كرونيك جديدة بعنوان:🌹الحڨرة🌹

1⃣

الحلقة 01:
في مكان ما من جزائرنا الحبيبة من اعماق المجتمع ...قصص وحكايات ..فيها الضاهرة للعيان وفيها خفيات واسرار ...وكالعادة البشر باختلافهم يحكمو فقط على المضاهر ويحبو الماديات ويجرو وراء الدنيا ولغطها ونساو بلي الدنيا فانيا وماينفع غير عمل الخير ....الا من رحم ربي.... زهرة راجعة للدار مهبطة راسها كي العادة تقرا فالليسي العام هذا راح جوز الباك...الدخلة تاع العام ..زهرة عمرها 17 سنة هي الكبيرة في دارهم... محمد : هااي معليهش دقيقة زهرة سمعاتو شافت وراها ورجعت هبطت راسها وتزرب تبعد عليه... محمد قطعلها الطريق ...حبست شافت منا ومنا خافت يشوفوها.. محمد : متخافيش مدموزال حاب نهدر معاك.. زهرة : متهدرش معايا منعرفكش .. ورايحة تكمل طريقها ..زاد قاطعها.. محمد : لوجه ربي عجبتيني وعندي مدة نشوفك تقراي فاليسي هذا وعجبتيني حاب نخطبك.. زهرة حبست وقلبها يضرب ...هي موالفة شوفو كلما تخرج تلقاه يتبع فيها بعينيه يحب يا كلها.. مي مهدرش معاها...واليوم عول باش يصارحها... زهرة تربثت وقلبها رفرف مالفرحة...كانت ملاحظاتو وعجبها بزااف ..# Rezak_fouad محمد يخدم كلونديستان قيسو قيس روحو مي يبان عاقل و ماشي خلاط...وزهرة عند و مدة يجوز على اليسي يلقاها عجباتو وحبها واليوم قرر يهدر معاها وناوي يخطبها ...محبش تضيع منو.. زهرة هبطت عينيها حشمانة : متهدرش معايا انا كاين دارنا وبابا... محمد تبسم عارفها بنت فاميليا ومن حقها... محمد كتبلها نومروه: هاكي نومرو اهدري مع داركم ورجعيلي الخبر ... زهرة حبست خايفة تشدو ولا تروح..محمد فاهمها...حطولها في يدها وراح يمشي...زهرة خبات الورقة في جيبها وكملت تمشي وتزرب باش تفرح يماها ...خاطر يماها حابتها تتزوج بكري وتتهنا عليها خايفة عليها من باباها السوكارجي...لي يدخل في نصاف اليلي يضرب ويخرج يضرب ..لا خدمة لا والو ويماها هي لي تشقا وتخدم عليهم حتى كبرت قبل وقتها حملت الذل تتع راجلها باش تكبرهم. ..اكيد راجل كيما محمد راح تفرح بيه يماها... زهرة تمشي وتتبسم.. فرحانة رايحة تفرح يماها تمنات زهرة شوف يماها فرحانة قرات باش تفرح يماها واليوم جاها خطاب .... زهرة قريب تلحق للدار متبسمة سمعت صوت انفجااار قاااوي... حبست والجيران خرجو يشوفو...واش كاين.. زهرة كملت تمشي وتجري الصوت جاي من دارهم.. لحقت لقات الناس متلايمة حبست شوف مخلوعة...الدم نشف فيها...دارهم تحرقت والنااار شاعلة والدخاان واصل السما... للحضة زهرة مخلوعة ماهيش مامنة واش شوف...والناس عيطو للحماية وناس طفي ...فاقت زهرة من غيبتها...يماها وخاوتها صغار كانو لداخل.. عيطت على طول صوتها ..التكملة
**************
فوت & كومونت بليز
r

a-nia20