وليد قال ( وهو مقبل على الجهة التانية بصوت مسموع) : عاين دي كمان بتدلع فينا، هو احنا ناقصين دلع. لمنعاين لي لقاني بغاين ليهو وهو زاتو اتخلع😨😨 ، وقلت ليهو : لا ، المرة دي شكلك غلطت حبة حبتين . انا مدلعة؟؟ لا بالعكس . بس انا خايفة ، خايفة من نقطة واحدة بس . خايفة اني اتعلق بيكم و في النهاية اخسركم ، كفاي الخسرتهم💔💔💔، احساس انك تفقد سندك وحضن امك و دعواتها ليك والناس الانت معتمد عليهم في كل شي ، احساس مبااالغة💔. احساس بخليك ما عايز تتعلق بالناس كتير لأنو حيجي يوم وتمشي او هم يمشو . واصلا الجاب الدلع للكلام دا شنو؟؟ عشان انا ماشة؟؟ مش انت براك قلت ٨ ايام؟؟ وانتهت✋✋
لين بقت بتهدي فيني واناببكي وساقتني لغرفتها،قعدتني في السرير وقالت : ما تشتغلي بأخوي اصلا بقول كلام ساي ، وبعدين انتي قايلة احنا معتبرنك كخدامة؟؟لا طبعاً. شيلي فكرة انك خدامة خالص من راسك ، وبعدين عارفة انا كان دايما بتمنى يكون عندي أخت👭 وأسي معتبراك اختي وصحبتي كمان.
بهناك خالتو سمية قالت : كيف يا وليد تقول كلام زي دا ؟؟؟ بت صغيْرة فقدت امها وابوها تجي انت تقول كلام زي دا ؟؟
وليد : يا أمي عليك الله خلاص .
سمية : امشي ، امشي شوف شغلك بي وين.
بعد ساعات جاتني خالتو سمية في غرفة لين ، كنت براي في الغرفة قاعدة في السرير و سرحاانة💔.
خالتو مشاعر : مشاعر ، ما تكوني زعلانة من كلام وليد ، اصلا هو بقول كلام ساي.
انا : لا لا طبعا ما زعلانة ، وأزعل من شنو اصلا؟؟ ليهو الحقالكرسي؟؟ كلام عايزو.
خالتو سمية : يا مشاعر فكرة انك خدامة دي ما دايرنها ابداً💙 ، والغرفة دي حقتك انتي ولين ، يعني ح تنومي معاها ، وبكرة انتي ولين ح تمشو السوق تشتروا كل العايزنوا. حاضر؟؟
قلت ليها بصوت مبحوح : حاضر.
اليوم التاني من الصباح انا ولين مشينا السوق ، طبعا لين اشترت لي السوق كلو. بعد ما رجعنا البيت لقينا مها قاعدة . مشينا غرفة لين و قعدنا نتونس.
مها : واي الجامعة باقي ليها اسبوعين بس💔💔
انا : اسبوعين ولا سنة انا ما ماشة الجامعة تاني.
مها : كيف يعني؟؟
انا : عديل كدا نفسي قفلت منها.
لين : هو قالوا على كيفك تمشي و ما تمشي؟؟
مها : هي أصلا آخر سنة.و يعني لو خليتي الجامعة امك و ابوك الله يرحمهم حيكونوا فرحانين ، طبعاً لا.
انا : ما عارفة.
لين : ولا على كيفك انت يا بت ، صبرتي في الاساس ٨ سنوات والثانوي٣ سنوات والجامعة قريتي فيها ٤ سنوات غالبك تتمي سنة واحدة؟؟
انا : طيب بفكر.
مها : ما تفكري ولا شي ح تمشي يعني ح تمشي.
المهم اتونسنا كتير وبعدها مها مشت.
في يوم صحيت الساعة٧ لقيت البيت فااضي ، انتظرت قريب للساعة سمعت الباب فتح ، مشيت لقيتو وليد.
قلت ليهو : في شنو؟؟ لى البيت فاضي؟؟
قال لي : مافي شي.
دخل غرفتو ، خمس دقايق طوالي طلع من البيت.
راسي بقى يودي و يجيي. اتصلت على لين ما بترد.
المهم بعد٣ ساعات جرس الباب دقا. مشيت فتحتو لقيت دا عمو و بى وراهو لين بتحرك في الكرسي القاعدة فيهو خالتو سمية وبى وراهم وليد. كلهم عاينو لي بنظرات ما قدرت افهمها، قلت لى عمو : في شنو؟ لى خالتو قاعدة في الكرسي؟؟ قال لي بكل برود: تعبت ووديناها المستشفى.اي زول دخل غرفتو، بعدها مشيت للين،قلت ليها : لين في شنو انا ما فاهمة حاجة فهميني.قالت لي : ( وهي مركزة مع تلفونها) ما تحاولي تبرري موقفك، يعني دايرة تقولي لي انو وليد ما قال ليك انو امي جاها هبوط حاد وهي في المستشفى وقال ليك ارح معاي وانتي قلتي ليهو ما ماشة؟؟ قلت ليها والله ما عارفة يا لين أسي عرفت منك.
قالت لي: ممكن تخليني براي؟؟.
قلت ليها : حاضر
🍁🍁🍁🍁🍁 🍁
في الظر كدا لين و وليد وخالتو سمية كانو في الهول وعمو في الشغل.مشيت لقيتهم اي زول مع تلفونو،
قلت ليهم: والله ياجماعة انا ما كنت عارفة لو كنت عارفة كنت جريت ليك جري يا خالتو.قالت لي : انا مصدقاك و متأكدة انك لو كنت عارفة كنت ح تجيني.
قلت ليها : سلامتك ياخالتو
قالت لي: الله يسلمك، معقولة وليد ما كلمك لمن جا هنا؟؟
عاينت لوليد الكان داير يشوف ردي حيكون شنو.وقلت ليها: هويمكن قال لكن انا ما سمعتو، وما يمكن مؤكد كمان.( قلت الجملة دي وما نزلت عيني من وليد).
عدت الايام وجات ايام الجامع المرة💔💔 كنت بمشي بترحيلي الزمان وبجي بيهو. كانت ايام عادية ما فيخا حاجة ، ولين بقت شغالة في مستشفى .(لين عمرها ٢٥ و وليد ٢٨).
في يوم كدا كان السبت . لين كانت في المستشفى ، وعمو عبدالله في الشغل وخالتو مشت لى صحبتها.
انا كنت بزاكر في الغرفة ، دايرة أتصل على مها اسألها من حاجة لقيت ما عندي رصيد💔😞 في تلفوني .
فمشيت لى وليد في غرفتو دقيت الباب قال لي : في شنو؟؟
قلت ليهو : وليد ممكن تحول لي رصيد في تلفوني؟؟
قال لي : ما عندي😑
قلت ليهو : طيب عليك الله جيب لي كرت من الدكان عاوزاهو ضروري والله .
قال لي : كمان دا آخؤ ما توصلتي ليو تتأمري علي؟؟
قلت ليهو : ما كدة بس محتاجة ليهو ضروري.
قال لي : عايني براي اخلاقي واصلة السما😠😠 ما فاضي ليك انا ، خلاص فرحانة عشان لقيتي ليك بيت تعيشي فيهو و زول ينفق عليك ؟ عليك ما لقيتي غير بيتنا عشان تدقي بابو؟
اسي انتي براك بقيتي مسؤلية بحالها لى امي وابوي✋✋💔 (قال كلامو دا وهو مركز مع اللابتوب)....
يتبع........
