بعد ونسة طويلة رجعنا البيت،لقينا وليد في الصالة.
وليد: مشيتو وين انتو؟؟؟؟
لين: في بت سكنت هنا قبل يومين ومشينا ليها.
وليد: ما شاء الله عليكم.
لين: وفيها شنو دي كمان؟.
وليد: من متين بقيتي تطلعي بدون اذني؟؟؟😠( بنهرة)
انا: الموضوع ما بستاهل ،يعني ما في داعي ....
وليد: ما في داعي لشنو؟؟
انا: ما في داعي تعمل قومة وقعدة.
وليد: القومة والقعدة العاملها دي ماليك انتي، وبعدين لو انتي ميتة او حية انا ما فارق معاي ولا هاميني.😒💔💔.
لين: وليييد.كفى خلاص👊😠😠.
( صراحة الكلام وجعني شديد،💔💔💔 عملت روحي ما سمعت ولا شي ودخلت الغرفة.)
بالمغرب كدا انا ولين كنا في العرفة،قلت ليها: انا بكرة طالعة.
لين: طالعة وين؟؟؟
انا: طالعة مع صحباتي،لكن ما عارفة وين المهم ح نحوم الخرطوم وخلاص،تمشي معانا؟؟
لين: لالا ،اول شي بكرة عندي شغل وحأنتهي بعد المغرب.
وتاني شي منذر عازمني عشا👊❤❤
انا: يعني منذر اهم مني؟؟💔💔
لين: ما كدا ،بس....
قلت ليها: هيي انا بهظر مع.
المهم في اليوم التاني لما الساعة٢ جات طلعت من البيت.
كنت لابسة اسكيرت اسود وقميص جنز كحلي وطرحة كبدية واسبورت ابيض يعني لبسة عادية.
المهم كان يوم حلو شديد معاهم،اتصورنا واتونسنا وقطعنا في اي زول ما خلينا زول من دفعتنا ما قطعنا فيهو💔 واهم شي اكلنا.
بعد يومين كنت في الغرفة،كالعادة لين نبطشية 💔💔ووليد في غرفتو.
فجأة حسيت بصداع شديد ،بقيت بفتش على بندول لكن ابدا ما لقيت.
مشيت على غرفة وليد قبل ما ادق الباب سمعتو بقول( بالتلفون) : خلاص يا حبيبتي كل شي إلا زعلك،يلا مع السلامة نتلاقى قريب❤💔❤💔.
دقيت الباب وفتحتو طوالي.
انا: عندك بندول؟؟
وليد: ما عندي( بكل برود).
مشيت على المطبخ بقيت افتش في كل الادراج على امل القى بندول.
قعدت في كرسي السفرة بإستسلام،حاسة انو راسي ح ينفجر ،لدرجة بقيت ابكي.
بعدها وليد دهل المطبخ لقاني في نفس حالتي لكن ما شافني ببكي،انا طوالي قمت ،بس عايزة اتحرك كدا فجاة جيت واقعة من طولي.
صحيت لقيت نفسي في المستشفى،كانت معاي ممرضة،وكنت ما شاعرة باي صداع.
الممرضة قالت لي: الحمد لله على سلامتك.
انا: الله يسلمك.بس انا عندي شنو؟؟
الممرضة: عندك صداع مزمن وشكلك مرهقة شديد،لكن مع الحبوب دي ح تتحسني،كل يوم بالصباح تاخدي حبة واحدة.
انا: طيب.
الممرضة: راجلك من زمان منتظرك تصحي،وكان خايف عليك شديد،شكلك غالية عليهو❤👊😉
انا: بسم الله راجلي؟؟ انا اصلا ما متزوحة والزول الجابني هنا ما راجلي( كنت عارفاهو وليد)
الممرضة: طيب اسفة كنت قايلاهو راجلك.💔💔
انا: ما في داعي تتأسفي،انا ح أطلع من هنا متين؟
الممرضة: ممكن اسي تطلعي،بس ياريت تاكلي كويس وما ترهقي نفسك،ح انادي ليك راجلك اقصد الزول الجابك😉😉💔
( بقيت اضحك معاها، وطلعتَ)
المهم ركبنا العربية ،وقبل ما نتحرك:
وليد: لى ما كلمتين؟؟( كان منزل راسو وبتكلم معاي)
انا: الجواب ما عندي،الجواب عندك انت.
وليد: كيف يعني ما فهمتك؟؟
انا: يا وليد،قبل كدا انت قلت لي انو انت ما فارق معاك اذا اي شي حصل لي.عشان كدا ما كنت عايزة اكلمك واقلل من قيمتي.
وليد: تقللي من قيمتك؟؟؟
انا: ايوة💔💔
وليد: يا مشاعر افهميني،انا برضو مريت بظرف صعبة ،ما انتي براك💔💔..
انا: انا عارفة انك مريت بظروف صعبة،لكن لازم تتجاوزها زي ما اتجاوزت اعصب شي في حياتي.
( ابتسم لي واتحركنا).
بتبع.................
