كرونيك جديدة بعنوان:🌹الحڨرة🌹

1⃣3⃣

الحلقة_18: جازت الخطبة تاع زهرة...راحو الخطابة...حليم خلالها لزهرة تليفون باش يهدر معاها ويعرف خبارها.. زهرة ميتة بالسعادة واخييرا راح تتزوج ودير عايلة ومام خاوتها راح يكونو في اماان معايا... رجعت زهرة للدار فرحانة والدنيا ماشي سايعتها.. رقدت خاوتها... عيطلها حليم.. شافتو تبسمت.. زهرة: الو .. حليم: الو...واش لباس؟؟ زهرة: لباس حمد لله ونتا؟؟ حليم: كي سمعت صوتك راني لبااااس. زهرة تبسمت حشمانة :امممم حليم: واش اممم مامنتينيش؟؟؟ زهرة: لالا امنتك هههههه حليم: راكي تضحكي..مزية لي رجعتي تضحكي ..ملي شفتك ونتي حزينة.. زهرة: الله غالب شقا الدنيا ميخليلكش الوقت باش تضحك.. حليم: نشالله معايا حاجة متخصك.. زهرة: انا من جيهتي ميهمش ...الصح عندي هوما خاوتي كي تتهلا فيهم هذك هو الصح.. حليم: متتقلقيش ...رلهم كيما ولادي ووعدتك حاجة متقيسهم معايا .. انا في جالك نتي ندير كلش... زهرة عضت شفتها متبسمة: امم وعلاه عليك.. حليم؛ خاطر نحبك. زهرة : ااااه ؟؟ حليم: كيما سمعتي....نحبك وعندي مدة نتبع فيك دخلتي خاطري وسقسيت صاحبي ومرتو عليك ..قالولي فيك غير الخير . زهرة: الحمد لله شادة نيفي قبل كلش...مش معناها معنديش والديا ندير رايي...لااا الحمد لله نخاف ربي وشادة فيه... حليم: كلام شباب وكبير على عمرك. زهرة: شقا الدنيا كبرني...والحمد لله بنت اصل وين تكون تبقا بنت اصل.. حليم: هكا تعجبيني وعلى هذي حبيتك... واش رايك السمانة هذي نخرجو كاشما نقضو للدار علابالك شهرين وتكوني عندي زهرة: شهرين؟؟!؟ زربتني حليم: يازهرة واش تبقاي ديري في داركم لا يمات لا بابات غير تمرميد برك !! زهرة : صح عندك الحق بصح معندي والو.. حليم:متخافيش انا نشريلك كلش متخميش ونديرلك عرس ينسيك يالماضي...اطلبي برك زهرة مخلوعة فيه متوقعتش يحبها كامل هااك.. زهرة: من نيتك!!! ااهههه وقتاش حبيتني كامل هااك !؟ حليم: مانيش عارف مي دخلتي خاطري وخفت متقبليش ..مي كي عرفت قصتك قررت نخطبك انا مرتي الاولى بنت نااس مرفهين..مي مخرجتليش فحلة وموقفتش معايا وقت لي احتجتها..كرهت جد النسا وحبيت وحدة مقناعة كيفك...وكي لقيتك محاال نخليك تضيعي من يدي.. زهرة تبسمت: متخافش راح نكونلك فحلة ونكونلك راحة ...و عمري مننسا خيرك.. حليم: متقوليش هاك حاجة منعزها في عمري...اطلبي عينيا نعطيك.. ... بقاو يحكو ليل كامل ويضحكو.... بعد ايام زهرة تعودت على حليم وتعلقت بيه كان ديما يعيطلها ويحكو ويضحكو.....ما عز عليها وعلى خاوتها حتى حاجة... خرجها تحوس شرالها حوايج....لي بغاتها شراهالها..المهم ترضى عليه برك.. زهرة كانت طايرة بالفرحة معاه تلبس وتاكل وتخرج... حتى انها مكان
حتى انها مكانتش مصدقة انو ربي بعثلها راجل هااك... كانت تحتقر روحها بزااف... كانت ديما جوز على حانوت تاع لعرايس شوف للغوب بلونش تتبسم مامنتش بلي جا النهار لي راح تلبس فيه هذي الروبة... بعدما قطعت لياس منها.... زهرة كانت مزال مخبرتش صالح بخطبتها ...بقات متردة....وطلبت من حليم يجي نهار الجمعة يلقاه فالدار ويخبرو... حليم الصبح جا عند دار زهرة... فتحلو صالح . صالح: نعم شكون نتا؟؟! حليم: معليش ندخلو نتفاهمو !!! صالح : ايه ادخل... حليم قعد وحكا لصالح كلشي وفهمو..وزهرة تسمع فيهم مالبيت.. خرجت زهرة حطتلهم القهوة.. صالح: اممم يعني خطبة وعرس !!! حليم: ايه حاب نرفد منا على شهرين.. صالح شاف في زهرة: وخاوتك !!! زهرة: نديهم معايا صالح ضحك باستهزاااء: علاه شكون قالك راح نمدهملك!! ولا دي ولا ولادك !!! زهرة قلقت منو يعني هذاوين تفكر بلي هوما ولادو كي رجعت فالخطبة . زهرة: جابلي ربي انا لي راني قايمتهم وهو ما صغار نتا متقدرش تقومهم صالح : انا منمدهملكش..واذا تحبي خاوتك ابقاي معاهم مكانش زوااج.. حليم: ياعمي ..استغفر مولاك. صالح: نتا متهدرش معايا...الولاد ولا دي وانا حر فيهم وهي انا الولي تاعها وانا مانيش رايح نزوجها. زهرة دخلت للبيت تبكي ....يعني الدنيا ديما عاكستها ...نهار طمعت تفرح راجل يماها محبش يمدها ويهد د فيها بخاوتها... حليم حاول معاه مي مكان والو..صالح والف زهرة تصرف عليه محبش يزوجها وشدها ماليد لي توجعها ولي هوما خاوتها
