كرونيك جديدة بعنوان:🌹الحڨرة🌹

1⃣2⃣

الحلقة_16: احلام قربت عند زهرة ونوضتها.. احلام: يازهرة ياك تفاهما وخلاص... زهرة: مقدرتش يامداام راهي ختي الصغيرة وامانة عندي ...موالفة بيها نرقدها معايا...منقدرش نسمح فيها...كون تدوها نهبل. . ملاك معنقة زهرة وتبكي معاها.. ملاك: متبكيش ختيتو متبكيش . زهرة : مانيش نبكي. .. ملاك: تبكي ...راكي تبكي شكون ثربك؟؟ زهرة : حتى واح... قاطعتها احلام.. احلام: انا ضربتها.. زهرة مخلوعة فيها وملاك شافت في احلام بنضرة غش.. ملاك: علاه ثربتيها. ...منحبكش.. احلام: متحبينيش؟؟؟ ملاك: ايه خاطر ثربتي ختيتو.. احلام تنهدت وشوف في ملاك معنقة ختها ومحبتش عليها وزهرة تبكي ...عرفت وفهمت تعلق زهرة وختها ببعضاهم... رغم الفقر واليتم بصح هوما محال يسمحو في بعضاهم.. وقفت احلام : زهرة راح نخليك تديها معاك.. زهرة طارت مالفرحة رجعت تضحك حتى الضحكة تلفتلها.. زهرة: عيشك مداام ربي يحفظك... احلام: مانيش شريرة باش نفرق بين خيات يحبو بعضاهم...ربي يخليكم لبعض..بصح يلزم ترجعيلي دراهمي.. زهرة: واش مالدرااهم ؟؟ احلام: دراهم خلصت صالح باش مدلي ملاك !!! نهار جيبيهم نوقعلك ليك الكفالة وهكا راح تكوني نتي مسؤولة على ختك ماش باباها...بصح يلزم تكوني قد هذي المسؤولية و تقدري توفري الدراهم ثم...نعرفك بلي قادرة تربيهم.. زهرة: اعطيني وقت....راح نوفرهم... احلام: عندك شهر في يدك...كي نرجع مالعطلة...نجي نديهم... زهرة: نشالله مدام عيشك.. احلام: يسلمك.. راحت احلام وزهرة رافدة ختها ومتبسمة...للحظة هذي الفرحة برجوع ختها نساتها بلي يلزم عليها توفر دراهم وترجعهم في شهر باش ترجع مسؤولة على ختها وتثبت بلي هي قادرة تربيهم... ..... زهرة لقات خدمة في اتولي تاع خياطة كانو يخدمو بلاتاش ..يعني قدما تخدم تخلص ..زهرة كانت تعاون يماها فالخياطة يعني عندها خبرة ويدها ماشية....بلخف رفدت الصنعا.... زهرة كانت جيب الخدمة للدار تخدم والصبح تديها ...كانت تسهر مع الخدمة حتى نص ليل...المهم توفر مصروف... كانت تخبي دراهمها عند سعاد تخاف راجل يماها يديهملها... زهرة تعبت بزااف كانت تفورصي على روحها باش توفر الدراهم لاحلام...كانت قضية اختها فاللعب كون متوفرهمش ختها تضيع منها.. زهرة تخدم قلب ورب المهم تصمن ختها ليها..عياات ترقد قاعدة على الكورسي وهي تخيط. . تالمو كانت تخدم بزااف وتتعب رجعت تتقلق وتعيط على خاوتها لاتفه الاسباب... قرب الشهر يخلاص وزهرة ملحقتش توفر المبلغ كامل لي دفعتهم احلام.. زهرة فشلت..يعني تعبت وتعبت ومقدرتش توفر المبلغ كامل... حطت راسها تبكي على ماشينة الخياطة لي خللتها يماها غايضها تعبها وشقاها ومقدرتش توفر الدراهم كامل .. ملاك كان
