بعد ما طلعنا منهم قلت لابوي: ح نمشي لى بيتنا؟؟
( ابوي ابتسم وقال لي:) اكيد☺،قبل كم شهر عملت ليهو صيانة من اول وجديد ورجع زي ما كان واحسن.❤
المهم بعد نص ساعة وصلنا البيت.واول ما دخلت كنت متمنية اشوف امي طالعة من المطبخ وتقول لينا لى اتأخرتو كدا💔💔💔بدون ما احس دموعي نزلو ،ابوي شافني وجا علي وحضني شدييييد ومسح لي دموعي وقال: مشتاقة ليها؟؟؟💔💔💔💔
هزيت راسي بمعني ااي وقال: وانا برضو مشتاق ليها والله💔💔💔. سكت مسافة وبعدها قال: سامحيني يا مشاعر سامحيني انا السبب💔💔💔💔.
( عاينت لى ابوي في عيونو الحزينة بحنية وقلت ليهو): معقولة يا ابوي؟؟ انت تقول كدا؟؟ دا قضاء الله وقدرو ولازم نرضا بيهو ونتابع حياتنا❤❤.
ابوي ابتسم وقال: طيب.
بعد الكلام دا مشيت على غرفتي ورتبت ملابسي في الدولاب ورتبت غرفتي وطلعت لقيت ابوي قاعد في الصالة وبحضر في التلفزيون .قعدت جمبو وبقينا نتونس وحكيت ليهو عن عماتي لما مشيت ليهم وكيف كانت معاملتهم معاي ولما زوجوني بالغصب .ابوي لما وصلت النقطة دي بكى عديل وهو اصلا قبل كدا كان عارف💔💔
حاولت أخفف عنو ، وحكيت ليهو عن حياتي مع خالتو سمية و كيف أنا كنت مبسوطة معاهم🖤🖤وما جبت ليهو سيرة عن الحادث الحصل لي مع حنين 💔 وبرضو ما حكيت ليهو عن علاقتي بي وليد.
بعد ما إنتهينا أبوي قال لي : جعانة؟؟؟
أنا : اي والله💔💔
أبوي : طيب أنا ح أمشي أجيب أكل من برة 🍕🍕🍟🍔🍗🌭وخليك قاعدة في غرفتك و ما تطلعي منها فاهمة؟؟؟
أنا : فاهمة🖤
المهم أبوي جاب الاكل و أكلنا وبعدها صليت العشا وقعدت مع أبوي شوية و مشيت نمت و دا كا أحلى يوم في حياتي😚
بعد كم يوم أبوي جا وقال لي : مشاعر الاسبوع الجاي حنمشي دبي
أنا : لى يا أبوي؟؟؟!
أبوي : زي ما انت عارفة أنا خليت شغلي هنا كمحامي ، وصاحبي قدم لي شغل في شركة هناك في دبي والحمدلله قبلوني عشان كدا حنمشي❤
انا : تمام👍
في اليوم التاني أبوي بدا يعمل في إجراءات السفر و كدا
قبل السفر بيومين :
أبوي كان قاعد و بحضر في التلفزيون ، مشيت قلت ليهو : أبوي عايزة أطلب منك طلب🥰🥰
أبوي : قولي شنو طلبك؟؟؟
انا : رايك شنو نعمل زيارة لى ناس خالتو سمية وبالمرة نودعهم🖤
أبوي : دا بس طلبك؟؟!
أنا : أيوة🖤
أبوي : من عيوني الاتنين🧡🧡🧡
قمت بستو في جبينو و قلت ليهو : تسلم لي إن شاء الله🧡
اليوم التاني بعد صلاة العصر طلعنا ومشينا ليهم .
وصلنا و وليد فتح لينا الباب🖤
في اللحظة دي إتزكرت لما جيت اول مرة هنا و وليد فتح لي الباب ، تلقائياً ابتسمت❤❤❤
المهم وليد سلم على ابوي سلام حار ونفس الشي معاي انا . واول ما دخلت ديمة جاتني جارية ،وشلتها وحضنتها
قالت لي: مشيتي وين؟؟؟؟( بزعل كدا❤)
انا: مشيت بيتنا.
ديمة: يعني دا ما بيتك؟؟
ضحكت وقلت ليها: اي بيتي.
وليد: ديمة يلا خلاص انزلي من ماما خليها تدخل.
عاينت لى وليد بإستغراب وقال لي: من ما مشيتي ديمة شابكاني ماما مشت وين ماما مشت وين.
انا: ايواا ( وحضنتها علي زيادة ❤،في الوقت دا ابوي دخل وسلم على خالتو سمية)
المهم انا دخلت وسلمت على خالتو وقالت لي: كنت مفتكراك نسيتينا💔💔.
انا: معقولة ياخ؟؟؟ انسى الناس كلهم وما انساكم❤❤
قعدنا وبقينا نتونس وديمة كانت قاعدة جنبي وبتتكلم معاي ،وكل ما ارفع عيني القى وليد بعاين لينا انا وديمة .
المهم طلعنا منهم قريب العشا ومشينا رتبنا حالنا للسفر❤❤❤❤❤
يتبع............
