نمر/
عمري ٣٠ سنه طولي ١٨٠عيوني زرك مع العلم اني اسمر وشعري اسود طالع ع امي الله يرحمهة جسمي معضل بس مو بشكل مبالغ بي عائلتي متكونه من والدي شيخ ضرغام وامي متوفيه من جنت بالمتوسطه بيبيتي ام ابويه هيه اللي ربتني اني واخويه فهد عمره ٢٣ واختي ناز عمرهة ٢٥ صح جانت بيبي ممقصره ويانه من كل النواحي وبابا هم بس امي جان مكانهة محد يكدر يعوضه من جنت صغير جانت تحلم اصير دكتور مع العلم اني حلمي انو اصير ضابط كبرت وحققت حلم امي ورها قدمت ع دوره مال ضباط والحمدلله صرت دكتور ضابط وبوقتهة هملت اهلي هواي لان التحق بالاشهر ومكاني مو ثابت متنقل وين ما اكو مستشفى قريبه ع الجبهات نتمركز بي ف بالايام الالتحق بيهة اغرك بالشغل ومن انزل للبيت اكضيها لو نوم لو دراسه لان الطب بتطور ولازم ادرس عن كل التطورات ف مجان عندي وقت اختلط ب احد وهذا خلاني انسان منعزل وشخيصيتي جانت كلش صعبه لدرجة محد يعجبه يحتك بيه لان ماخذ الكل بالعياط والرزايل واذا ماكو شي ما احجي ويه احد وشكد جانت بيبي تلح ع الزواج بس اني مخال ببالي الزواج هسه لان ملكيت الانسانه اللي تجذبني صح اني اشوف هواي بنات خلال عملي بس ما حاط بالي يمهن اكو بنيه اجتي ويانه ضمن الفريق الطبي العسكري تكون ممرضه هواي تحاول تتقربلي بكل الطرق واني بس اريد اخلص منهة واكثر من مره اهينهة بس هيه متحس شكد اكره هيج بشر ياربي فديوم اجانه امر انو ننقل لمجمع بأطراف بغداد نسيت اكوللكم انو بيتنه بالبصره ودوامي جان بالمحافظات الساخنه اللي بيهة حروب ف شويه ارتاحيت انو راح نبعد عن الخطر رحنه للمكان اللي كالولنه عليه طبعاً مراح كل الفريق الطبي لان كالو اكو هناك كادر متكامل بس اني اروح لان ضابط وصديق طفولتي وروحي ليث دكتور مخدر لان كالو ماعدهم كادر للعمليات الجراحيه الكبرى وراح كم عسكري ويانه تحسب لاي هجمه والغثه ناديه هم لطشوهة ويانه راحو الكل قبلي واني جان عندي كم شغله وره ساعه لحكتهم اول مدخلت رحت للمدير حته يعرفني ع الكادر سلم عليه طبعاً ولا شفت ليث اكيد لكه هنا بنات يشتغلن وكيف لان هذا كلب عينه زايغه دكيت الباب ودخلت
المدير// اهلا اهلا شرفتنه دكتور
نمر// الي الشرف
المدير// شتحب نكولك دكتور لو سيدي
نمر// لا دكتور كافي لان احنه هنا شغلنه ننقذ الجرحى
المدير// تأمر دكتور تفضل اكعد خلي اعرفك ع الكادر وشوف فايلاتهم وبعدين تلتقي بيهم
نمر// استاذ فهمتهم انو ممنوع الاستقاله والنقل لان تعرف انو احنا هنا فتره مؤقته ومنريد احد يخسر وظيفته بسببنه
المدير// والله دكتور اني فهمتهم والكل موافق بس بعد المحلله مكالت شي
نمر// خير ان شاء الله مصيرهة تقتنع
.... هسه انطيني السيڤي مال كل واحد
المدير// تفضل
نمر// اخذت الملفات وكعدت ع صفحه اشوفهن لحد هسه تمام كل الي احتاجه من خبره وتخصص موجود بس انزعجت انو اكو بس دكتور وممرض و٣ بنات هذولي شلون اهلهم مخليهم بهيج منطقة نائيه هسه اكيد يصير يوميه عرض ازياء هنا ومناكر هنه وناديه لان هيه مكروهة الله ربك ليث افرح اوو هسه اني شعليه بيهن اهم شي خوش يشتغلن وصلت الملف مكتوب الاسم ليلك شدني اسمهة قبل لا افتح الملف كال المدير
المدير// هاي المحلله عوف فايلهة ع صفحه اكيد مراح تداوم تسويلهة واسطه وتنقل
نمر// العفو استاذ هو مو بكيفهة ولا الدوله هيته حته واسطه
ديريد يحجي المدير جان تندك الباب وقبل ليكول تفضل نفتحت الباب بقوه وطبت مصيبه مو بنيه لا حشه
