وليد: يا امي ياخ اديني اتكلم مع ابوي،ليك ساعتين بتتكلمي معاهو😕😕👊.
سمية: هاك ولدك قال داير يتكلم معاك😒😒
وليد: الو، كيفك يا ابوي......تماام الحمد لاه بس الا العطالة وعدم الشغل.......يا ابوي انا دايرك تشوف لي شغل في هناك في قطر......عليك الله ياخ ،عارفو شي صعب لكن برضو حاول.....طيب يلا مع السلامة❤.
سمية: عايز تسافر يعني؟؟
وليد: اي والله،وبعدين ما مؤكد،ابوي قال لي حأشوف لو لقى شغل ح أسافر طوالي😉😉.
بعد كم يوم عرفت انو وليد ح يسافر الاسبوع الجاي.
المهم جا يوم الجمعة يوم سفر وليد💔💔.
اليوم في بدايتو كان عادي،حوالي الساعة اربعة لين ومنذر جو،وبدينا انا ولين وخالتو سمية في موضوع الغدا وكدا.
طيارة وليد كانت الساعة ١٢ بليل.
المهم لما جات الساعة عشرة، لين جات ناطة لي في الغرفة وقالت لي: يلا اجهزي لانو احنا ماشين المطار.
انا: لكن انا ما ماشة.
لين: بطلي هبالة، احنا كلنا ماشين يعني مستحيل نخليك براك. وبعدين ما ظريفة ما تودعي وليد لانو اصلا ما معروف يرجع متين.
انا: طيب ثواني وطالعة( من جواي ما كنت عايزة امشي ابدا).
المهم ركبنا في عربية منذر وبعد مسافة وصلنا المطار.وجات لحظة الوداع💔💔
طبعا خالتو سمية كانت بتبكي كأنو وليد ماشي يموت ما ماشي يشتغل ولين نفس الشي،اما انا ولا دمعة في عيني ماف😌💔👊
وليد حضن امو وباسها في جبهتا وقالت ليهو: خلي بالك من نفسك وارجع لينا سريع عليك الله💔💔😭😭😭
وليد: حااااضر يا امي😊
وجا علي لين وباسها في جبهتا مساافة طويلة وقال ليها: معقولة انا غالي عليك لدرجة دي😉😉؟؟؟
لين: وانت شايف شنو؟؟😭😭😭😭😭😭
المهم سلم على منذر سلام الرجال داك ومنذر قال ليهو: تصل بالسلامة انا شاء الله❤
وليد: تسلم يا حبيبنا.
ديمة كانت واقفة جنبي ،جا شالها وحضنها مسافة طويلة وانا هنا حسيتو ح يبكي عديل وقال لي: مشاعر ما اوصيك،خلي بالك من امي وديمة عليك الله.
انا: ما توصي حريص
وليد: وخلي بالك من نفسك كمان❤❤❤.
المهم وليد دخل صالة المغادرة واحنا طلعنا من المطار،بعد شوية وصلنا البيت.
سمية: منذر،خليكم الليلة بيتو معانا عليك الله.
منذر: لالا والله خليها يوم تاني❤.
سمية : طيب يلا مع السلامة.
بعد ما دخلنا البيت خالتو سمية قالت لي: ديمة دي الليلة مالها ساهر ت كدا؟؟
انا: ما عارفة والله،غريبة تكون صاحية للان.
سمية: ديمة يلا ننوم.
ديمة: ما نعسانة
سمية: طيب تعالي( ساقتها من يدها ودخلت غرفتها،وانا دخلت غرفتي ونمت.
عدت الايام ومًر على سفر وليد خمسة شهور،وكان كل يوم ممل اكتر من التاني ومافي اي موضوع،وخالتو سمية كل يومين عندها مشوار جديد،و انا وديمة بنكون برانا في البيت.
واستمر الحال لما جا يوم كنت قاعدة في الصالة وماسكة تلفوني وديمة بتلعب وبتجري جنبي، وخالتو سمية كانت في المطبخ.
فجأة تلفون خالتو ضرب ودا كان عمو عبد الله.
سمية: مشاعر جيبي لي تلفوني دا.
شلت التلفون ووديتو ليها،رجعت وقعدت في الكنبة،بس فجأة اسمع خالتو بتصرخ بأعلى صوتها،جريت عليها ولقيتها واقعة في الارض وبتبكي وقلت ليها: في شنو،الحااصل شنو؟؟؟؟؟😱😱
سمية: وليد يامشاعر ولييييييييد
مما قالت وليد انا اعصابي باظت،قلت ليها: وليد مالو؟؟
سمية: ............
يتبع.......
