كرونيك جديدة بعنوان:🌹الحڨرة🌹

1⃣8⃣

#الحلقة_29: بقات زهرة شوف في بشرى تبكي مفهمتش علاه راح وخلاها في دار الايتام وهي صغيرة...وهو عايش !! ومرتو وينها ؟؟؟ بشرى تبكي وتعيط : باابا روح عند بابا .. زهرة غاضتها حالتها ...وهي تتخبط محبتش تسكت وهو ما يسكتو فيها . زهرة قربت ليها ...هبطت لعندها شوف فيها وهي تبكي . زهرة: بشرى...ارواحي.. بشرى شافت في زهرة وتشهق بالبكا .. زهرة حست بحرقة في قلبها ...وجعتها وقهرتها بزاف .. زهرة : ارواحي بشرى .. بشرى شافت فيها وراحت عندها... زهرة: متبكيش ...بابا يروح عندو خدمة وكي يكملها يرجع يديك... بشرى تشهق بالبكا :..ص...صح ؟؟؟ زهرة تبسمت معاها وماهيش عارفة علاه راهي تقولها هاك... زهرة: ايه ..وقالي متخليهاش تبكي ...علا هذيك متبكيش باش يرجع بابا ويديك...ياك.. بشرى: امممم .. زهرة:ها يا روحي تلعبي مع لبنات... دخلت بشرى بعدما هدنتها زهرة ..بقات شوف فيها حتى دخلت ...تنهدت.. خرجت وعقلها مزالو عندها ...تمنات كون تتلاقى بمحمد وتفهم منو...مي وين راح تلقاه .. رجعت زهرة للدار .. بعد ايام كلما تروح زهرة شوف خاوتها تلقى بشرى. بشرى: وين راهو بابا ...علاه مجاش ؟؟ زهرة تغيضها حالتها مي متلقاش واش تقوللها ...تبقى تكلخلها بصوالح باش تسكت وتنسى... ... وحد النهار كانت الشتا والبرد.. راحت زهرة شوف خاوتها وتطمن عليهم... حكمتها الشتا فالطريق بقات تزرب باش تلحق ..قوات الشتا ...زهرة تخبات باش متتشمخش... شوية هاك شافت طونوبيل جايزة رايحة طريق دار الايتام ...شافت لي يسوق فيها لقاتو محمد.. زهرة: محمد !!! واخيرا لقيتو ...بصح كيفاه نهدر معاه ؟؟؟ وزيد زعما جا يشوف بنتو !!؟ حبست الشتا راحت زهرة تزرب ...لحقت لقاتو حابس مقابل دار الايتام وقاعد داخل الطونوبيل ... دخلت زهرة تمد صوالح خاوتها وترجع ليه... رجعت شافت العساس يشوف جيهتو ويتنهد .. زهرة: واش كاين عمو؟؟ ...هذاك السيد ديما يجي يحبس ثما وميدخلش مفهمتش واش قصتو درك نهدر معاه مبزيدش يجي. زهرة : لالا اصبر انا نهدر معاه... راحت زهرة ليه ...تمشي وحايرة كيفاه راح تبداه .. لحقت لقاتو غايس..قربعتلو فالكارو...شاف فيها مخلوع مدارش في بالو يلقاها ثم.. زهرة: معليش تنزل نحكو ؟؟ محمد نزل وشاف فيها : خير؟؟؟ زهرة : علابالي مش من حقي ندخل مي ً....مي وعالاش جبت بنتك لهنا ؟؟؟ كلما نجي تسقسيني عليك ..مسكينة شبعت بكا حرام عليك.. محمد هبط عينيه وتنهد : نورمال هنا خير...مع الوقت توالف .. زهرة: واش توالف ..كيفاه تتخلى على بنتك ماشي حرام عليك ؟؟ وعلاه جبتها كي مترعاهاش ومربيهاش ؟؟ وزيد حتى ديما جي وجامي دخلت عندها .. محمد: حاجة متخصكش زهرة قلقت منو: كيفاه متخصنيش؟
• فهمني علاه متحبش شوفها ...راهي بنتك يااربي وشبيك ؟؟ محمد: يااازهرة مراكي عارفة والو....الله غالب منقدرش نشوف في وجها كيفاه تحبيني نربيها ؟؟ زهرة مخلوعة: اااه؟؟ علاه ؟؟ محمد قعد وحط راسو بين يديه: منقدرش علابالي ظلمتها مي منقدرش نشوف في وجها نخاف عليها مني ...
