بعد الكلام دا قعدت في الكنبة وبقيت افكر: معناها حنين هي الكانت في الصورة ومعاها بتها،طيب لى شاكلني لما شفت الصورة؟ معناها هو بحبها للان💔💔 .مشاعر انتي ما عندك معاهو شغلة دي حاجة ما بتخصك.
طيب هو قاصد شنو بحاجة تانية خالص؟؟؟ وااااي راسي ح ينفجر.
وليد: هي انتي سرحانة وين؟
انا: لالا ما في شي.
وليد: بالله؟ بتفكري في منو؟ شكلك بتفكري في زولك صح؟؟
انا: زولي؟ لا ابداً واصلا ما عندي عشان تقول زولي.
وليد: معقولة؟ انت عشت ٥ سنوات في الجامعة ما لقيت ليك ولا واحد؟
انا: ما كدة ،بس الاولاد اللاقيتهم بعتبرهم اصحابي او اخواني ما اكتر.
وليد: تمام
انا: انا كنت بفكر في الامتحانات وما ادراك ما الامتحانات😔
وليد: شي عادي مافي داعي تشيل ليها هم من اسي.
انا: بالجد؟
وليد: ايوة،وانتي تخريجك متين؟؟
انا: تخريج؟ لما انتهي من الامتحانات الاول. اصلا ما عندي نفس لى تخرج
وليد: على كيفك.
فجأة لين جات ناطة وقالت: ما شاء اله ما نسحركم آآآخر ونسة😏😏 ( غياظة خلاص) .
وليد: وفيها شنو يعني؟😒😒 ( عاين لي) .
( طوالي غيرت الموضوع وقلت): لين، صح انتي قلتي خطيبك جاي بكرة؟؟
لين: اآآي، وبمناسبة الموضوع دا ،انتي ح تمشي معاي السوق عشان اشتري لى منذر ( خطيبها) هدية❤🎁🎁
وليد: استغفر الله😒
لين: مالك بتستغفر؟ شايف الجنبك دا شيطان؟ ( قاصداني انا).
انا: انا شيطان😠😠.
لين: انا قلت كدا عشان تنتبهي لى روحك وتزحي منو😜😜😜
( عاينت لى وليد الكان بعاين لي و مبتسم كمان ، وأنا خلاص وصلت اعلى درجة من الاحراج)
انا طوالي قمت من الكنبة ومشيت لى لين و همست ليها وقلت ليها : شكرا يا لين لى عملتي كدة؟؟
فجأة وليد بقى يضحك😁😂😁وقال : يا لين ما معقولة احرجتي البت.
انا : بالله؟؟؟
لين : على العموم أمشي اجهزي عشان ما نتأخر من السوق.
انا : ما ماشة انا.
لين : ياخ خلاص انا كنت بهظر ما اكتر😇😇
انا : طيب خلاص ، لكن يا لين والله ما انساها ليك💔💔
وليد : اجهزو سرعة انا ح أوصلكم.
المهم مشينا السوق ولينا ساعتين عشان لين تشتري لى حبيب القلب ( عطر+ساعة) 💓💓
المهم عدت الايام و جات ايام الامتحانات ، كانت عادية زي ما قال وليد لكن فيها الصعب وفيها الساهل👍👍👍
بعد اسبوع من الامتحانات:
كنا انا ولين في الغرفة فجأة وليد جا داخل وقال : لين ، ديمة( بتو) عيانة وحنين مشت بيها المستشفى ، انا ماشي تمشي معاي؟؟
لين : طبعا ، بس ثواني( وليد طلع ، كان باين عليهو ملامح الخوف💔💔😔)
لين : مشاعر تمشي معانا؟
انا : اكيد ح امشي.
المهم مشينا المستشفى ، لقينا حنين قاعدة و بتبكي😭😭
وليد : ديمة وين ؟؟
حنين : جوة مع الدكتور بفحص ليها.
وليد : انتي عملتي ليها شنو ؟؟ اتكلمي.
حنين : ياخ انا ما عملت حاجة ، بس فجأة كدا.
لين : وليد ، حنين حتعمل ليها شنو يعني ؟؟؟
وليد : لين أسكتي💔💔
انا : استهدي بالله يا حنين ان شاء الله بتك حتكون بخير .
( يا ريتني لو ما قلت الجملة دي لأنها بقت بتعاين لي من فوق لى تحت).
حنين : حتى الخدامة جبتوها معاكم؟؟؟
( لين و وليد عاينو لي كانو دايرين يشوفو ردة فعلي شنوأو انا ح أزعل ولا لا)
انا : انا بس كنت دايرة اطمن على البت✋✋✋✋✋
حنين : بالله ؟؟ بصفتك منو انتي؟؟؟
وليد : حنين😠
انا : انا اسفة😕😕😒😒
وليد : وتتأسفي لشنو؟؟؟ويا حنين مليون مرة قلت ليك مشاعر ما خدامة❤💕✋💕✋ ما بتفهمي؟؟؟؟؟
يتبع..........
