كرونيك جديدة بعنوان:🌹الحڨرة🌹

6⃣

الحلقة_6: العشية جازت كامل تخمام على زهرة وعلى واش راح دير باش توفر دراهم...للمصاريف كاملين... الليلة هذيك مرقدتش وهي تخمم...بعدما كانت تخمم في قرايتها برك وكانت شوفها حاجة كبيرة اليوم رجعت تخمم في امور كبيرة ومكانتش تتوقع توصل تخمم فيها وهي فالسن هذا!!.. فيقها من غيستها صوت راجل يماها داخل سكران....تنهدت زهرة: وجه الشر هذا ...يدخل في نصاف الليالي ميحوس ولادو واش ياكلو ولا واش خصهم..بففف ... شافت في خاوتها صغار راقدين تنهدت...غاضوها هوما براءة وواش ذنبهم انو هذا باباهم وانو يماهم توفات وخلاتهم صغار براءة ميعرفو والو مالدنيا. ... حطت راسها ورقدت... غدوة منذاك..ناضت تجري...لقات فاتها الحال معندهاش تليفون باش تريڨليه .. فطنت مخلوعة وتنوض في خاوتها.. زهرة: اميرة ...اميرة فيصل نوضو فاتكم الحاال... نوضو.. ناضو خاوتها وهي توجدلهم فالحليب وفي حوايجهم... لبستهم وبعثتهم يقراو...راحت معاهم خاطر فاتهم الحال... كان صباح خريفي بارد ..الدخلة تاع الشتا .. ملاك مزالت راقدة... زهرة: منوضهاش خليها راقدة نوصلهم ونرجع البرودة عليها مكاش كيفاه نديها نخاف تمرض.. وصلت خاوتها بالخف... العساس : فات الحال !! زهرة : عيشك خويا خليهم يدخلو..لافوت تاعي مفطنتش.. العساس: ممنوع ....راح الحال وجاو روتار بزاااف .. زهرة : عيشك خويا انا نهدر مع المعلمة تاعهم... العساس: ترقدو حتى تشبعو وجو تحلو هنا عند الباب... هبطت زهرة عينيها هي تالمو سهرت تخمم مفطنتش الصبح ومعندهاش تليفون ينوضها...بصح الناس متفهمش ومترحمش وكلامهم جارح... دخلت زهرة عند المعلمة وفهمتها... المعلمة: بصح القاي حل ماشي مليح ليهم يجو روتار!! في مصلحتهم.. زهرة: اخر مرة يجو روتااار ...خليهم يدخلو.. المعلمة : معليش هيا ادخلو زهرة تبسمت: عيشك استاذة.. رجعت زهرة تمشي تنهدت...تمشي وتخمم حتى تفكرت ختها لي خلاتها راقدة...خافت تنوض ومتلقاهاش وكاشما يصيرلها .. رجعت تجري للدار باش تلحق بيها... لحقت للدار تلهث... فتحت الباب تعيط.. زهرة: ملااك..ملااك.. راحت لبلاصتها ملقاتهاش... ولات تحوس في كل بلاص وقلبها يضرب بقوة وتعيط.. زهرة: ملاااك...ملاااك...وينك.... ياااربي وين راحت ...ياااربي وميصرالها والو...ياربي الغلطة تاعي خليتها وحدها...كون كاشما يصيرلها نهبل. ملاااك...ملاااك.. خرجت لبرا تعيط كي المهبولة خافت كاشما يصير لختها وتكون سبة فيه... سمعتها الجارة سعاد خرجت ليها. سعاد؛ زهرة ..زهرة رجعتي...متتقلقيش ملاك عندي.. زهرة شافت فيها حست غمة تنحات على قلبها . راحت عندها لقات ملاك تشرب فالحليب عند سعاد.. سعاد: ناضت ملقاتكش جات عندي. زهرة
سعاد: ناضت ملقاتكش جات عندي. زهرة : حمد لله ياااربي لي جاات عندك قريب هبلت وانا نحوس عليها .. ملاك شافتها جات ليها : ختيتو...ثربت حليبة عند طاطا ثعاد زهرة رفدتها ومرتاحة وشافت في سعاد: عيشك .. سعاد: بلا مزيتي
حلقة_7: رجعت زهرة للدار خملت الدنيا وغسلت حوايج خاوتها ووجدتلهم فطورهم .. جاو فطرو ورجعو يقراو.. لعشية زهرة تخمم واش تخدم كي العادة ومنين توفر دراهم... حتى سمعت تقربيع فالباب لقاتها جارتها سعاد رافدة شوي قاطو طيباتو هي. سعاد: هاكي شوي قاطو للولاد... زهرة تبسمت: علاه عليك تشقي في روحك.. سعاد : مافيها والو علابالي راكي حاصلة ومعندكمش مدخول.. زهرة تنهدت: ايه صح...