بعدها لين جات،وكانت شايلة كباية عصير ليمون.
لين: اشربي العصيرةدا وهدّي اعصابك.😉😉
شلت منها العصير وشربتو.
لين: وليد يلا خلّي مشاعر ترتاح.
وليد: طيب.💔
وطلعو من الغرفة.
لين: دا شنو العملتو دا؟؟؟؟😳
وليد: ( بكل برود): عملت شنو؟؟
لين: خلاص،انسى😒😒
عدت الايام لما جا يوم كنا انا ولين ووليد بنتغدا في المطبخ.
وليد: الليلة اصحابي جايين يحضرو معاي كورة،عشان كدا اعملو لينا بسبوسة وكيك وحاجات زي دي.
لين: والمقابل؟؟؟😌😌
وليد: والله لو عملتوهم لينا،انا بجيب ليكم اي حاجة عايزنها.
اناولين: ok😪
لين: جايين متين هم؟؟؟
وليد: الساعة ٨ كدا.
بعد ساعة بدينا نعمل فيهم،طبعا انا خبيرة في البسبوسة وبدل الكيك لين قالت ح تعمل مكرونة بالبشميل 💔💔
انتهينا منهم زي الساعة ٦ ونص .
المهم اصاحبو جو وقعدو يضحكو ويتونسو بأعلى صوت.وانا ولين في غرفتنا.
فجأة سمعت صوت وليد وهو بنادي فيني.
لين: دا مالو كمان؟؟😒
انا: ما عارفة والله
لبست توبي وطلعت،سلمت على اصحابو ومن ضمنهم سامي❤
وليد: امشي جيبي لينا شوية بسبوسة في الصحن دا.
شلت منو الصحن ومشيت على المطبخ،شلت اكبر كمية من البسبوسة❤
ومشيت ختيت ليهم الصحن في الطربيزة.
وليد: مع اني قلت شوية لكن ما مشكلة.
وطبعا هم مركزين مع الكورة .بقيت أحضر معاهم،فجأة في لاعب كان قرّب يجيب قون لكن ضيعها ومن غير ما احس قلت: لااااا يووووخ💔💔
وهم كلهم بقو يعاينو لي بنظرات استغراب كدا.
وليد: انتي للان واقفة هنا؟؟؟
انا: ايوون😊
كلهم بقو يضحكو بأعلى صوت ،قلت ليهم: خلاص ماشة انا😒😒
واتوجهت على الغرفة طوالي
لين: مالك اتأخرتي كدا؟؟
أنا : كنت عايزة أحضر معاهم الكورة لكن ما خلوني💔😭😭
لين : متخلفة بالجد .
وبقت تضحك.
بعد ما الكورة انتهت وأصحابو طلعوا وليد جانا في الغرفة❤
وليد : شكرا على العملتو لينا💕💕
أنا ولين : عفواً
لين : جاي هنا عشان تشكرنا وبس؟؟؟
وليد : ايوة ، في حاجة تانية؟؟
قلت لى لين : أكيد نسى يا لين.
لين : وينسى لى؟؟
وليد : نسيت أقول ليكم انو الكورة انتهت اتنين صفر ، قاصدين كدة صح😊😊😉؟؟
لين : وليد إحنا ما ناقصين غباء ، انت قلت لينا لو عملنا الدايرو ح تجيب اي حاجة احنا عايزنها✋✋✋
وليد : طيب دقايق وراجع ليكم😅.
بعد ربع ساعة وليد جا داخل الغرفة و كان شايل أكياس💕💕
وليد : أمسكو مني.
بقينا نفتح في الاكياس كان جايب علبتين نتويلا و سنيكرس و تويكس و جلكسي 😮😮(مبااالغة)
لين: انت جااااادي؟؟؟؟❤
وليد: لالا والله.
اليوم التاني كان جمعة،انا ولين بدينا ننضف في الحوش بعد ما انتهينا كان في نظام قعدة ظريفة كدا، قعدنا فيها انا ولين
لين: في ناس سكنو هنا ،يلا نمشي ليهم.
انا: وين؟؟
لين: شايفة العمارة دي؟؟
انا: ايوة شايفاها.
لين: بس في الطابق التالت في ناس سكنو جداد فيها.يلا نمشي ليهم على القل يكون لينا موضوع شوية.
انا: طيب يلا
لبسنا تيابنا وطلعنا.
دقينا باب الشقة،بعد مسافة فتحت لينا بت .
المهم دخلنا الشقة كانت صغيرة شديد.
وبقينا نتعرف على بعض.
لين: وين امك وابوك يا اية؟؟( البت اسمها اية)
اية: هم مقيمين في السعودية واخواني معاهم.
يتبع.........