• #الحلقة_30: زهرة مخلوعة في هدرتو لمحمد مفهمتش واش يقصد!! زهرة: كيفاه تخاف عليها منك ؟؟ مفهمتش ..معليش تفهمني..حيرتني ؟؟؟ محمد مسح على وجهو مقلق: حكاية طويلة ...ومعادتش تهمني درك... ووقف داخل لطونوبيلتو ..شاف في زهرة لي دقق فيه الخزرة بغش...بقا مركز معاها...رجعتلو ذكريات نهار عرفها اول مرة وحبها ..واكثر حاجة كانت تعجبو فيها هوما عينيها... زهرة شوف فيه بكره.. محمد تنهد: يازهرة قتلك حكاية طويلة ...ومعقدة بزااف ...ودرك رجعت ماضي ...وانا نسيتها .. زهرة: ماهيش ماضي.. مدام كاين بشرى راهي مرمية لهنا ... محمد تنهد : يلزم تكون هنا زهرة : احكيلي ...بلاك نلقاو حل.. محمد تكا على طونوبيلتو : مكان حتى حل كون كاين حل كون راني لقيتو .. زهرة: احكيلي ...قنعني بلي الحق راهو معاك.. محمد: علاه حابة تعرفي ؟؟ واش الدافع تاعك ؟؟ زهرة هبطت عينيها حزينة تفكرت خاوتها : عندي اسبابي كي تحكيلي نحكيلك.. محمد شعل قارو يتكيف فيه..ويخزر للباب تاع دار الايتام.. محمد: قصتي بدات من نهار لي تلاقيت فيه بيمات بشرى...منال ...لقيتها بالصدفة وحكاتلي قصتها ..وبلي اغتصبوها وخافت من دارهم ومن الخطابة ...غاضتني ولية وطاحت مع رخيس ...شفتني حالتها وهي تحكي وزيد كنت كاره حياتي كي رفضتيني .. زهرة هبطت عينيها حزينة حست بيه مقهور .وهي مقهورة معاه وماهيش فاهمة علاه . محمد تنهد : ومنبعد. ايام حكيت معاها وتعرفت عليها ورحت خطبتها ...دارهم فالاول مقبلوش خاطر شافوني زوالي بلاك مقنعتهمش . وضحك باستهزاء..# Rezak Fouad زهرة: وكيفاه قدرت تقنعهم.. ؟؟؟ محمد : فالاول كنت راح نجبد روحي قلقت منهم خاطر كي رحت هدرت معاهم استهزاو بيا...ومن خزرتهم مفنعتهمش... انا حلفت منرجعش.. مي منال بقات تعيطلي وتبكيلي وتقولي عيشك ارجعلي ..والله راني حاصلة وخاوتي يقتلوني وبابا ..وتبهديلة لفاميلتنا... كنت ديما نتهرب منها مي الله غالب غاضتني وشفتني حالتها بزااف...كانت تعيطلي تبكيلي نهبل ...انا منحملش نشوف مرا محڨورة وانا ساكت نحس روحي طحان . بلعقل رضخت ليها ...وقبلت نرجع ... زهرة : اممم غاضتك...ولا حبيتها ؟؟؟ محمد شاف في زهرة وتبسم وهي هبطت عينيها. . محمد: لا محبيتهاش غاضتني .. زهرة: وكيفاه تخطب وحدة متحبهاش؟؟ محمد: عادي ...انا لي حبيتها مخذاتليش الراي ومقبلتش بيا...قلت جات منال فالطريق خلي نتزوج بيها باش ننسا عشقتي !!!! زهرة هبطت عينيها حشمانة منو وقلبها يضرب ..ماهيش فاهمة روحها...شافت في دار الايتام تفكرت بشرى... زهرة: ايه كمل ومنبعد واش صار ؟؟ محمد : هيييه ..قبلو دارهم بعد محاولات بزااف ...يعني هي تضغط عليا باش رحت ليهم وفهمتهم وفلخر وافقو ..
