كرونيك جديدة بعنوان:🌹الحڨرة🌹

2⃣1⃣

الحلقة_39: زهرة قلبها وجعها شافت في محمد ودموعها نازلين...غمضت عينيها بقوة وتبكي ...مقدرت تقول حتى كلمة ...يعني صح محمد مقهوور وبزااف ..محمد تعرض لخيانة كبيرة من الطفلة لي زعما سترها ونوى يصحح غلطتو معاها ..مي هي ظهرت خاينة ..وطعناتو في ظهرو وقهراتو.. محمد ناض وقف تبسم بسخرية ...مسح دموعو وشعل قارو يتكيف فيه... محمد: صعيبة صعيبة بزااف يازهرة ..طفلة كنت نجي مالخدمة نجري باش نشوفها ونجيبلها لي تحب وهي تستقبلني بفرحة وتقولي بابا ...بابا وتجري عندي كانت فرحتي فالدنيا والحاجة لي مفرحتني في حياتي ...بصح مكتبليش ربي نفرح ...بلعكس بقيت معلق...طفلة على اسمي وهي بنت خيانة .. تنهد محمد بقهرة والدموع في عينيه. محمد: كلما نشوف بشرى نتفكر الحادثة هذيك...منقدرش نشوف في وجها..مقدرت نحبها مقدرت نكرها...مقدرت نربيها مقدرت نرميها ...بقيت بين وبين... بشرى صغيرة تحوس عليا وحاسبتني باباها والمشكل منقدرش نفهمها ..وكلما تكبر راح ترجع تعرف ...كيفاه راح نفهمها ..صعيبة ياازهرة ...ياريتني مت ولا عشت النهار هذا. زهرة: حاسة بيك..وفاهمتاك.. صعيب واش جاز عليك..مكانش حاجة توجع قد الخيانة...بصح حبيت نفهم يماها منال وين راهي درك ؟؟ محمد: فالحبس هي والرخيس تاعها زهرة: وبشرى مزالت على اسمك ؟ محمد: ايه...مقدرتش ندير تنازل ...مقدرتش....هي جي ليا وتعنقني وتضحك وتقولي بابا بابا.. بشرى كانت متعلقة بيا بزااف ..حتى انا نحبها يازهرة نحبها ...حبيتها كنت حاسبها بنتي ..ومزلت نشوفها بنتي .. مي هي ماهيش بنتي ...يازهرة راني مقهوور نلقيتش حل معرفتش وش ندير...خايف. منها كي تكبر وتلومني ومنقدرش نشرحلها ...وحتى كون نديها نربيها منقدرش نخاف عليها مني ...نخاف ناذيها ولا نضربها...خايف عليها مني بزااف .. زهرة: فاهماتك محمد ...يااربي واش مالعبد هذي منال ..كيفاه هناها خاطرها تخونك هاك...وعلاه تزوجت بيك اصلا مدام هي تحب علياو ؟؟ محمد تبسم بسخرية: دارت بيا الكارني ...عليلو رفضوه دارهم وهي تزوجت بيا باش دير الكارني برك...و من بعدها دير رايها معاه. زهرة: مي راهي فالحبس ؟؟ محمد ضحك : هههههه حبس ؟؟ دارهم غطاو الفضيحة وراح يخرجوها اليوم قبل غدوة . حسبتلك انا ونتي زواولة....دارولها محامي كبير وراح تربحني فااقضية زهرة: كيفاه تربحك ؟؟ محمد: بشرى رفدتها قبل العرس بنهارات وقالو بلي انا كنت عارف وقبلت....يعني كلشي محظرينلو وملفق ...ومبقالهاش وتربح القضية.. زهرة:والله لا حرام عليها ...وكيلها ربي ...حسبي الله ونعم الوكيل في عباد هاك محمد: عادي هذوهوما صحاب الشكارة يموتو على الحڨرة. زهرة: معليش محمد خليهم يديرو لي يحبو ...بصح ربي
