كرونيك جديدة بعنوان:🌹الحڨرة🌹

1⃣6⃣

#الحلقة_24: حليم: زهرة هذي ماشي هدرة مراناش نتمسخرو !!! زهرة: حتى انا مانيش نتمسخر ....فهمت تفاهمنا على خاوتي يروحو معايا ويوقعلي صالح الكفالة ماشي درك تلفلي الحالة.. حليم مخلوع فيها لهذي الدرجة متعلقة بخاوتها ..رغم كامل الاغراءات والحب لي عطاهولها...ورغم دراهمو وكامل واش شرالها ...رغم انو كامل حاسدينها عليه مزالت شادة في خاوتها ورفضت توقع العقد معاه حتى يجيبلها خاوتها ... حليم تنهد عرف بلي زهرة ماشي مالنوع لي يتشرا بالمال .زهرة تخمم في خاوتها ومصلحتهم قبل كلشي .. حليم: زهرة كملينا العرس الناس راهم يستناو برا .. زهرة شوف فيه بتحدي: خاااوتي !!! حليم: منبعد نحكو ..وقعي وخلينا نكملو العرس ونفهمك.. زهرة: فهمني درك ومكان حتى عقد.. حليم: متخافيش خاوتك راهم لباس والله غير لباس.. زهرة: جيبلي نشوفهم.. حليم : منقدرش درك ..راني عارض الناس وصحابي متحشمينيش قدامهم.. زهرة: ايه فهمني !!! حليم : اصبري... رفد تليفون وعيط لراجل احلام صاحبو..قالو جوزهملها . زهرة : الو اميرة وين راكم ؟؟ اميرة: رانا نلعبو مع طاطا احلام . زهرة تبسمت: مليح اقعدو عاقلين ... اميرة: ايه . زهرة كوبات ورجعت التليفون لحليم.. حليم: امنتي درك ؟؟؟! زهرة : نكملك العرس في وجه صحابك وناسك...مي العقد منوقعش حتى توجدلي الكفالة ...ونظن فهمتني واش نقصد... حليم : فهمتك براحتك...كملي العرس منبعد نحكو.... .... خرجت زهرة على صوت الزغاريت. ..طلعت فالطونوبيل ...عقلها وقلبها عند خاوتها مفهمتش علاه حاسة حاجة ماشي نورمال .. قبلت تكمل العرس في وجه حليم وناسو وحبابو منبعد يتفاهمو وحدهم.. لحق الكورتاج دخلت للصالة الصالة معمرة بالناس .... تصدرت زهرة ولبست ...الناس زاهية تشطح وهي تتبسم من فوق قلبها تبلع في ريقها بسيف...تحسب للعرس بالدقيقة وقتاش يكمل الناس فرحانة وهي ماهيش فرحانة. يمات حليم فرحانة بيها وتتبسم..هي في بالها حليم صارح زهرة بالحقيقة ...وزهرة قبلت. ماهيش عارفة حليم لعب لعبتو مليح باش وقع زهرة فالفخ وخلاها تقبل بيه. كاي ام فرحانة بوليدها نهار عرسو...جابتلو طفلة صغيرة وشابة وين راح تلقا كيفها ... .. خلاص العرس دخل حليم يدو في يد زهرة وهي بالروبة البيضة....الروبة لي تمنات زهرة تلبسها مع شخص تحبو مي لحقت مرحلة وين قطعت لياس باش تلبس كيفها ...واليوم تحتمت عليها تلبسها مع شخص كانت شوف فيه سند ليها ولخاوتها مش حبيب . حليم يشوف في زهرة ويتبسم وهي تتبسم من فوق قلبها ... تصورو معاهم كامل وبوركولهم .. خلاص العرس والناس راحو.. زهرة بدلت وخرجت مع حليم رايحين لدارهم . زهرة : درك خلاص العرس وينهم خاوتي؟؟؟ حليم حك راسو وتنهد: زهرة خ
