كرونيك جديدة بعنوان:🌹الحڨرة🌹

1⃣4⃣

لحلقة_20:: بقات زهرة تبكي عند الباب تاع دارهم وتحاول فيه يفتحلها والو... زهرة شافت فالسما تنهدت دموعها نازلين ...تفكرت يماها واش كانت حاملة وصابرة...رافدة هم يهد الجبال وهكاك ورباتها وكبرتها وقراتها بلي كان..صح خدمة قليلة وشاقيا مي كبرتهم بلقمة حلالية ... ناضت زهرة شافت منا ومنا الدنيا ليل فات نص ليل ..ناس راقدة ناس في بيوتها دافية ...وزهرة وحدها برا فالزنقة.. ضربت نسمة باردة...زهرة حست بقشعريرة ..مشات وتمسح في دموعها..تخمم واش دير ووين تروح .وشكون يستقبلها في نصاف الليالي...وزيد خواتها خلاتهم وحدهم ..سيرتو ملاك تحوس عليها بزااف.. تمشي محطمة حتى لحقت لدار سعاد وكمال جيرانهم... تنهدت حشمت الله غالب معندهاش وين تروح..معندهاش حل وهي طفلة الشارع ميرحمهاش ميحسوش يفهم ظالمة ولا مظلومة .. لحقت عند الباب بلعت ريقها غمضت عينيها زهرة: الله غالب معنديش وين نروح قربعت زهرة فااباب مرة وزوج ...حتى سمعت كمال كمال : شكوون ؟؟؟ زهرة خافت ..:. ااا ...انا زهرة فتح كمال الباب شافها استغرب عيط لسعاد مرتو. كمال: سعااد سعااد ارواحي. جات سعاد تجري مفهمتش واش كاين سعاد: زهرة ؟؟؟ شبيك ؟؟ واش كاين ؟؟ زهرة شوف فيها وتبكي هي معتبرة سعاد ختها الكبيرة خاطر كانت تعز يماها بزااف ... طرطقت زهرة بالبكا حالتها حالة لما شافت سعاد تفكرت يماها .. سعاد: ادخلي زهرة واحكيلي .. دخلت زهرة قعدت جابتلها سعاد كاس ما شرباتو ريحت شوي.. سعاد: قوليلي واش صار ؟ زهرة: حاوزني وضربني #rezak_fouad سعاد: الله يعطيه الكسر في يديه. ..وعلاه عليه؟ زهرة: كي محبيتش نقومو زعما باش يخليني نتزوج حاوزني .. سعاد: يحصرو اذا هذا راجل ...الله لا تربحو واش يحوس عندك راكي قايماتو هو وولادو .. زهرة: واش ندير الله غالب راني تحت مسؤوليتو سعاد: متخافيش زهرة ربي كبير وكلي عليه ربي هو يتولاه.. زهرة: حسبي الله ونعم الوكيل ...سمحلي سعاد نوضتكم في نص ليل مي الله غالب معنديش وين نروح..والدنيا ليل ..غدوة يرحمها ربي سعاد: متعاوديش هذي الهدرة رانا جيران .. زهرة: عيشك ربي يجازيك.. سعاد: امين ..ريحي وارقدي وغدوة نشالله ربي يعمللها الف حلال.. زهرة حطت راسها باش ترقد...مقدرتش عقلها عند خاوتها تخمم فيهم بلاك ينوضو يحوسو عليها. ..بلاك تعراو ومكاش لي يغطيهم..زهرة تخمم في خاوتها وكانهم ولادها راهم مسؤوليتها وامانة عندها . فيقها من غيستها صوت كمال وسعاد يهدرو.. ناضت قعدت وتسمع حاستهم بلي يداوسو. سعاد: وعلاه راكو ساكتينلو معجب بالطفلة وبولادو شيعة لي جيران؟؟! كمال : واش حابة نديرولو ولادو ويدبر راسو بينو وبين مولاه سعاد: اعطوني قلبكم ....الطفلة تس
اعطوني قلبكم ....الطفلة تسوفري مع خاوتها صغار ونتوما ساكتين...تقولي ما مسلمين كمال: اوووهووو سكتينا يرحم باباك انا نهدر مع هذااك ؟؟؟ مانيش مهبول هذاك غير تاع مشاكل وديجا كون ماشي شوي نقولك متزيديش تخليها جي....ولادنا متخليهمش يخلطو فيهم...هذوك ماشي ناس تشرفنا. سعاد: ربي يهديك ياراجل واش ذنب لولاد...وانا لي قلت نشتكو بيه ونشهدو عليه . كمال: يااو نتي مزلتي نية اليوم تعاونيهم غدوة ينقلبو عليك... سعاد: انا نخدم لربي ونشوف لوجه ربي مش نتوما تمشو على وجه لعباد... كمال: هيااا سكتينا ضرك خيرمن كاشما نقولك... سكتيييينا وامشي ترقدي صرعتيني ..وليتي تفتي عليا والله كون ماشي الدنيا ليل نجيبها برا... سعاد جات تهدر سمعت الباب تخبطت... راحت تجري مخلوعة ..لقات زهرة مهبطة راسها ورايحة .. سعاد: زهرة زهرة وين؟؟ زهرة شافت فيها دموعها نازلين مي تبسمت.. زهرة: سمحيلي سعاد...وربي يجازيك وكيما قلتي تخدمي لوجه ربي ...انا كنت غالطة خليت ربي وجيت قاصدة لعباااد... سعاد هبطت عينيها حشمانة من كلام راجلها... زهرة ضحكت بقهرة: متزعفيش سعاد...وسمحيلي... وكملت طريقها مدمرة حزينة دموعها نازلين هكاك وتتبسم وثقتها في ربي كبيرة ...زهرة فظلت تخرج ومتخلقش مشكل بين سعاد وراجلها....هذي هي زهرة قوية رغم كامل واش تعيش من #حڨرة