ادخلي نحكو . دخلت سعاد وبقاو يحكو. سعاد: زهرة لازمك تخدمي متتكليش على صالح خاطر هاكي تعرفيه. زهرة: عارفة بصح المشكل مانيش عارفة واش نخدم ملاك مكاش وين نخليها.. سعاد: خليها عندي وحوسي على خدمة. ..منا لثم يرحمها ربي.. زهرة: ربي يعيشك...غدوة نبدا نحوس ونشالله نلقا .. سعاد: كون نقدر نعاونك مي الله غالب قيسنا قيس روحنا...هاكي شو في المصروف وولادي.. زهرة تنهدت: ايه صح...عندك الحق..معليش خيرك سابق.. سعاد: مابيناتناش... الليلة هذيك باتت زهرة مقلقة واش راح تخدم واذا راح يقبلو يخلوها جيب ملاك معاها.. بعكس محمد لي من نهار لي مدلها النيميرو تاعو مباناتش ومرجعتش لليسي.. كان ديما يستناها كي يخرجو ولا كي يدخلو بصح هي ريحتها مكاش تقول بلعتها لرض.. محمد: بفففف الطفلة هذي وينها حتى اسمها ومنعرفوش...زعما تتهرب مني ماهيش قابلة بيا!! ولا بلاك عندها ضروف خاطر من ذاك النهار مزدتش شفتها.. محمد كان ديما يروح لليسي ميلقاهاش تقلق وتحير والمشكل ميعرفش وين تسكن .. غدوة منذاك زهرة خرجت الصبح توصل خاوتها يقراو وتروح تحوس على خدمة.. زهرة: ختيتو اقعدي عاقلة ومتزعفيش طاطا سعاد. . ملاك: ايه ..بثح ثيبيلي معاك كوثاك.. زهرة تبسمت: ايه نجيبلك...بصح يلزم تبقاي عاقلة .. ملاك: ايه ...منقباحش كاامل... زهرة شافت في سعاد بنضرة امتنان. زهرة: عمري مننسا خيرك.. سعاد: ربي يهديك رانا جيران..روحي ربي يفتحها في وجهك.. زهرة: نشالله.. خرجت زهرة تمشي وتتبسم حاس روحها اكبر من عمرها....هذي اول خطوة في حياتها الجديدة...انها توفر خدمة ومصدر رزق...كانت ديما شوف يماها قدوة ليها وكانت حابة تفرحها لكن امها كانت مرا كبيرو مي اليوم زهرة راهي صغيرة وحاملة مسؤولية خاوتها على كتافها ويلزم تعيش الحياة لي خيرتهالها الدنيا مش الحياة لي كانت تحلم بيها .. .. بقات زهرة دور من بلاص لبلاص تحوس على خدمة... جربت حفافة جربت فالفيترينات فلوزينات... كاين لي يطلبو ستااج وديبلوم..وهي معندهاش وضروف متساعدهاش باش دير ستااج... والباقي منعوها باش جيب ختها معاها.. زهرة عياات وهي دور من زنقة لزنقة تحوس على خدمة... حتى لحقت العشية مكان والو... رجعت زهرة للدار عيانة ومحطمة ...مكانتش حاسبة با
مكانتش حاسبة باش تلقا خدمة ماهيش حاجة ساهلة... خرجت طامعة تلقى خدمة توفر بيها مصروفها مي مالقات غير الرفض... زهرة حست البيبان كامل تغلقو في وجهو. رجعت للدار حزينة مقنوطة...الدنيا صح صعيبة وصعيبة بزااف ...لما يكون عندك والدين وقايميين مسؤوليتهم متحسش مي زهرة يتيمة الابوين وزاد مسؤولة على خاوتها صغاار ..لي لازم تقريهم وتوكلهم وتلبسهم وداويهم اذا مرضو . وتفرلهم الدفى سيرتو الشتا والبرد جاي لحقت للدار ..راحت عند سعاد جيب خاوتها... قربعت فالباب... سمعتهم يعيطو فرحانين..جات ختيتو زهرة جاات جاات . شافتهم تبسمت...رغم كلش هوما براءة وضحكتهم تسوا الدنيا.. عنقتهم تتبسم.. جات سعاد ليها . زهرة: سمحيلي طولت عليك..ياك مقباحوش.. سعاد: عادي ولاد ويلعبو ...قوليلي نتي دبرتي خدمة؟؟ زهرة كانت مقنوطة ..وسؤالها لسعاد مقدرتش جاوب..عينيها تعباو بالدموع جات تبكي تفكرت خاوتها لي يشوفو فيها .. حبست دموعها مقدرتش تنطق..شافت في سعاد وقالتلها براسها لالا... سعاد: معليهش ربي يفرج.. زهرة : نشالله.. خرجت زهرة دات خاوتها للدار حزينة...تخمم كيفاه راح دير...خمت متفشلش وتزيد تحاول تلقا خدمة تبقا تحاول حتى يفرج ربي.. رقدت خاوتها وحطت السجادة تصلي وتستغفر وتدعي في ربي يفرج عليها
*************
فوت & كومونت بليز