ليلك// طلع من الحمام يفرك عيونه
محمد// شتريدين احجي يلا
ليلك// شسويت ع شغلتك ويه البينة اشو لا حس ولا خبر
محمد// اووووف يا اختي شحجيلج
ليلك// اسمعك يلا فضفضلي لتخلي بكلبك
محمد// بالبداية جنه اصدقاء وتقربت منهة وشفتهة بدت هيه هم تنعجب بيه فتره وصارحتهة وهيه هم صارحتني قررنه ورا ما نتعود ونتفاهم ويه بعض اتقدملهة بس هسه دا احسهة دتبعتد عني ممهتمتلي عكس اول فتره وبعدهة عني ديعذبني
ليلك// لهل درجه تحبهة😕
محمد// واكثر اعشقهة اعشقهة بس هيه مدتبادلني احسهة بارده ويايه
ليلك// شنووو بارده ولك بس لا متقرب الهة
محمد// لاااا يمعوده شبيج وين راح بالج صدك جذب هو ايدهة مكامشهة
ليلك// اي عفيه اخويه حبيبي ديربالك تتقربلهة ولا تلمسهة ولتضلون وحدكم بمكان
محمد//ام فارس شبيج ليش هيج تحجين ششايفتني
ليلك// واني اتذكر الصار ويه سرى وليث... ها لا حبيبي مو قصدي بس الشيطان شاطر والدنيا متنضمن
محمد// والقرآن مو صاحيه وشغلتج مو خاليه
ليلك// اهووو شبيك يمعود فوك ما اوصيك دروح طبك مرض
محمد// اووووف هسه شسوي كوليلي
ليلك// والله محمد كلبي ممرتاح الهة بس هاي حياتك اني ما ادخل بيهة
محمد//دشوفيلي حل
ليلك// محمد اني اكول بله هل لف ودوران ما دامك تحبهة ومتأكد من اخلاقهة تقدملهة وهيه اذا تحبك مترفض واذا العكس فراح ترفضك وتبين مشاعرهة الحقيقة
محمد// يعني انتي هيج تكولين
ليلك// ييي هيج اكول وانته بعد بكيفك حته لتضل بقهرك وهمك
محمد// لعد اذا هيج باجر من ترجعين من الدوام اني وياج نحجي ويه ابويه وامي
ليلك// واني شكو قابل راح اتزوجهة لو انته
محمد// لا دخيلج لتعوفيني بهيج موقف خاف اجفص بشي
ليلك// يييي عفيه اصلا شما اشوف تالي بيوم عرسك تصيحلي تعالي باتي يمنه اليوم خاف اجفص
محمد//انجبي لج استحي شويه اصلا بس خلي تصير حلالي انتي واللي برجلي واحد
ليلك// هاااا هيج صارت بسيطه شوف اللي يساعدك وحته ما احضر عرسك واشوفك القندره شتسوي
محمد// لا لا لا جذب حبيبتي اتشاقه وياج بسرعه تزعلين
ليلك// ييي عبالي🙄
محمد// ههههه غير انتي كلبي
ليلك// غصباً عليك😒
...كملت مناكر ويه محمد رحت دكيت ع فاطمه اسأل ع سرى شصار اليوم قراية الفاتحه مالتهة احجي ويه فاطمه وروحي تلوب اعز صديقاتي ما احضر قراية فاتحتهة بس خلي تولي تستاهل
"""""""""""""""""""""""""""""""""
سرى// اجه ليث تقدملي وبابا واخواني سألو عليه وافقو امي بلغت امه اجوي اليوم كعدة زلم وقرايه فاتحه اني طول هالفتره احس روحي دتطلع ع البطئ الحمل موتني واني ما اعرف شسوي وشآخذ حبوب كوه لبست ملابس وحطيت مكياج علمود النسوان نزلت جانو الكل موجودين بدت الهلاهل كعدت جتي باركتلي امه وخواته ثنين مبينات حبابات بدو الزلم يسولفون والنسوان هنه وهوستهن المتخلص شويه وقرو الفاتحه بس انصدمت انو ليث جايب ويا السيد حته يعقدلنه اللي افتهمته ابويه معارض بالبدايه علمود بهل سرعه بس قنعو طلبو من عندي اوكف وره الباب وانطي موافقتي تم زواجنه واني احس نفسي طايره من الفرح والحياة بدت ترجعلي بعد مفقدتهة واحس نفسي دا اطلع من البحر اللي غركت بي
ليث// اتفقت ويه ابويه نجيب السيد بنفس اليوم ونحطهم امام الامر الواقع لان بلغت اهلي انو هذا الشهر راح اروح ايفاد ولازم اتزوجهة خلال هذا الشهر رحنه وتم كلشي واني احمد الله واشكره كدرت احافظ ع سرى ومخسرتهة لحد هسه ابد ممتندم ع الشي السويته لان برضاتي ورضاها بس اللي متوقعته حملهة اصلا من بعد هسه ما نخاف من شي لان صارت مرتي وحلالي ابويه بلغ ابوهة بسالفة الايفاد واتفقو بعد يومين نروح نعقد بالمحكمه والاسبوع الجاي العرس ابوهة اعترض واخوانهة ع هل سرعه بس حمدلله ابويه وعمامي قنعوهم تم كلشي ورحت واني مكدرت اشوفهة شكد ردت اشوفهة ادري بيهة تعبانه ومحد حاس بيهة ومحتاجتني بكد ما اني محتاجهة يلا مضل شي