• زهرة: ايه كمل ومنبعد واش صار ؟؟ محمد : هيييه ..قبلو دارهم بعد محاولات بزااف ...يعني هي تضغط عليا باش رحت ليهم وفهمتهم وفلخر وافقو ..و .تزوجنا فالصيفحڨرها
• #الحلقة_31: زهرة : اممم يعني تزوجتو محمد يشوف فيها مهبطة عينيها ومتحسرة .. محمد تنهد: حتى نتي تزوجتي !!! زهرة شافت فيه مخلوعة . زهرة؛ انا ؟!!! نن ...ايه.. محمد ضحك: ههه ايه ولا لالا ؟؟!! زهرة: ايه محمد تنهد : باين ماكيش متهنية في زواجك . زهرة: خليك من حكايتي قولي نتا علاه سمحت في بشرى ؟؟؟ محمد : راح ترجعيني لوقت مانيش حاب نتفكرو .. معليش درك نحكيلك...كي عدتي زهرة كون وحدوخرا منحكيلهاش.. زهرة : احكي.. محمد : انا ومنال تزوجنا درنا عرس كبير ..كانت ليلة العمر بالنسبة لينا ....نكذب عليك اذا قتلك كنت فرحان ...بلعكس كان كلشي سامط بالنسبة ليا ...نتي رفضتيتي وهي مغتصبينها يعني كنت غير نطبع مكنتش مقتنع بواش راني ندير .. زهرة: وعلاه قبلت تتزوج بيها ونتا ماشي مقتنع وحتى متحبهاش ؟؟ وزيد كل دقيقة تقولي رفضتيني يعني حاب تلوح اللوم فوقي ؟؟؟ محمد قلق : ايه فوقك ...نتي هي السبة...انا حبيتك يازهرة حبيتك بزااف ...لدرجة مراكيش متصورتها في مخك...بصح نتي رفضتيني وتزوجتي بمول الفيلة .. زهرة مخلوعة فيه زهرة: واش تقصد.؟؟؟ زعما انا بدلتك بالدراهم ؟؟ محمد : ايه بدلتيني بيه ..حبي مقنعكش تحبي الدراهم نتيا...على كل حال بصحتك...وربي يهنيك... ودار باش يطلع فالطونوبيل .حبساتو زهرة. زهرة: اصبر محمد نهدر معاك... محمد: مكان حتى هدرة ....ديجا راكي متزوجة ميلزمش توقفي معايا هنا ...يالزح ديري قيمة لمول خاتمك .. زهرة شوف فيه قلقت هبطو دموعها بلا ماتفيق. .. وشافت في محمد بتحدي زهرة: واش مالخاتم ومولاه لي تهدر عليه ...انا مانيش متزوجة ...راني مفتحة برك... وهاو الخاتم لي قلقك درك نحيه.. وشداو نحاتو وحطاتو في ساكها .. محمد مخلوع فيها . محمد : علاه نحيتيه ؟؟ وكيفاه تزوجتي فاتحة برك ؟ زهرة تمسح في دموعها لي مزالو نازلين. . زهرة: قبل ماتحكم عليا افهمني قبل ..بلعكس كون تعرف واش صار فيا وعلاه رفضتك ....وشقيت ليك باش تعاوني رفضتني ...ثم تعرف بلي نتا لي غلطت في حقي بلا ما تعرف . محمد : دوختيني...فهميني زهرة واش صار ؟؟ زهرة تبكي غاضتها عمرها ومحمد يشوف فيها حاسها موجوعة ومقهورة .. محمد:تحبي نروحو لكاش بلاص نحكو خير من هنا في نص الطريق .. زهرة : لالا صحا ...نروح للدار... محمد قرب ليها يشوف في دموعها نازلين قلبو وجعو . محمد: يازهرة عيشك متبكيش ...واذا عندك هدرة فرغي قلبك .راني هنا نسمعلك .. زهرة دموعها نازلين بلعقل شافت فيه وتبسمت .. زهرة: محمد....عييت بزااف عيييت ..حڨرووني يامحمد حڨرووني ...زهرة حڨروها ونتا خليتها وحدها ...وسمحت فيها .... محمد مخلوع حس الدم يغلي فيه زير على يديه مالغش ..ك
• واذا عندك هدرة فرغي قلبك .راني هنا نسمعلك .. زهرة دموعها نازلين بلعقل شافت فيه وتبسمت .. زهرة: محمد....عييت بزااف عيييت ..حڨرووني يامحمد حڨرووني ...زهرة حڨروها ونتا خليتها وحدها ...وسمحت فيها .... محمد مخلوع حس الدم يغلي فيه زير على يديه مالغش ..كيفاه حڨروها وشكون لي المرخس هذا لي حڨرها.
"""""""""""""""""""
فوت & كومونت بليز