• حليم حك راسو وتنهد: زهرة خاوتك راهم لباس بيهم خلينا نفرحو كيما اي عرسان علاه حابة تسمطيلي النهار هذا ؟؟؟ زهرة: قتلك اديني عند خاوتي نشوفهم ونجيبهم معايا هكا تفاهمنا ... حليم قلق عيط عليها: اووووووه كل كلمة زوج خاوتي خاوتي ...صرعتيني ...حتى عرسي منفرحلوش كي الناس...زهرة شافت فيه بغش وبقات تخبط فالباب تاع الطونوبيل باش تفتحها وتخرج.. حليم خلاعاتو حبس.. زهرة: افتح لي نهبط قتلك افتح لي. ....افتاااح .. حليم: زهرة عيشك خلاص احبسي درك نفهمك . زهرة: فهمني مالصبح ونتا تقولي نفهمك ...فهمني. . حليم تنهد: زهرة....انا نحبك وحبيتك...وخفت نخسرك على هذي قتلك متتقلقيش على خاوتك معايا راح يكونو فالصون....زهرة افهميني انا مرتي الاولى محبتش تقعد معايا ...وبهدلتي كي لقات عندي عجز ....رغم عندي كلش مي انا رجل عاجز منقدرش نجيب اولاد... على هذي لقيتك نتي وظروفك قلت تقبلي بيا...مي نتي مخشنة راسك ومعطيتينيش فرصة نشرحلك... زهرة تنهدت هبطت عينيها حاسة بيه موجوع. .. زهرة: بصح علاه مصارحتنيش ؟؟ حليم: مقدرتش .. زهرة: واش دخل هذا بموضوعنا ...خاوتي وينهم.. حليم : درك نقولك...انا تفاهمت مع صالح باش يخليك تتزوجي بيا باش نحافظ على سمعتي ونرجع مكانتي ..خاطر نتي ضروفك صعيبة وراح تقبلي بيا كيما نكون . زهرة تبسمت بسخرية: يعني احتقرتني او بمعنى اخر حڨرتني....كي معنديش لي يهدر عليا هكااااا....
• #الحلقة_25: حليم : ماشي هاك ...نتي علاه فهمتيها هاك...درك نتي ظروفك صعيبة ومعندكش حل ...بالعكس معايا راح تعيشي مليح وعندك كلشي .. زهرة مسحت على وجها مقلقة. ..استغفرت.. زهرة : كون صارحتني وانا عندي حق نقبل ولا نرفض حليم: محاال نخليك ترفضي....سمعتي راهي فاللعب ونتي ظروفك تحتم عليك تقبلي بيا...وبسيف عليك... زهرة شوف فيه بحقد: انا منشراش بالمال ...دراهم الدنيا ميعوضونيش كرامتي وعايلتي فهمت ؛!!!! نحمل ونصبر ونشقا ونجيبها لقمة حلالية ومنعيش مذلولة عندك وعند دراهمك. راك غالط بزاف في حسابك ...مش كامل نتشراو بالمال الحمد لله رباتني مرا بالف راجل نعيشو بكرامتنا ونموتو بكرامتنا ...سمحلي الكلام هذا لي كيفك ميفهموهش... حليم: وشبيك زهرة ...معايا تعيشي اميرة .. زهرة: هذا الموضوع منتحلش هاك...يلزمو وقت ...درك اديني عند خاوتي نشوفهم.. حليم: نديك شوفيهم ...بصح مراهمش عند احلام كيما قتلك .. زهرة مستغربة: وين راهم ؟؟ حليم: كانو عند احلام منبعد ديتهم .. زهرة قلبها يضرب بقوة : لوين ؟؟ حليم: ديتهم للميتم . زهرة مخلوعة : الميتم ؟؟؟ منك بصح ؟؟! حليم: ايه ...وثما راح ياكلو ويعيشو لباس ..خير من كيما كانو معاك...وراح شوفيهم وقت لي تحبي .. زهرة دموعها نزلو شوف في حليم باحتقااار لهذي الدرجة خرج رخيس وميسواااش وتفاهم مع صالح على كلش يتشابهو في زوج رخااس.. زهرة: ااااااه يا ربي نتا واش تكون. ...واش مالقلب عندك ؟؟؟ كيفاه تحطهم فالميتم وشكون سمحلك ؟؟؟ شكووون؟؟ حليم: باباهم واحلام سلمتلي الكفالة حسبتلها عقدنا ... زهرة: باباهم هذاك اكبر مرخس شفتو في حياتي كيفاه يرمي في ولادو هااك واش مااقلب عند و.. حليم: هو مديتلو دراهم وقتلو بيع الدار وارحل منا ... ووخاوتك في دار الايتام حاجة متخصهم .. ونتي تعقدي معايا معندكش وين تروحي ... يلزم تكوني مرتي قدام الناس وحبابي منحبش يشوفو فيا راجل ناقص...