كرونيك جديدة بعنوان:🌹الحڨرة🌹

1⃣5⃣

• #الحلقة_22: لحق نهار العرس ...زهرة وجدت كامل واش تحتاج حوايج تاع تصديرة وقشها لي كانت تشري وتحط في دارها ديركات خاطر تسكن وحدها.. سعاد: ياخسارة راح تروحي وتخليني وحدي. . زهرة تبسمت: الله غالب ياختي ...هذي حال الدنيا ومزية لي تهنيت من صالح وعمايلو... سعاد: والله فرحتلك...ربي يهنيك..صح يقولك لي يصبر ينال. زهرة: الحمد لله والله ماني مامنة بلي ربي بعثلي راجل كيما حليم...مرات نحس روحي نحلم ..كيفاه حليم الزين والعقلية ودراهمو يشوف فيا انا !!؟؟ سعاد تبسمت: علاه حاڨرك روحك هااك ؟!؟ وديجا وين راح يلقا وحدة عاقلة وقوية كيفك...رغم كامل واش جاز عليها وهي صغيرة ...مزالت واقفة. زهرة: شقا الدنيا يعلمك ويكبرك قبل وقتك...الحمد لله لن يصيبنا الا ماكتبه الله لنا.. سعاد: سبحانو...حقا غدوة يجي حليم يديك للحفافة ؟؟ زهرة : ايه نشالله....ومنبعد يرجعني ..باش كي يجو الكورتاج نكون واحدة للصالة ديراكت.. سعاد: وفامليتكم عرضتوهم ؟؟ زهرة ضحكت : واش مالفاميليا لي نعرضها ؟؟ عمومي لي ملي مات بابا ربي يرحمو محوسوش عليا لا انا لا يما ربي يرحمها !!! ولا خالاتي لي بعاد وكي حكيتلهم قالولي رجالنا ميخلوناش نجو على جال راجل يماك .. ولا خالي اااه ياخالي لي رمانا انا ويما باش يريح راسو !! معنديش فاميليا ومنحتاجهمش ..مدام وقت الشدة ملقيتهمش منحتاجهمش درك يحظرو في عرسي.. يكفوني الجيران لي مننساش خيرهم وخيركم عاونتوني بلي تقدرو.. قدما ندير منردش خيركم... ودمعو عينيها .. سعاد كيفها عنقتها وتبكي معاها.. سعاد: متبكيش زهرة رانا جيران وخيات ..والحمد لله المرحومة ماشفنا منها غير الخير ..وهذا الشي كامل لوجه ربي ...يوم لينا ويوم علينا... زهرة تمسح في عينيها..: صح هذي هي الدنيا ...بصح تعرفي خايفة يصراولي مشاكل في زواجي منلقاش لي يوقف معايا .. نخاف يظلمني ولا يحڨرني ...معنديش بابا ولا خاوتي ولا حتى ام دافع عليا ...وتوقف معايا !!! سعاد غاضتها زهرة لي بقات وحدانية في هذي لدنيا .. سعاد: وانا وين رحت ....كون كاشما يديرلك بالمقلة على الراس هههههه زهرة : هههههه ضحكتيني الله يعطيك الهنا .. سعاد: ايه واش حسبتلك..ديجا مدام ربي معاك متخافيش منو ...ويطول ولا يقصر ياخذلك حقك.. زهرة:سبحانو...وانا شادة غير فيه. سعاد: مقلتيليش شكون يخرجك غدوة نشالله !؟؟ زهرة هبطت عينيها وتنهدت .. سعاد شوف فيها غايضتها معندهاش سند في حياتها وشكون لي راح تخليه زهرة يخرجها...شكون هذا اهل الثقة ...رغم انو عايلتها كامل خانوها... زهرة: يخرجني صالح ... سعاد مستغربة : صااالح ؟؟؟؟ من نيتك ؟ بعد كامل واش دار فيك ؟؟؟ زهرة : صالح ملي رجعت يما تخدم مزادش ضرب
• زهرة : صالح ملي رجعت يما تخدم مزادش ضربني صح مكانش يخدم علينا مي على الاقل كان ساترنا في دارو ..وبالاخص انا مور ماماتت يما خلاني في دارو حتى للمشكلة اللخرة... رغم كامل واش دار فيا بصح كنت مستورة في دارو ...كنت نرقد مهنية مش كيما الزنقا....صالح راجل براني ومنلوموش...واش نقول في عمومي وخوالي لي محوسوش عليا. . صالح خيرمنهم ودار فيا مزية كبيرة حتى تزوجت وغير هو لي يخرجني