الحلقة_19: زهرة اليلة هذيك مقدرتش ترقد بايتة تبكي...كلما تقول اتفتحت في وجها من جيه تتغلق من جيه..كان كلش ماشي لباس حتى سمع راجل يماها لي وقفلها في نص الطريق لسعادتها .. عيطلها حليم لقاها تبكي حليم: متبكيش زهرة تعرفيني منقبلش على دموعك !! زهرة: الله غالب ...هاك شوف يهدد فيا بخاوتي باش منتزوجش ...حابني نبقا هاك حليم: رخيس وطحان ...وعلاه يديرلك هااك...ياك بالعكس نورمالمو يزوجك يتهنا عليك وتخطيلو الطريق.. زهرة ضحكت باستهزاء: واش مالهنا تحكي عليه ؟؟ هو مذابيه نبقا شاقية ونخدم عليه ...والف بيا نطيب ونغسل هو يلقا كلش واجد.. حليم : اممم على هذي ...زهرة متزيديش طيبيلو..متغسليلو حوايجو موالو ...ارميه فالثقيل خليه يتربااا زهرة:ايه عندك الحق انا ولفتو...ماليوم حاجة منزيدش نخدمهالو ...خليه يسوفري وحدو.. حليم: بلاك يدير القلب ويتزوج زهرة: منعرف شكون تندب عليه وتتزوج بيه ميصلح لازوج ولا اب لا والو.. حليم: المهم ديري واش قتلك خليه يتمرمد هذا توالمو الزنقة وبس... ... بعد اياام زهرة طبقت واش قاللها حليم...رجعت مطيبلو ماتغسلو حوايجو ماتخملو شمبرتو... صالح فاق بيها تزكر فيه... وحد النهار جا فالليل مكانش سكران بزااف...ملقا ماكلة مالقا واش يلبس ..وشمبرتو مقلبة...تقلق.. زهرة كانت تهدر فالتليفون مع حليم... راح ليها فتح الباب بقوة...شافها راقدة والتليفون في يدها ... زهرة تخلعت وشوف الشر في عينيه . زهرة: واش تحتاج ؟؟ صالح: وين راهي الماكلة؟؟ وحوايجي علاه مراهمش مغسولين ؟؟؟ زهرة: مكاش ماكلة. معنديش دراهم...وزيد نغسل ولا منغسلس هذاك شغلي...روح اتزوج جيب المرا لي تغسلك. صالح : والله ....كبرتي وطوال لسانك معايا .. وقرب ليها نحالها التليفون وكسرو... زهرة قلبها يضرب خايفة منو: واش راك دير ؟؟ علاه تكسر فيه... صالح شدها كركرها من يدها وخرجها مالشومبرا صالح: يالخامجة تهدري معاه في نصاف اليالي ولاعبتاهلي شريفة. ...زعما تزكري فيا .. مزال متعرفيش صالح.. وبدا يضرب فيها قتلها بالضرب وزهرة تبكي وتتوجع ..تفكرت صورة يماها كي كان تتضرب في بلاصتها ... صالح ضربها بالحقد...زهرة تتوجع زهرة: وكيلك ربي ...حسبي الله ونعم الوكيل.. صالح: مرة وحدوخرا تعرفي بلي انا لي درت فيك وفي يماك مزية كي جبتكم عندي...ودرك اخرجي عليا الزنقة لي ترفدك...وشوفي اذا تتزوجي بالبغل هذاك ...كون منسينيلكش انا متتزوجيش.. اخرجيييي علياااا.. زهرة مخلوعة فيه متوقعتش يحاوزها وفي نصاف اليلي .. زهرة: عيشك متحاوزنيش ...وخاوتي ؟؟ منقدرش نخليهم وحدهم ... صالح: هذوك ولا دي سمعتي....قتلك اخرجيييي. ...برااا. للزنقة .. زهرة رجعت تحلل فيه مي
• زهرة رجعت تحلل فيه ميحاوزهاش على جال خاوتها ..وتسلمو على يديه وتبكي .. زهرة: متحاوزنيش ...لمن نروح وشكون يستقبلني ؟؟ وخاوتي صغاار يحوسو عليا.. صالح : مدبريش عليا ...اخرجي .. وشدها من يدها وفتح الباب وطبعها لبرا.... زهرة تبكي وتقولو افتحلي عيشك افتحلي. ..بجاااه ربي افتح لي.... صالح محبش يفتحلها .. زهرة قعدت عند الباب وحاطة راسها وتبكي. ..ااااه يادنيا لما يروحو الوالدين والاهل يجبدو روحهم منك تبقا وحدك تعاني وواحد محاس بيك...زهرة كانت ضحية لاهل باباها لي محوسوش عليها مور وفات باباها ...بقات امها تعاني وحدها ...وزيد ضحية خالها لي رماهم لصالح باش يهني روحو...واليوم ضحية راجل يماها لي دار فيها العجب ...وهكاك وزهرة شادة في ربي وقادرة دير كلش باش تحمي خاوتها
*****************
فوت & كومونت بليز