بعد يومين كانت اية معانا وبتونس وكدا.
لين: انا خايفة ياخ.
انا : لشنو؟؟؟
لين: عشان خطوبتي قررربت❤❤🙈👊.
اية: ودي حاجة يخافو منها؟؟😒😒
انا: خالتو جاية متين؟؟
لين: بعد اسبوع بس.
اية: اسبوع؟؟ لى يعني؟؟
لين: ايوة اسبوع مالك؟؟؟😏😏
اية: لا بس عشان اسبوع كتير شديد،وبعدين انا متشوقة اشوف خالتو،وللخطوبة بالزاد❤
لين: قريب ان شاء الله.
مرتة تلاتة ايام،ووليد نزل شغل في شركة ولين في المستشفى،صحيت زي الساعة ٩ وبديت نضافة طوالي،انتهيت منها قريب للعصر ،قعدت في الصالة وبقيت شغالة بتلفوني،اتصلت على مها وقالت لي: مشاعر ،في واحد قال لي لو اتقدمت ليك حتوافقي ولا لا وانا ما عارفة اقول ليهو شنو.
انا: لو انتي من قلبك دايراهو و واثقة منو وافقي طوالي بس لكن استخيري اول.
مها: والله يا مشاعر انا من زمان دايراهو بس مترددة شديد❤🙈👊
انا: ما تترددي ولا شي دي حياتك❤
مها: طيب نشوف.
انا: يلا مع السلامة
مها: باااي❤
المهم لما الساعة خمسة جات، جرس الباب ضرب،مشيت فتحتو وهنا كانت صدمة حيااتي💔💔( ديل كانو اية والولد الشفتو في المطعم والكان واحد من التلاتة القتلو ابوي).
قلت لى اية: دا،دا شنو ؟؟؟ والولد دا لى معاك ؟؟ فهميتي😳😳💔
اية: مش حنين قالت ليك زحي من طرقها هي ووليد؟؟ لى ما سمعتي كلامها؟؟ على الاقل كنتي تسمعي كلامها ما كنا ح نقتلك😏😏.
انا: تقتلوني؟؟؟ بتقولي في شنو؟؟ بتعرفي حنين من وين انتي؟؟؟ ؟؟
اية: ههههههه اسكتي اسكتي.قالت للولد المعاها: نبدا؟؟؟
الولد: اكيييد👌😏😏
وفجأة اشوفو شايل سكين في يدو،وانا هنا الخوف اتملكني.وخلاص استسلمت للامر الواقع وكتت مصدومة وما فاهمة اي شي💔💔.
جريت طوالي للمطبخ على اساس اشيل سكين وادافع عن نفسي .لكن فات الاوان،طعني في كتفي وفي ضهري وجيت واقعة في الارض والدم ملى المكان.
اية والولد كانو معتقدين اني متَ،وطلعو من البيت بسرعة.
بعدربع ساعة وليد جا داخل البيت ومشى على غرفتو،غير ملابسو،وكان داير يشرب موية فدخل المطبخ وشاف منظري. وليد اتصدم شديد.وبقى بصرخ باسمي،كان داير يشوف هل انا بتنفس ولا لا لكن كان تنفسي ضعيف شديد.
شالني وجرى بي على العربية واتحرك بأقصى سرعتو
وصل مستشفى.......وشالني بيدينو الاتنين ودخل المستشفى وبقى يقول للناس: سااعدوني يا ناااس ساعدوني.
المهم دخلوني غرفة العمليات وقالو انو لازم نعمل عملية سريعة💔💔
اثناء العملية وليد اتصل على لين وقال ليها( بصوت مبحوح): لين،تعالي انا في مستشفى..........
لين: في شنووو؟؟؟
وليد: بس انتي تعالي وح تفهمي كل حاجة💔💔
لين: وليد قول لي في شنو ما تحرق اعصاابي.
وليد: تعالي وخلاص،على التلفون ما بقدر اقول شي.
بعد نص ساعة لين وصلت المستشفى لما شافت وليد،اعصابها تلفت،كان ببكي وقميصو مليان دم ومنظرو كان مبااالغة.
لين: في شنوووو يا وليد اتكلم.
وليد: تعالي حأحكي ليك كل حاجة.( المهم حكى ليها كل الحصل).
بعد ساعتين الدكتور جاهم:
وليد: ان شاء الله خير يا دكتور؟؟
( الدكتور نزل راسو وسكت مسافة) وقال ليهم: احنا عملنا العلينا والباقي على ربنا.
لين: لا،مستحييل( بقت تبكي بجنون).
وليد: طيب ممكن نشوفها اسي؟؟
الدكتور: لا طبعا، حالتها ما مستقرة وبعدين الطعنات في اماكن خطرة شوية من جسمها،الليلة ما ممكن تشوفها ،لمن حالتها تستقر ان شاء الله❤💔💔💔💔.
بتبع..................