• #الحلقة_23:. رقدت زهرة اليلة هذيك مقلقة ومتحيرة ..غدوة رايحة عروسة لدار جديدة وعايلة جديدة وحياة جديدة ....ياترا راح تلقاها كيما راهي حابة وراح تتهنا وتريح من مشاكلها ولا راح تزيد تتعقد حياتها كثر... تنهدت زهرة شافت في خاوتها لي راقدين بكل براءة. .تبسمت. . زهرة كل همها خاوتها يكونو لباس ويرتاحو ...مهمتهاش روحها خاطر والفت بالشقا هي ..وكل شقاها وتضحياتها في جال خاوتها. ..وحتى زواجها في جال ملاك باش ترجع الكفالة ليها وحتى كفالة خاوتها ...هذا كان اولويتها قبل كلشي . زهرة ضحات بقرايتها باحلامها وبحب حياتها محمد وبراحتها وبشبابها ...ضحات بكلش في جال خاوتها ومستعدة باش تضحي اكثر واكثر وديما شوف يماها قدوة ليها.. تنهدت ناضت توضات وصلات الاستخارة ودعات ربي باش ينورلها طريقها ويوريلها اذا قرارها صحيح ولا غالط.... غدوة منذك جا حليم داها للحفافة.. زهرة كانت غسلت وبدلت لخاوتها... حليم: واجدة ؟؟ زهرة: ايه واجدة.. حليم:يروحو معاك ؟؟ زهرة: ايه مكانش معامن نخليهم .. حليم: خلي نديهم عند احلام تشدهملك حتى تكملي. زهرة : امممم خلاص خليهم عندها حتى نكمل. طلعت زهرة مع خاوتها باش يوصلها حليم للحفافة... قبل متنزل شافت فيهم يضحكو ويلعبو فالطونوبيل تبسمت. .. زهرة: اقعدو عاقلين عند طاطا احلام نمشط ونرجع. ملاك: ايه ختيتو نقعدو عاقلين. . زهرة: هيا مليح نخليكم درك باااي باي. . نزلت زهرة تتبسم وتودع فيهم بيديها. .حتى راحو ... دخلت عند الحفافة مشطت ...وكي كملت عيطت لحليم يجي يديها. زهرة: وي حليم كملت .. حليم:هاني جاي ... لحق حليم عند زهرة .خرجت ليه .. زهرة: وين راهم خاوتي؟؟ حليم: راهم عند احلام شدتهم يفطرو عندها من بعد جيبهم معاها. . زهرة: اوك .. حليم: امممم خرج عليك الماكياج.. زهرة تبسمت حشمانة. حليم : هيا نوصلك.... لحقت زهرة للدار استقبلوها الجيران بالزغاريت...وزهرة تتبسم... دخلت بيتها . جات سعاد سلمت عليها .. سعاد: خموووس على عروستنا تهبل. . زهرة عينيها دمعو...هبطتهم ...حاسة بقنطة في قلبها...مقدرتش تخرجها . سعاد حست بيها: شبيك زهرة ؟؟؟ واش كاين .؟؟ زهرة بصوت حزين : تو.....توحشت يما....تمنيت كون رلهي معايا اليوم تفرح بيا كيما اي ام وبنتها ...تمنيت بابا يكون حاظر ويرحب بضيافو ويجيبني من عند الحفافة ويما تستقبلنا بالزغاريت ...الله غالب ابسط الحاجات تحرمت منها. .. سعاد: ربي يرحمهم ...وديجا رانا معاك... زهرة تبسمت: ربي يخليكم ليا .. شوي هاك لحق الكورتاج....زهرة قلبها يضرب كيما اي عروسة ....مرحلة ولحضات قلق ورهبة تحس بيهم اي وحدة نهار عرسها وفاللحظات لي يجو يخرجوها من دارهم.. سعاد قاعدة معا
• zسعاد قاعدة معاها محبتش تخليها عارفتها تتقلق وزيد وحدها مكاش لي يوقف معاها. . زهرة ساكتة مي مقلقة وسعاد تقرا عليها قرآن باش تتهدن. .. جات جارتهم قاتلهم فتحو وكملو ... زغرتو عليها وبوركولها وهي ماهيش قادرة تفرح فرحته ا ناقصة... شافت في سعاد مخلوعة : خاوتي ؟؟؟ علاه مجاوش..!؟؟ سعاد: ماشي قلتي خلاهم عند احلام ؟؟! زهرة: ايه ً..بصح قتلو يروحو معايا وينهم . ناضت زهرة مقلقة رايحة جاية تعيط لاحلام مترفدش عليها.. زهرة:بفففف وين راهي هذي... جات تعيط لحليم حتى شافت صالح وحليم ورجل البلدية داخل معاهم... زهرة : حليم حليم قرب عندها : خير؟!! زهرة: خاوتي. ...علاه مجبتهمش ؟؟! حليم: راهم عند احلام . زهرة: نعيطلها مترفدش وعلاه مجبتهمليش حليم ياك تفاهمنا؟؟؟ حليم:وشبيك زهرة درك تلقايهم فااصالة ... زهرة: جيبهملي درك ...درك نشوفهم يروحو معايا. حليم: ربي يهديك...سينيي ودرك تروحي للصالة تلقايهم.. زهرة : مستحيل منوقعش جيبلي خاوتي قتلك جيبهملي يروحو معايا ولا 
منروحش .. حليم: كيفااه ؟؟ زهرة: لي سمعتو
*******************
فوت & كومونت بليز