ملاك كانت شوف فيها... خرجت وزهرة مشافتهاش...خرجت تمشي ملاك عندها 5 سنوات درك.. وتمشي...حتى لحقت عند سياغ بقات شوف فالزجاج منبعد دخلت عند و... بقا يشوف فيها مستغرب.. ملاك: عمو...معليش تعطيني هذيك سنسلة؟؟! السياغ مستغرب: وعلاه نتي عندك دراهم باش تخلصي؟؟ ملاك: ايه عندي...هاك.. ملاك جبدتلو صرف تاع دينار و5 دينار... السياغ حسبهم لقاهم ميلحقوش حتى 5 الااف ..تبسم . ملاك بكل براءة شوف فيه : هذو كاامل واش عندي.. السياغ: لمن راح تشري السنسلة ؟؟ ملاك: لختي...مسكينة ديما تخدم علينا وديما تبكي حبيت نشوفها تضحك...كي نشريهالها راح تضحك.. السياغ راجل كبير ضحك من جراة ملاك وبراءتها... جبدلها السنسلة وقاللها اديهالها ديراكت لختك.. ملاك: ايه ...صحيت... خرجت ملا ك تجري مدت السنسلة لختها.. زهرة: خاااه مين جبتي هذي؟؟؟ ملاك:شريتها.. زهرة عيطت عليها : ياااربي حابة تبهديلني يقولو سرااقة ...بلاكي ترفدي حاجة خاطيتك... لبست زهرة وراحت عند السياغ ترجعلو السنسلة . زهرة حشمانة : هاك عمو سمحلي ختي صغيرة ومتعرفش ...سمحلها متزيدش تعاود.. السياغ ضحك: لالا هي شراتهالك...تعرفي علااه !!! باش شوفك تضحكي. ..ونتي محبيتيش تضحكي.. زهرة تنهدت: بصح معنديش حقها !!! السياغ: ختك خلصتها كامل .. زهرة مستغربة: كيفااه خلصتها ؛!! السياغ ورالها الصرف: خلصت بكامل واش عندها... و روحي ربي يعاونك... زهرة تنهدت متحسرة...جات خارجة شافت ملاك شوف فيها وخايفة منها... زهرة تبسمت ورفدتها وراحت تمشي وتتبسم اخر حاجة توفعتها انو ملاك تعاونها ...ملاك الصغيرة وفرتلها المبلغ لي كان ناقصها لزهرة وريحتها من مسكلتها
الحلقة_17: جاز الشهر لحق الوقت باش زهرة ترجع دراهم لاحلام.. راحت ليها للدار.. احلام تبسمت: وفرتي كامل الدراهم ؟؟ زهرة: ايه...هاكي.. شدتهم احلام وحسبتهم..لقاتهم سواسوا.. احلام: مليح...قدرتي توفري المبلغ...هكا نستعرف بيك بلي قادرة تربيهم.. زهرة: عيشك مدااام.. احلام: زهرة باش نوقعلك الكفالة يلزمك تكوني متزوجة ميقبلوش فالقانون وحدة عازبة. زهرة مخلوعة: ودرك كيفاه ندير!!! احلام: لازم عليك تتزوجي باش نقدر نكتبلك الكفالة. زهرة هبطت عينيها: بصح انا منقدرش نتزوج مداام هاكي عارفة . احلام: علابالي على جال خاوتك مي انا لقيتلك عريس ...هو انسان مطلق معندوش اولاد وقبل بحالتك.. زهرة: شكون هذا !!! احلام: صاحب راجلي.وشافك شحال من مرة تدخلي عندنا ..هو يسكن قريب لهنا سقسا عليك راجلي حكالو عليك....والدراهم هذو خليهم ليك اشري لبسة ...والخطبة اذا قبلتي نهار السبت يجي يشوفك... زهرة تبسمت فرحانة : متاكدة مداام بلي قابل بخاوتي!!؟ احلام: ايه قابل.... زهرة عنقت احلام فرحانة: عيشك مداام مانيش مامنة بلي راح تفرج عليا.. زهرة: عيشك مداام والله فرحت من قلبي عمري ماننسا خيركم.. احلام: عادي ما فيها والو والله هو ناس ملاح عسل راجلي شكر فيه بزااف ..وشنو الخطبة مطولش هو حابك تكوني عند و فالدار... زهرة: بصح انا معندي والو...!! احلام: معليش نعاونوك بلي كان ...وهو يشريلك كلشي. زهرة: بصح علاه منديرش الخطبة في دارنا !!!! احلام: هنا خير خاطر دارهم يحبو المظاهر وانا قلتلهم بلي انا مسؤولة عليك...