كرونيك جديدة بعنوان:🌹الحڨرة🌹

2⃣2⃣ والاخير

لحلقة_41: لحق محمد هبطت زهرة ليه وفمها يسيل بالدم كيما ضربها حليم. محمد شافها هبل محمد: الرخيس نعل راسة تاعو والله يخلصها ...والله نجرجرو فلحباس ...خاامج نع*** ** زهرة : معليش محمد هذا في صللحنا ..خف عند ليجوندارم. محمد : راكي واجدة زهرة ؟ زهرة: ايه واجدة وربي معانا . قلع محمد وزهرة ركبت معاه ملور زعما براني ومتعرفوش.. لحقو عند ليجوندارم..هبطت زهرة تبكي ومحمد موراها.. محمد: شاف لقيتها هاربة من وحد الدار وتبكي ووجها غير دم ...وقاتلي اديني للكوميسارية. زهرة تبكي وتتوجع: ايه ...قلتني بااضرب الله لا تربحو حڨاار الدركي: شكونو هذا ؟؟ زهرة: حليم ** الدركي: واش يجيك..؟ زهرة: اختطفني وهربتلو الدركي: اختطاف ؟؟ من وقتاش ؟؟ زهرة: من شهوور. الدركي: يا انسة كيفاه شهوور وواحد مابلغ عليك ؟؟ زهرة: شكون يبلغ؟ والديا متوفيين وراجل يما باعني وقاللهم زوجتها وهي مكانش منها ..وعندي وثايق بلي والديا متوفيين الدركي يسجل كامل واش قالت. الدركي: يعني اليوم هربتيلو ؟ زهرة: ايه دارو صفقة هو وحليم ودارنا باعوها...واليوم ضربني حب يغتصبني ومخليتوش . الدركي: واش اسمو راجل يماك ؟ زهرة: صالح *** . الدركي :جوزي للطب الشرعي ..وحنا درك نجيبوهم. . زهرة شافت في محمد وتبسمت . زهرة: شكراا حظرااات. الدركي: عنااصر جيبولنا المدعويين حليم ** وصالح **** خرجو الدرك باش يجيبوهم وزهرة دارت سارتيفيكا تتع ضرب.. شوي هاك جابو حليم لقاوه في دارو ...هو رجع وملقاش زهرة حتى لقا الدرك عند دارو.. الدركي: سي حليم ** حليم : نعم حظرات واش كاين !؟ الدركي : كاين شكوى ضدك حليم مستغرب : واش هي ؟ الدركي: اختطاف ..ومحاولة اغتصاب وضرب عمدي حليم مخلوع : ااااه ؟؟؟ انا ؟؟؟ شكوون ؟؟ دخلت زهرة ومحمد بقا يستنا فيها على برا. حليم شافها نخلع حليم:زهرة ؟؟؟ زهرة هبطت عينيها خايفة مي تدعي في ربي في قلبها يكون معاها . حليم: مكانش منها حظراات راهي مرتي زهرة: مكانش منها مرتك وين الدليل؟؟؟ الدركي : عندك وثايق ؟؟ حليم سكت يبلع في ريقو صح معندوش وثايق .. الدركي تبسم : شريتها من عند راجل يماها؟؟ حليم : مكانش منها فتحت عليها ونجيبلك حتى الشهود.. زهرة: جيب الشهود وانا نجيب الدليل . حليم مستغرب: واش مالدليل؟؟ زهرة تبسمت : نسيت واش قتلي ...مراكش حاب الخدامين يعرفو مرضك. حليم زير على يديه يعني راهي تهدد فيه عيني عينك باش تفضحو. حليم: معليش تخلينا وحدنا ...مهما كان راني مفتح عليها ونتفاهمو بلعقل. الدركي: خمس دقايق في يدك...وبلا تهديدات . حليم: اوك.. خرج الدركي وحليم شاف في زهرة بغش جا راح يعيط عليها ..جبدلو ليز
