اليوم التاني كالعادة لين مع شغلها و وليد طلع ما عارفة وين😌😌
نضفت البيت كلو ، الساعة 1 ضهر ، جرس الباب رن فتحتو كانو لين و وليد❤❤
وليد مشى على غرفتو لا سلام و لا كلام.
أنا : الليلة لى جيتي بدري كدة؟؟
لين : أصلا ما مشيت المستشفى انا✋✋
أنا : مشيتي وين طيب؟؟
لين : أنا و وليد مشينا جامعة السودان و دفعنا رسوم تخريجك😃😃 وباقي ليهو إسبوعين بس.
أنا : شنو؟ تخريج؟؟لكن أنا ما دايرة أتخرج قلت ليك😔
لين : الجمعة الجاية حنمشي السوق ونشتري كل شي😅😅( طبعا هم مفتكرين اني ما عايزة اتخرج عشان ما يتعبوا نفسهم و كدا لكن انا ما عايزة أتخرج عشان حاجة تانية😞)
🍀🍀🍀🍀🍀🍀🍀🍀
في يوم الجمعة أنا ولين و وليد مشينا السوق ( طبعا وليد من اليوم داك ما إتكلمت معاهو ابدا)
بقينا نختار في الفساتين.
أنا : لين الفستان دا حاو صح؟؟
لين : لا ، إنتظري نشوف الفساتين كلها✋❤
أنا : طيب دا (أشرت على الفستان)
لين : لا ، دا بسيط شديد ، دايرين فستان يكون شاذ وحلو وبسيط في نفس الوقت😏😏😆
أنا : ياخ حسستيني دايرين نشتري فستان زفاف😀😀
لين : ياريت❤😏
أنا : انت قربتي ياختي أما انا لي الله بس.
لين : وااي شوفي الفستان دا حلو كيف😳😳
أنا : أي حلو شديد ( كان اونو سماوي هادئ و فيهو حزام رفيع بالزهري ومن الحزام ولى فوق فيهو ورود صغيرة بنفس لون الحزام)
المهم في النهاية اشترينا كل حاجة😉😉
في يوم التخريج ، لين ما فارقتني ولا لحظة ، لبست الفستان وعملت لي مكياج خفيف كدا وكنت محجبة طبعا ، بعد ما جهزت ، انا ولين بقينا نتصور❤❤ ( لين كانت لابسة فستان حلو شديد)
لين : وليد تعال إتصور معانا.
وليد : طيب جاي✋❤ واتصورنا كم صورة كدة😃
لين : مشاعر أقيفي جمب وليد خليني أصوركم😉
وليد : صورينا بتلفوني.
لين شالت منو التلفون واتصورنا.
بعد نص ساعة بدا التخريج وبدو يوزعوا في الشهادات❤ طبعا ترتيبي كان ال١٧ ولما زاعو ال١٦ أنا قلبي ما حاسة بيهو كنت خايفة دموعي تفضحني قدام الناس.
أي زول بدخل بغنية رابة🎵🎵🎶 وبعدها بسلم على أمو وأبوهو
أما انا لا ح أدخل بغنية وأمي وأبوي مافي😔😔
المهم لما قالوا مشاعر محمد أحمد ، مشيت طوالي بالممر وسلمت على الناس البوزعو الشهادات وصوروني و مشيت💔💔
حسيت نفسي مخنوقة ، طلعت من الصالة شفت عربية وليد جريت عليها لقيتها مقفولة💔💔
قعدت في الارض بإنهيار و دموعي ما بتقيف😭😭
شفت لين جارية علي و وليد لاحقها.
لين : مشاعر لى قاعدة هنا إنتي؟؟
أنا :..........
لين قومتني و شافتني ببكي وقالت لي : في شنو ؟؟لى بتبكي؟؟؟
مفروض تكوني فرحانة.
أنا : فرحانة؟؟(بصوت واطي و مبحوح)
لين : وليد خلاص يلا نرجع البيت 💔
رجعنا البيت وأنا طوالي مشيت على الغرفة و رقدت في السرير وبعاين للسقف وببكي وبقول في نفسي: ( ياربي انا لى بحصل معاي دا كلو ،لى؟؟ انا ذنبي شنو في الدنيا دي،ذنبي شنو؟؟ .
انا مابقدر استحمل اكتر من كدا والله مابقدر ،يارب،يارب انا ماعملت شي غلط عشان تجازيني بي دا كلو )
فجأة بقيت اصرخ ووليد ولين جو جارين علي
لين: مشاعر في شنو؟؟
وليد جا قعد جنبي وقال: مشاعر مالك؟؟
انا: انا عايزة اموت،عايزة اموت،مادايرة اعيش ولا لحظة في الدنيا دي.😭😭
وليد: استهدي بالله يا مشاعر ،لين امشي جيبي ليها موية.
لين: طيب
بعد ما لين طلعت وليد قال لي: قولي لي حاسة بشنو؟؟؟
انا: حاسة ،حاسة بأنو انا وحيدة مافي زول بقيف جنبي كل الناس ضدي .
وليد مسك يديني الاتنين ومسح دموعي بٱبهامو وبقيت اعاين ليهو ،حسيت بيهو كأنو خايف علي.
وليد قال: لا انتي ما وحيدة،اناولين وامي وابوي ومها وكلنا معاك ،كلنا جنبك💔💔💔💔💔
بتبع...........