يخطبوك منا..ونتي واش همك المهم تتزوجي وتنستري نتي وخاوتك.. زهرة: نشالله....هاني نوجد روحي... احلام: القاطو خليه عليا..ووامشي نخرجو نقضو واش نستحقو .. خرجت زهرة واحلام راحو شراو واش لازم... زهرة ميتة بالفرحة ماهيش مامنة بلي راح تتزوج اخيييرا كيما كامل لبنات ولقات راجل لي يصونها ويقبل بخاوتها... احلام كانت قايمة بكلش..لحق نهار الخطبة....زهرة لبست ومشطت وماكياات مليح...شافت روحا فالمراية مامنتش بلي هي نفسها.. احلام: وااااو خرجتي توووب...شفتي ونتي غابنة روحك.. زهرة تتبسم : عيشك مداام عمري مننسا خيرك كون ماشي نتي مانيش هاك... احلام: متقوليش هاك راكي كيما حتي ...وحتى انا يتيمة ونقدر نحس بيك.. زهرة تتبسم بامتنان .ربي بعثلها احلام باش توقف معاها احلام : نروح نوجد القهوة... خرجت احلام وزهرة شوف في روحها فالمرايا وتشطح وخاوتها يضحكو عليها.. لحقو الخطابة دخلو جا هو #حليم ويماه معاه . احلام وراجلها استقبلوهم .. احلام: مرحبا بيكم. حليم متبسم...هو شاف زهرة شحال من مرة عندهم وعجباتو وزيد كي سقساهم عليها عرفها بنت فاميليا
زهرة مع خاوتها قاعدة ومقلقة خايفة لدرك ماهيش مامنة بلي ممكن يقبل بيها بخاوتها .. احلام جات ليها . احلام: هيا زهرة اخرجي يشوفوك.. زهرة خايفة ومتردة: مانيش عارفة...خفت . احلام تتبسم: متخافيش ....عادي ادخلي وشوفيهم... دخلت زهرة مهبطة راسها حشمانة. شافتها عحوزتها : ربي يبارك...سمالله... حليم شافها تبسم اول مرة يشوفها هااك . زهرة قعدت حشمانة ...وهوما يهدرو ويضحكو... حليم ملي قعد وهو يشوف فيها عجباتو بزااف.. احلام : يلزم شوفها وحدها وتفاهمو مع بعضاكم.. زهرة راحت للبيت ..حليم وقف حك راسو وراح موراها.. دخلت زهرة للبيت قعدت حشمانة وهو واقف عند الباب يشوف فيها. . زهرة وجها طرطق مالحشمة ماهيش موالفة هااك.. حليم تبسم عارفها حاشمة راح قعد قدامها.. حليم: واش راكي مليحة !!! زهرة: ل...لباس . حليم: زهرة انا تبعتك عندي مدة ملي شفتك تخدمي هنا وسقسيت عليك وقالولي فيك غير الخير... وانا مذابيا منطولش ونرفد...كاشما تحبي تقولي قولي درك.. زهرة : معندي مانقول ..من غير حاجة وحدة...خاوتي يجو معايا ..هذا واش نشرطلك.. حليم: بصح علاه ميبقاوش عند باباهم..ولا هو يعاود الزواج..!!! زهرة: باباهم ميصلحش...وميخممش فالزواج هو اصلا ميدخلش حتى نص ليل... حليم: اوك معليهش راهم كيما ولا دي ...هذي متتقلقيش منها ...المهم عندي نتي تكوني مرتاحة.. زهرة تبسمت وفي قلبها طايرة مالفرحة ماهيش مامنة بلي لقات راجل يوقف معاها... حليم: نشالله حاجة متخصك معايا...كوني فحلة برك.. زهرة: ........
متخممش في عينيا والله.. حليم تبسم: هيا لبااس امالا قابلة بيا!!؟ زهرة تبسمت : اممم.. حليم جبد الخاتم ولبسولها ...وهي طايرة مالفرحة ماهيش مامنة خايفة تنوض وتلقا كلشي منام
**************
فوت +كومونت بليز