• خرج الدركي وحليم شاف في زهرة بغش جا راح يعيط عليها ..جبدلو ليزاناليز تاوعو وشهادة العذرية تاعها.. زهرة: شوف درك درك طلقني قدامهم وتسينيي بلي متزيدش دور جيهتي ولا والله نبهدل بيك الدنيا... حليم مدهووش فيها جا يهدر سكتاتو.. اعطاتو تليفون في وذنو هدر معاه محمد . محمد: طلقها ولا والله نبهدلو بيك الدنيا عندنا كلش والادلة .. وكوبات زهرة قلبها يضرب بصح كوررااج خاطر هو حڨرها وهي راهي جيب في حقها ومول الحق ديما قااوي. حليم مقلق حطاتو فالامر الواقع زهرة : واش قلت ؟؟ سمعتك راهي فاللعب حليم تبسم : زهرة ااضعيفة مين جاتك هذي القوة ؟ زهرة: مول الحق ديما قاوي خاطر معاه ربي ..سمعت ...كون داويت ودعيت ربي كان يفرج عليك بصح لي يمشي بالخدع عمرو لا يربح كونك هاني .. حليم تنهد: كيما تحبي درك نطلقك..منقدرش ندخل للحبس ونخلي خدمتي وزيد تهمتيني بزااف صواالح والادلة كامل ظدي زهرة تبسمت: نسيت حاجة تسينيلي شاك بمية مليون..متقوليش معندكش. حليم: واش ديري بيه ؟ زهرة: تقدر تقول تعويضات...خمم مليح تدخل للحبس وطير سمعتك ولا طبق شروطي؟؟ هوما هكاك ودخل الدركي.. الدركي: نكملو التحقيق.. حليم: راح نطلقها ونعطيها حريتها ...وهي تتنازل على الدعوة .. الدركي: موافقة ؟؟ زهرة: ايه حليم: راكي مطلقة ...وحارمة عليا ليوم الدين. زهرة : مليح...انا نسحب الدعوة حتى يسينيلي تعهد بلي ميدناش ليا... حليم وقع التعهد.... زهرة تبسمت حست بالراحة : مزال صالح يتعاقب.. الدركي : تقدرو تروحو. خرجت زهرة لبرا ..اعطالها الشاك ...وراح حليم. زهرة خباتو وتبسمت...حست محمد موراها.. محمد: فريتيها ؟؟ زهرة عوجت فمها : واش رايك نتا ؟ محمد: مانيش عارف زهرة: هههههه خليك في نيتك.. محمد: زهرة ...ريحيني.. زهرة حطت صبعها على فمها وتخمم ومحمد قلق منها وهي تضحك. محمد: فيمن راكي تخمي ؟ زهرة: فالثلاث اشهر تاع العدة وين نجوزهم ؟؟ محمد عينيه وساعوو مالفرحة ... طلقك ؟؟؟ زهرة: وي طلقني وااااع مانيش مامنة وبدات تبكي ومحمد يضحك عليها#الحلقة_42_والاخيييرة: محمد: هيا خلاص اسكتي درك... زهرة تمسح في دموعها : مانيش مامنة بلي تهنيت منو الحمد لله يااربي . محمد: الحمد لله ..ودرك معندكش دار جي معايا للدار زهرة: نن متنساش راني بديت العدة ماايوم ملازمش نقعد مع. راجل غريب . محمد: وين راح تروحي ؟؟ معندكش دار ؟؟ زهرة: راح نروح لدار الايتام نخدم ثم ..سقسيت ثم وكامل يعرفوني ووالفوني وطلبت خدمة وقبلوني ..يعني نبقا مع خاوتي . محمد تبسم فرحان لزهرة كي تهنات .. محمد: مليح ...هكا تبقاي معاهم حتى نعقدو وندوهم زهرة عينيها وساعو .مخلوعة فيه محمد غمزها ويضحك....حك لحيتو وهبط عندها . محمد : زهرة تتزوجي بيا؟؟. زهرة بقات ترمش في عينيها مخلوعة ماهيش مصدقة بعد كامل وتش جوزت ..كتبلها ربي تتلاقا بمحمد لي حباتو وراح تتزوج بيه وترجع خاوتها. . وحتى محمد بعدما كامل واش داار من اخطاء مي ندم وتااب وحاول يصلح غلطتو مي صراولو مشاكل بزااف. واليوم ربي جازاه على صبرو وكتبلو زهرة لي حبها يتزوج بيها وهي مزالت عذراء..بعدما دار في بالو تزوجت وخلاص ...