بيك نتي نغطي النقص هذاك ... زهرة تبكي حست كلش طاح قدامها ...تعبها مور وفات يماها وشقاها راح باطل فلخر كلش راب ...واش بنات كامل راب بسبب رجل مرفه اناني استغل صغر سنها ويتمها وفقرها ومشاكلها لصالحو ...باش يبان قدام الناس... فرق بينها وبين خوتها ودارهم لي ترباو فيها تبعات ...يعني زهرة حتى وتخمم ترجع متلقاش لوين ترجع من غير الزنقة... زهرة تبكي وتبكي بهستيريا...كيفاه قدر يلعب عليها رغم كامل احتياطاتها..بصح الدراهم يشرو كلش لعباد ويضيعوك ويرموك في دوامة ... زهرة بكات حتى شبعت وحليم يتكيف مخليها تفرغ قلبها لانو فالاخير راح ترضخ للامر الواقع وترضخلو .. زهرة: حراام عليك وعلاه الحڨرة هذي ...حڨرتني وربي راهو يشوف فيك حسبي الل
• حراام عليك وعلاه الحڨرة هذي ...حڨرتني وربي راهو يشوف فيك حسبي الله ونعم الوكيل .. حليم: خمي مليح تلقاي كلش في صلاحكم... زهرة تمسح في دموعها. زهرة: اديني لعندهم نشوفهم.. حليم: اوك .. وصلها حليم لدار الايتام ... زهرة نزلت شوف فيها من برا حست بحزن كبير كيفاه هي حية وخاوتها رماوهم هنا شغل ايتام وباباهم عايش . حليم : هاني هدرت معاهم ادخلي .. دخلت زهرة تمشي بالسيف لدرك ماهيش مامنة واش صار حاسة روحها تنوم .. دخلت بلعقل حتى شافتهم في 3 جاو يجرو ليها وملاك تبكي زهرة مقدرتش توقف طاحت فلرض شفتها تترعد ودموعها نازلين وتبكي بالشهقة. ملاك: ختيتو ختيتو جيتي توحشتك. زهرة معنقتهم وتسلم عليهم وتبكي ؛ حتى انا توحشتكم ... اميرة: نروحو معاك...زهرة منقعدش هنا .. زهرة تمسحلها لشعرها وتبكي . زهرة: ياااريت نقدر نديكم معايا ...مي منقدرش الله غالب ... شافو فيها وهبطو عينيهم حزان زهرة قلبها يتقطع من داخل عليهم مي متقدر دير والو ...باباهم سلمهم لثم وباش تكفلهم يلزم حليم يوقع معاها وهو رفض .. زهرة: اقعدو عاقلين ونجي نشوفكم ديما . ملاك: لالا نروح معاك.. زهرة: منقدررش ياملاك ياروحي منقدرش... جات لي تخدم ثم دخل فيهم وهوما يبكيو وزهرة كثرمنهم...زهرة دمروها داولها اغلى حاجة في حياتها واكثر حاجة ضحات في جالها مع لخر ولاد الحرام داوهملها وفرقوهم خاوتها داخلين ويبكو وهي شوف فيهم وتبكي مقدرت دير والو . شافت فالسما: ياااارب مقدرتش يااربي علاه الحڨرة هذي علااه ...علاه فرقونا هكا يا ربي علااااااه

• هنا زهرة راح تتغير حياتها ...يادرا كيفاه راح تعيش....واسكو راح تقدر ترجع خاوتها ...ولا راح يزيدو يبعدو عليها. ..الان زهرة منهارة تحت الصدمة ..تعرعاجز
• هنا زهرة راح تتغير حياتها ...يادرا كيفاه راح تعيش....واسكو راح تقدر ترجع خاوتها ...ولا راح يزيدو يبعدو عليها. ..الان زهرة منهارة تحت الصدمة ..تعرضت لاقصى انواع الحڨرة ...لانو معندهاش سند في حياتها .راح تضطر تعيش حياة مكانتش حابتها راح تظطر تصطنع البسمة قدام صحابو لحليم ...راح تبعد على خاوتها. .وراح تضطر تعيش مع رجل عاجز
""""""""""""""
فوت & كومونت بليز