كرونيك جديدة بعنوان:🌹الحڨرة🌹

4⃣

الحلقة_4: جازت اليلة هذيك كامل بكا على زهرة ...تبكي فراق يماها تبكي خاوتها لي تيتمو صغاار ...تبكي حالتها وحالتهم..كيفاه راح تولي وواش راح يصير فيهم...تبكي شقا يماها لي شقات وتعبت بزااف وتوفات وهي تخدم على ولادها... مسحت زهرة دموعها وتنهدت . زهرة: ربي يرحمك يالعزيزة راح نعوضك قدما نقدر علابالي صعيب ...مي الله غالب هذو خاوتي يلزم نصونهم حتى يكبرو ...راح نكمل فالطريق لي مشيتيها ونعوضهم بلي نقدر...نشالله... .... غدوة منذاك الدفينة تاع فطيمة...زهرة تبكي جاو فاميلتهم كامل ...والجيران تلمو... زهرة تبكي ومعنقة خاوتها...خاوتها صغاار معرفتش تفهمهم ولا تشرحلهم.. كيفاه يستوعبو حاجة كيما هذي ..كيفاه تفهمهم وتقنعهم بلي يماهم راحت ومترجعش. سيرتو ملاك. الصغيرة لي مزالت تحتاج يماها ومزالت تحوس عليها .. شوف زهرة تبكي تبكي معاها وماهيش فاهمة والو. جازت الدفينة ...الجيران تعاونو ونقاولهم دارهم ..غسلوها وخملوها...وعاونوهم مع الفاميليا بشوي قش في بلاصة لي تحرق.. زهرة وخاوتها كانو يباتو عند الجارة ..ورجعو يظاربو مع ولادها...والجارة تقلقت منهم... زهرة فاهمتها..قرت ترجع لدارهم مالغري باباهم مسبغهاش يعني مزات تبان محروقة. الجارة : راح ترجعي ؟؟ زهرة : ايه..قعدنا عندك بزااف هذاك هو الوقت الجارة: ربي يسهل . زهرة هبطت عينيها فهمت بلي مهمها يعاونوك الناس يجي نهار ويتقلقو منك ويلزمك ترجعي لداركم... رجعت زهرة رافدة ملاك في يدها وخاوتها شادين فيها...تنهدت...تفكرت يماها في كل بلاص مسحت دموعها..حلفت متزيدش تبكي باش مترهبش خاوتها... تبسمت وشافت فيهم. زهرة: ودركا رجعنا لداارنا !!! ماشي هكا خير ؟! اميرة: بصح..دارنا كحلة...!!! مكانتش هكا ..!! فيصل : ايه شعلت فيها الناار بزااف نسيتي ؟؟ زهرة تنهدت: خلاص هيا نروحو للبيت ..نخملوها ... بقات زهرة تخمل فالدنيا وخاوتها يقراو وملاك تلعب برا...ساعة ساعة طل عليها..تعسها... خمت توجدلهم الفطور ...ملقات والو... راحت للخزانة شوف يماها كاشما خلات دراهم...دخلت بلعقل...قلبت الخزانة...مليح وين كانت موالفة تخبيهم .. قلبت وقلبت ملقات والو.. زهرة: بففف....مكان والو ميكون غير هذاك لي ميتسماش داهم....الله لا تربحو ياكل في دراهم ولادو .# rezak_Fouad خرجت زهرة تخمم واش طيبلهم ومكان والو ..خشمت تروح تسلف على الجيران ...واش تسلف واش تخلي ..هوما حاسبين مدام عندهم باباهم يقومهم مي للبيوت اسرار والناس شحال تعاونك !!! ... تنهدت زهرة: ياااربي ...حصلت...يلزم عليا نبدا نخدم..باش نوكلهم ونقريهم...بصح درك معنديش والو!!!.. تفكرت زهرة تليفونها. ...شافت فيه.. زهرة : نبيعو ونشري بي
زهرة : نبيعو ونشري بيه قضيان معنديش حل.. رفدت ملاك وخرجت تبيعو وتشري ماكلة...اميرة وفيصل كانو يقراو....وهي تمشي وتحاول تتبسم مع ملاك...ملازمش تبكي وتضعف ماليوم وروح يلزم تتقوا باش تقوم وتربي خاوتها.. زهرة اليوم تحملت مسؤولية خاوتها رغم صغر سنها ...معندهاش حل...خاوتها صغار وصعاف ويشوفو غير فيها . زهرة راح تضحي بكلش باش شوف خاوتها فرحانين ومتهنيين كيما كانت يماها...تتعب باش تفرحهم اليوم زهرة راح ترجع هي يماهم ..هكا خيرتلها الدنيا باش تعيش حياة مكانتش حابته
لبستهم زهرة وبعثتهم يقراو... راحت خملت كيما كلاو...وراحت رقدت ملاك..وحطتها في بلاصتها..وتخمم واش تخدم باش تعاون خاوتها.. شوي هاك جا صالح.. صالح: واش مكاش ماكلة ؟؟ زهرة من بكري متهدرش معاه وماشي مداسراتو.. زهرة: مكاش...معندناش دراهم . صالح راح قلب لقا ماكلة حط وراح ياكل... زهرة قلقت منو: خليها للذراري لعشية واش ياكلو؟؟ صالح شاف فيها بنص عين: راني في داري وناكل واش نحب...وكيما دبرتي هذو دبري غيرهم. زهرة: منين ندبر؟؟ صالح: اخدمي واش كانت تخدم يماك ! زهرة: ولولاد شكون يقعد معاهم.. صالح: ياك يقراو وملاك اديها معاك..انا معنديش الله غالب .. زهرة شوف فيه بحقد كيفاه معلابالوش بولادو .. صالح كلا وخرج..وزهرة قاعدة متحسرة تخمم وش دير وواش تخدم..هي متعرفش تعجن الخبز كيما يماها وزيد الحادثة تاع يماها خلاتها تكره هذيك الخدمة .. زهرة غايسة وحاصلة تخمم واش دير حتى فيقها صوت تقربيع... راحت فتحت الباب...لقاتو الجار... الجار: هاكي... زهرة: وشنو هذي؟؟ الجار: ورقة تاع تريسيتي...!!! شدتها زهرة ودخلت للدار.. زهرة: يااااربي منين راح نخلصها دوك....ياااربي حصلة ..مستحيل يلزم نخدم...بصح وملاك وين نخليها...مزالت صغيرة... ياااربي حصلت يااايما واش كنتي رافدة وواش كنتي حاملة....ربي يرحمك شحال حملتي وصبرتي العذاب باش كبرتيني... سمحيلي اذا كاشما زعفتك..سمحيلي درك حسيت بيك وبقيمتك...سمحيلي يما ربي يرحمك ويغفر لي اذا زعفتك... حطت زهرة راسها بين رجليها وتبكي مقنوطة...حتى فاقت على صوت ملاك تعيطلها..مسحت عينيها وناضت
**************
جمجوا الفحلات ..........