يعني اول راجل يمسها هو محمد.. عض على شفتو فرحان متوقعش نهاية الصبر والمشاكل تكون هااك . زهرة عوجت فمها متبسمة: والخاتم وين راه . محمد وقف ويضحك: هذيك كي تكملي العدة تاعك. زهرة: امممم. بصح عندي شرط.. محمد يتبسم: امممم تشرطي ياااه..واش هو؟؟ زهرة: نجيبو بشرى تعيش معانا كيفها كيف خاوتي.. محمد هبط عينيه وتبسم: ايه نجيبوها. زهرة تضحك فرحانة وعنقاتو لمحمد وهو يضحك... .. سهرو اليل هذاك فاابحر يحكو ويضحكو نساو همهم كامل والصبح راحو لدار الايتام وقبلو عرض زهرة باش تخدم معاهم.. زهرة. جبدت الشاك ومداتولهم.. محمد : واش هذا ؟؟ زهرة: تعويض من عند الرخيس هذاك حق مابعدني على خاوتي ...جبتهم لليتامى مساكن.. محمد : نحبك يازهرة نحبك قلبك كبيير يار*** . زهرة تبسمت وغمزاتو: انا نحبك ونمووت عليك.. ودخلت خلاتو واقف ياكل في روحو ويضحك... ... جازت العدة تتع زهرة وجا محمد خطبها وفتح عليها وعقد عليها على جيه ورجعت على اسمو.... دارو عرس في دار الايتاام فرحو فيه فرحة عمرهم وفرحو لولاد معاهم.. زهرة تبكي مالفرحة: مانيش مامنة محمد اقرصني بلاك راني نحلم.. محمد يضحك: هههههه مهبولة نتي صبرتي واليوم نلتي حقك ماىسعادة....افرحي اليوم دالتك.. زهرة عنقت خاوتها وهي فرحانة...وهو ما يبكيو.. زهرة: اليوم نقدر نديكم تعيشو معايا ...الحمد لله يااربي طلعت راسها لقات بشرى شوف فيها وفي محمد لي يشوف فيها. زهرة : بشرى اليوم باباك يديك معاه وتعبشي معانا .. بشرى فرحت .. محمد فتلحها يديه جرات عنقاتو وفرحانة وهو يبكي .. محمد: سمحي
محمد: سمحيلي بنتي سمحت فيك..بصح ماليوم راكي معايا حاجة متفرقنا... تصورو كامل عايلة وحدة وجاز نهاااار هبااال ...نهار تاع فرح نساو كامل احزانهم... .... اليوم زهرة كونت عايلة وكملت الباك تاعها وجابتو وخاوتها رجعو ليها ..ومحمد رجع بنتو .. زهرة قدام قبر يماها تتبسم.... .... بعد عدة سنوااات ... زهرة: يما هاني وفيت بوعدي وكبرت خاوتي ...والحمد لله ..اليوم عرس ملاك ...اميرة تزوجت وعندها طفلة تهبل كيفك...و وفيصل راهو خدام لباس بيه وملاك اليوم عرسها. ....خاوتي كبرو والحمد لله. ونسيت مقتلكش. .عندي توام ...رنيم ورياض راهم يقراو فاليسي ...هذوك احفادك ثان... ربي يرحمك يايما ويكتبلك الجنة نشالله.. محمد : هيا نروحو زهرة.. زهرة: هاني جاية... ....

هذ ي نهاية قصتنا ..مهما تكون انسان مظلوم او محڨوور مدام شاد في ربي متخافش يجي نهار وتفرج...لانك على حق والحق مولاه ربي ..وربي قادر على كل شي
و في الختام أحلا الكلام "" يفلح الحق و يسقط الباطل اينما كان ما تبخلوناش بأراؤكم و لي حاب يضيف شي كلام للحديث بقية و نتمنا استفدتو و خذيتو العبرة منها و أنو الصابر ينال و مول الحق عمرو ما يضيع خلو أملكم بربي كبير لي خلق ما يضيع 💖 دمتم في رعاية الله و حفضه ....سلام 💖💖💖💖 ...النهاااااااااية ......💖💖💖💖ا

كشروداتي بيبيشاتيي متقراوش وتهربوا قيمونا برايكم في القصة ....