بصح ربي كبير عليهم ..استغلوك لصالحهم يعني نساو بلي نتا انسان...الزوالي ووليد الفاميليا عندهم حشرة مش انسان...مي ربي كبير هذي حاجة مقتنعة بيها واكيد راح يخلصو واحد واحد...شد في ربي برك.. محمد: سبحان و راني شاد فيه. زهرة: محمد ..بصح درك تخرج منال ...زعما متديش بشرى تربيها ؟؟ محمد يشوف في زهرة مخلوع ..نسا هذي الحكاية . زهرة: محمد شبيك ؟؟ محمد هبط عينيه حزين: تديها بنتهم ماشي بنتي ...من حقهم.. زهرة: بصح نتا ربيتها وهي تحبك نتا وتعرفك نتا كيفاه يعطيك قلبك تخليها.. محمد تبسم حزين: راح تكبر وتنساني بصح...انا جامي ننساها ....جامي .. ومشا محمد قلع بطونوبيلتو حزين وزهرة شوف فيه قلبها وجعها عليه وغاضها بزااف تعرفو يحب بشرى وتحبو ..وعلاه بكات عليه بالشهقة نهار خلاها وعلاه يجي ديما يشوفها بالتخبية ويوصي زهرة عليها ..بصح حرقووه عليها وخلاوه انسان محطمالحلقة_40: زهرة رجعت للدار حزينة عقلها كامل عند محمد وحكايتو لي تقطع القلب....نسات همها ومشاكلها كامل كي شافت واش جاز عليه...يمكن صح هذا ابتلاء او ممكن عقاب لانو دمر حياة طفلة صغيرة وضيعلها حياتها ..واليوم راهو يخلص واش دار ...ان الله يمهل ولا يهمل تنهدت زهرة واستغفرت ..بقات شوف فالسما وتخمم يعني هي وقتاش ربي يفرج عليها وتتهنا من حليم وترجع خاوتها وترجع تكسبهم كيما قبل.. لحقت للدار دخلت ريحت منبعد وجدت لعشا وبقات تستنى في حليم.. شوي. هاك جا حليم غسل وقعد ياكل...زهرة تاكل مقابلاتو مي ساكتين كي العادة .. حليم يقلب فالمغرف وحاب. يهدر مع زهرة ويشوف فيها مهبطة راسها.. حليم: احم احم...زهرة زهرة شافت فيه : نعم !! حليم : اااا...حبيت نحكي معاك في موضوع زهرة: تفظل .. حليم حك راسو يخمم كيفاه يبداها . حليم: خايف تفهميني غالط زهرة: احكي. حليم: فالخدمة هاكي تعرفي صحابي ومعارفي يظلو يسقسو فيا زهرة: ايه....واش يسقسو؟؟ حليم: احم.....على لولاد. زهرة: لولااد ؟؟؟ واش من لولاد؟؟ حليم: ولاد ....ولادنا انا ونتي ....ديما يجبدولي السوجي هذا ...انا مانيش حاب تكثر الهدرة عليا . زهرة مستغربة: منك بصح؟؟ جابلي ربي المشكل فيك مش فيا؟؟ حليم : علابالي ...راح تتظاهري بالجوف وكي تجوز تسعة شهوور نجيب طفل من دار الايتام وخلاص...وزعما هو ولدنا .. زهرة مستغربة: والله ؟؟ بلخف لقيتها ؟؟ حليم: ايه وينو المشكل ؟؟ زهرة: اممم نهار قتلك نربي خاوتي مخليتنيش ؟؟ ودرك تحوس جيب من دار الايتام . حليم؛ معليش زهرة نعقدو وجيبيهم زهرة ضحكت بسخرية: هههه سمحلي معنديش ثقة فيك ومحاال نقبل ...جربت قبل وصااايي حليم قلق منها وقف وراح ليها حليم: تعقدي فهمتي ...بسيف عليك . زهرة وقفت شوف فيه بتحدي: محااال نعقد معاك...ودير لي تحبو. حليم مفاقش كيفاه ضربها وهي تبكي وتسب فيه بلعاني وهو ضربها ..دقدقها .. الغش لي كان فيه عماه وخلاه ينهال عليها بااضرب ... زهرة كملت عليه واستفزاتو وخلاتو يضربها وسباتو وعايراتو خاطر كان استغلالي ... حليم حبس يلهث لقاها كامل مضروبة....هبط عينيه وخرج بالغش.. زهرة وجها غير دم وتتوجع ...وتتبسم في نفس الوقت. زهرة: والله جبتها لروحك ياحليم ...دار الشرع بيناتنا.. عيطت لمحمد خاطرو كلونديستان تعيط وتبكي زهرة: محمد اجري ليا ضربني ...دقدقني يلزم نشتكي بيه..راح نمووت يا محمد راح نمووت محمد مخلوع: لكلب تفووو هاني جاي زهرة: اجري وصلني للسبيطار رح نمووت كوبا محمد وزهرة تتبسم موجوعة. زهرة: خلاص لعبك حليم اليوم جات دالتي ...خلي نشوف واش راح تقدر دير
***★**************
فوت & كومونت بليز