اليوم التاني كان اول يزم في الكورس ،واحلى ما في الموضوع الونسة مع سليمان واحمد كلها ضحك وهظاار❤.
عدا اسبوعيين وبكرة كان اخر يوم في الكورس ،اتصلت على مها وقالت لي انها تعبانة شديد وبكرة مابتقدر تجي ،مع انو احنا كنا متفقين بكرة نمشي شارع النيل انا ومها وسليمان واحمد لكن لغينا الفكرة💔💔 وخليناها ليوم تاني.
في اليوم التاني ،بعدما انتهى الكورس كنا انا وسليمان بنتونس ،بعد مساافة قلت ليهو : الوقت اتأخر لازم امشي بعد دا.
سليمان: طيب خليني اوصلك لانو احتمال ما تلقي مواصلات .
انا: لكن انا ح أمشي لى مها اول وتاني امشي البيت.
سليمان: ما مذكلة خلينا نمشي لمها وبعدها اوصلك.
المهم ركبت معاهو ومشينا لمها .
اتونسنا مع خالتو امينة شوية ودخلنا لمها في غرفتها وقعدنا شوية وطلعنا منهم،كانت الساعة ماشة لى سبعة.
المهم وصلت البيت لقيت وليد قاعد في الصالة ،قلت السلام عليكم ،ردا لي وكشيت على غرفتي.
عدا يومين كنت قاعدة مع خالتو وقلت ليها: الليلة حتعملي شنو في الغدا؟؟
سمية: والله ما عارفة ،ما عملت اي شي😴😴💔.
انا: طيب رايك شنو اظبط ليكم مكرونة؟؟
سمية: ياريت والله.
انا: اديني القروش امشي اجيبها واجي .
المهم ادتني القروش ومشيت الدكان( طبعا الشارع بالضهر بكون فااضي ،كأنو ما في زول ساكن جنبهم،وكالعادة دايما بكون في اولاد قاعدين جمب الدكان)
مشيت اشتريت المكرونة وجيت طالعة من الدكان،فجأة الاولاد بقو يصفرو ويشاغلو فيني وحركاتهم ديك💔💔😴.
طبعا دي ما اول مرة امشي الدكان دا،لكن اول مرة بقيف قدامي ولد.
الولد: ماشة وين يا عسل؟؟
ما اشتغلت بيهو وتابعت طريقي،وفجأة تااااني القاهو في وشي لمن اتخلعت.
الولد: خليكي شوية مالك مستعجلة كدا؟؟.
انا: زح من طريقي احسن ما الم الدنيا دي عليك وتاني ما تلوم الا نفسك😠😠😠💔.
وفجأة اسمع صوت عااااااالي بقول: زح منها ياا ككككككللللللببب😠😠
اتلفت لقيتو دا وليد.
المهم جاني ووقف جنبي وقال: انت لسه واقف؟؟
طييير من هنا قبل ما اقتلك😠😠😠
الولد( بكل برود) : وانت منو؟؟
وليد: البت الواقف جمبها دي، تبقى مرتي اها عندك رااي؟؟
الولد والاولاد المعاهو فكوها جرية واختفو عن الانظار.وانا بقيت اشكك ضحك يعني اول مرة اضحك كدا قدام وليد.
وليد سبقني وبسرعة لحقتو وقلت ليهم: لى يعني قلت ليهو مرتي؟؟ ما كان ممكن تقول اختي او بتي؟؟؟
( وليد وقف وعاين لي في عيوني وقال) : انا شايف كلمة مرتي اقوى من اختي وماا تفهمي غلط، وبعدين بتي كيف بالتوب اللابساهو دا؟؟😉😉❤
انا: مااا مشكلة على الاقل معترف انك كبير😌😌😌💔💔.
وليد: في ذمتك اسي شكلى دا شكل راجل عندو بت زيك كدا؟؟
انا: ومالو شكلك يعني؟؟
وليد: ياخ انا البنات كلهم متكسرين فيني وانتي تقولي لي مالو شكلك يعني؟؟
انا: البنات البتقول عنهم ديل خفييفات وما عندهم موضوع.
وليد: ياا شييييييخة😉😉😉😉❤
وانتهى حوارنا على كدا
يتبع........