الحلقة_21:.رجعت زهرة رغم كلش ورغم ضرب راجل يماها وواش دار فيها ...مي كيما يقولو ناس بكري دارك تستر عارك ...ومهما وصلت الهموم لجبال الناس مرحش ترفدك ممكن تعاونك نهار ولا يومين مي راح يكرهو منك وتظطر ترجع للدار ... لحقت زهرة لدارهم...بقات شوف فيها وخايفة من راجل يماها يكون مزال شاد في كلامو ويرجع يحاوزها... زهرة شوف حواليها دنيا ليل ..الكلاب تنبح وهي خايفة.. كانت الظلمة وزهرة مشافتش الطونوبيل تاع حليم لي كانت حابسة ثم .. قعدت عند الباب ...زهرة قرت تبقا ثم قدام دارهم حتى يطلع النهار... سمعت هدرة طلعت راسها مدهووشة شافت حليم خارج من دارهم وصالح مورااه.. زهرة: حلييم ؟؟ حليم: زهرة ...راكي مليحة كنت راح نحوس عليك !!؟؟ زهرة شوف فيه وشوف في راجل يماها لي يشوف فيها ويتبسم... زهرة: راني كيما راك شوف.. حليم: المهم انا حكيت مع صالح وتفاهمنا زهرة: علاوواش تفاهمتو ؟؟؟ حليم: راح يوقعلك باش تتزوجي ويسمحلك تدي خاوتك .. زهرة حلت فمها مخلووعة كيفاه قدر يقنعو ...باين حكاية فيها دراااهم ...صالح ميخدمش لوجه ربي كلش بسومتو...بصح حليم وعلاه راه يخلص فيه ؟؟؟ واش الدافع تاعو ؟؟ زهرة: وكيفاه قدرت تقنعو بالسهولة هذي؟؟؟! غريبة !!! حليم: حنا رجال ونفهمو بعضانا ...ودرك ارجعي للدار...وريحي ...العرس مزالو شهر .... نتزوجو نشالله وننساو كلش ... زهرة شوف فيهم ماهيش مرتاحة ... حليم: اتبسمي شبيك خايفة؟؟ معندكش ثقة فياا ؟؟ زهرة تبسمت: لا عندي ...ميرسي ليك.. حليم: واجبي ...هيا نخليك درك... راح حليم وزهرة تبع فيه بعينيها حتى رجع ميبانش... دخلت للبيت عقلها عند خاوتها لقاتهم راقدين تبسمت هوما الحاجة الوحيدة لي مليحة في حياتها...الحاجة لي تتقوا بيها وتعطيها الامل هوما البراءة تاعهم وضحكتهم ...تتعب وتشقا وكي تشريلهم وشوفهم فرحانين هذاك هو الصح وتنسى كامل تعبها وشقاها ..حتى لدرك باش عرفت سر قوة يماها ...السر هو بسمتها ... مكاش حاجة تفرح الوالدين قد الفرحة تاع ولادهم ...حتى وتكون الحاجة ماشي شابة الافضل تقوللهم شابة تقديرا لتعبهم وشقاهم ماشي تحشمهم وترفض حاجتهم ....راح تجرحهم وهو ما. همهم اسعادك فقط. جاز الشهر يجري وزهرة ديما تخرج مع حليم باش يقضو واش لازمهم وساعات تدي معاها خاوتها باش تولفهم فيه وتولفو فيهم.... زهرة: حليم....ملاك رح تدخل تقرا سنة اولى يلزم نماركيوها فالبريمار لي قدامكم...ولخرين نبدلوهم.. حليم : متتقلقيش تفاهمت مع صالح على كلش وراح يدير كلش ... زهرة: زعما داير فيه ثقة ؟؟ حليم: يديرها متخافيش ونجيبلك حتى الدليل. . زهرة: اممم مليح ...ميرسي ربي يحفظك ويقدرني ربي باش نرجعلك خير
• نرجعلك خيرك.. حليم: ياك علابالك حاجة مانعزها فيك... زهرة تتبسم مع حليم ويضحكو... حليم: اضحكي ينعل بوه لي يزعفك.. دخل حليم مع زهرة شراو حوايج ...الحاجة لي تقول عليها تحظر...حتى لخاوتها شراتلهم حوايج باش يدخلو يقراو .. راحو فطرو ....جوزو نهار شباب. .. رجعهم للدار .... فاليل زهرة تحكي مع حليم.. زهرة: انا منديرش عرس....علا هذي مذابيك تقولي وقتاش الفاتحة والعقد ؟؟ حليم: كيما تحبي بصح انا نديرلك عرس ياك وعدتك...والفاتحة نهار الخميس والعقد سمانة العرس. زهرة:معليش نطلب حاجة ؟؟! حليم: واش هي ؟؟. زهرة: نعقدو نهار جي تديني ...جيبلي نوقع في دارنا قبل مانخرج.. حليم : علاه ؟؟؟ زهرة : هكاك ...حابة نعطي لروحي اكبر وقت ممكن . حليم:يعني مزلتي شاكة فيا ؟؟ زهرة ضحكت : ههه نن مي الله غالب هكا حابة ..وكون معنديش ثقة فيك علاه نتزوج بيك؟؟؟ حليم تنهد: كيما تحبي...العقد والفاتحة نهار الخميس قبل ماتخرجي. زهرة: ميرسي ربي يخليك...
***************
فوت & كومونت بليز