قومو أرح لى غرفتي ❤
دخلنا غرفتها و بقينا نتونس ، حكيت ليهم عن قصتي وطبعاً عن وليد💔🖤
لجين: الظاهر بحبك❤
انا: عارفة لكن بتجاهل في الموضوع .
اريل: لى لكن؟؟؟
انا: ساااي بس💔
لجين: خلونا من دا ،المهم هو سمح ؟؟
انا: ما عارفة لكن عندي صورة اوريكم ليها؟؟؟.
اريل: طبعا.
( كانت الصور سيلفي لينا انا ولين ووليد لما كان يوم الجمعة ولابس الجلابية وكان ماشي لحنين،تتذكرو؟؟)
وريتهم الصورة وفجأة يصرخو .
لجين: وااااااااي لكن ،فظظييع .
اريل : والحالة الجلابية💔💔💔.
لجين: لكن اختو عسل ،وانتي موبالغة❤.
انا: يعني هو سمح للدرجة دي؟؟😒💔
اريل ضربتني وقالت: يعني هو في اسمح من كدا؟؟😏😏🖤
المهم انتبهت للساعة لقيتها ماشة لى خمسة.
انا: ههيي انا ماشة بعد دا.
لجين واريل: لى؟؟
أنا : لأنو أبوي قال لي اما أرجع ألقاك قاعدة ، يلا مع السلامة.
المهم عدت شهور و أنا بقيت متعلقة بي لجين و أريل 🖤🖤 و هم نفس الشي ، ما ممكن يعدي يوم وما أشوفهم ، عادي مرات بيجو ينومو معاي و مرات أنا بنوم معاهم❤
و استمر الحال كدا لمن جا يوم كنت قاعدة في غرفتي ، و فجأة جاني ابوي وقال لي : جهزي حالك بعد بكرة إحنا حنرجع💔
أنا بخلعة : نرجع😳😳؟؟
أبوي : آي لازم نرجع لأنو باقي شهر بس من اجازتي خلينا نتمو هناك وتاني نرجع هنا💚
أنا : طيب يا أبوي ، لكن ما بعد بكرة خليهو الاسبوع الجاي💔
أبوي : لا لا ما ممكن💔
انا : عليك الله يا أبوي🙏🙏🥺🥺
أبوي : طيب ما مشكلة ما دام إنتي مصرة.
في الاسبوع دا أنا وأريل و لجين عديناهو طلعات بس ❤
وقبل السفر بيوم مشيت لى محل كدة حق هدايا وسقت معاي لجين واريل، عشان اشتري لخالتو سمية ولين هدايا،بعد ما انتهين.انا: يلا اطلعو .
لما عاينت ليهم لقيتهم بعاينو لي بنظرات ما قدرت افهما وقلت ليهم: ههيي مالكم؟؟؟ اطلعو.
اريل: يعني انتي جاااااادة من كل قلبك خميتينا من بيتنا عشان نجي نشتري هدايا لى نسيبتك وبتها وما نشتري لوليد؟؟ ما جادة طبعا😒💔.
لجين: ما جادة نهااااائيا
طبعا انا بقيت باعين ليهم كدا😳😳😳😳
انا: انتو بتقولو في شنو؟؟؟ اطلعو قدامي سريع. وليد البتتكلمو عنو دا بكون نساني زمااان💔💔
لجين: ماااا مشكلة اشتري ليهو هدية عشان يتذكرك بيها وما ينساك .
انا: طيب امشو اشترو سريع واطلعو انا ح أستناكم هنا.
اريل: مشاعر بطلي سخافة ،كيف احنا نشتري الهدية ،ما دام انتي حبيبتو😒😒❤.
طبعا زهجت منهم شديد واستسلمت للامر الواقع واشتريت ليهو هدية من زوقي.💔💔💔
يتبع.......
