نمر// بعد ما راحت ليلك اني استمريت ع نفس الروتين طول الاسبوع بس الجديد انو دا احس روحي غركان بيهة بكل صفنه هيه موجوده مع العلم اني كلشي ما اعرف عنهة وعن اخلاقهة واطباعهة لحد هسه متجمعنه بس المشاكل واكتشفت بهاي الفتره انو اني مو بس معجب بيهة وانما حبيتهة بس ع طول جان ابنهة الحاجز بيني وبين اعترافي لنفسي بحبهة وترددي وخوفي انو هيه متزوجه بس اني لازم اتاكد هيه ع ذمة زوجهة لو مطلقة او ارمله كلت ما الي غير اسويلي سالفة واعرف بس بدون محد يحس طلبت من الكل يجتمعون بغرفة الاجتماع
السلام عليكم..
الكل// وعليكم السلام دكتور
نمر// اني اليوم اجتمعت بيكم لان اجاني قرار لازم نروح وجبات كل اسبوع لمخيم الاجئين اللي يبعد منا مدة نصف ساعه نقدم مساعدات مادية ونفسية للاهالي واحتمال هناك نطول ويجوز نقضي ليلة لان منعرف شنو اوضاع الطريق ف من هسه اريد الكل يوقع ع الموافقة حته ادزهن للوزراه واللي يروح هسه اريد يبغلني
ليث// اني اروح
سرى//اني هم
فاطمه// اعتذر استاذ اهلي ما اضن يوافقون
نمر// براحتج احاول احجي ويه المدير العام بخصوصج
فاطمه// تسلم دكتور
الباقي// عادي نروح
نمر// اذا هيج تمام معناها الكل يروح عدا فاطمه وليلك
سرى// دكتور من رخصتك من يكول ليلك متروح خليني اتصل بيهة واسألهة
نمر// كيفج بس اني قدرت وضعهة والتزاماتها وكلت اقدملهة الاعتراض هيه وفاطمه
ابو ماجد// دكتور ترا ليلك تحب هاي المساعدات وماعدهة التزامات غير شغلهة
نمر// ابو ماجد لازم نتفهمه هيه هم عدهة طفل وزوج الهم حقوق عليهة
فاطمه// لحظة دكتور هذا يا زوج ويا طفل
سرى// استاذ منيلك هل حجي
نمر// شنو قابل دا اجذب عليكم ذاك اليوم بهاي اذني ابو ماجد صاحلهة ام فارس
سرى// ودكتور انته شلون تاكدت ابنهة هذا
نمر// ما اظن ماعد اضحك وياكم واتشاقة حته تساليني هل سؤال هيه بنفسهة كالت ابني فارس
سرى//ما تحملت اكمش ضحكتي اكثر كمت اضحك
فاطمه// اباوع ع سرى وخربت ضحك خرب عرضج ام فارس ع هل دكه انفضحتي والله
ابو ماجد ومصطفى كامو يضحكون
نمر// اباوع ع ليث وهو يباوع عليه ويضحك ع ضحكهم كلش عصبوني
..... اتمنى تحترمون المكان الكاعدين واني محجيت نكتة علمود الكل يضحك لو توضحون شكو لو تتفضلون برا
ابو ماجد// ابني ترا ام فارس اقصد ليلك ما متزوجة هههههه
نمر// احس نثولت مدا افهم شي ... شنو لعد وفارس شنو
ابو ماجد//هههه تكدر تكول اسم شهره لان من جانت صغيره جدهة يصيحلهة ام فارس يعني اسم انثى النمر وهيه مشه عليهة هل اسم ومن جتي هنا نصيحلهة ليلك متنتبه بسرعه بعدين من سالناها وكالتلنا كلنه كمنه نصيحلهة بهل اسم حته احنه هم نسينه اسمهة الحقيقي
نمر// ابو ماجد يحجي واني كمية الصدمه اللي اجتني مو طبعية من جهة فرحان لان ممتزوجة ومن جهة معصب لان ضحكت عليه واستصغرتني هيه منو حته هيج تسوي ويايه
....هااا هيج السالفه ماشي يصير خير يلا خلص الاحتماع تكدرون تتفضلون
بعدما عرفت ان ممتزوجة حسيت بعد صارت ملك حصري الي ولو حته هيه متحبني غصباً عليهة تحبني بس اني اعلمج يا ليلك ما افوتلجياها هل دكه هينه هينه
