يا كلشي وقبل كلشي وبعد كلشي😻
ومابين الضوه ورمشي ✨
من كد ما اغار عليهة اتمنى!🤔
احطها بجيبي من امشي❤️
🖤🖤🖤🖤🖤🖤🖤🖤🖤🖤🖤🖤🖤🖤🖤
ليث//واخيراً بعد اسبوعين تم كلشي وباجر العرس صدك احس اني اسعد انسان بالعالم حبيبة كلبي راح تصير يمي اعوض التوتر والحزن اللي عشنا كله حمدلله انو صارت من نصيبي صح ثنيناتنه خسرنه اعز اصدقائنه بس الله عوضنه بدالهم ببعض وصارت من قسمتي
سرى// تمر الايام ويقترب موعد حياتي الجديدة اللي ناويه ابدي بيهة من الصفر وية حب حياتي وطفلي اللي يوم عن يوم يكبر بداخلي راح اسوي كلشي اكدرله حته اوفرله حياة حلوه وسعيده وبلكي الله يغفرلنه فد يوم الغلط السوينا وارجع اشوف اختي وصديقتي مره ثانيه لان قررت اترك المجمع طريقة متعب الي
<<<<<<<<<<<<<<•>>>>>>>>>>>>>>
ليلك// البيت صارله اسبوعين مشحون محمد ميحجي ويه بابا وبابا عصبي وعلي كل ميحجي ويا ينهد بي امي وبيبي يحاولون ماكو فايده صرت اكره الرجعه للبيت كله مشاكل والشغل ملل نفس الروتين عدا خبر زواج سرى صدك هو احسن شي صار بهل فتره وفرحني دعيت الله يتمم عليهة اليوم كعدت بدلت نزلت اتريك ماكو احد وممسوين ريوك استغربت محد كاعد لهسه رحت اشوف بيبي مو من عوايدهة تنام لهيج وكت ولا امي دكيت الباب
بيبي// فوت
ليلك// فتحت الباب ع كيف دا احجي انتبهت امي نايمه ع الجربايه بصف بيبي وبيبي مبين هسه كاعده من النوم ..... صباح الخير اكول ليش ماما هنا نايمه
بيبي// بهمس نصي صوتج امشي خلي نطلع بس عاونيني اكوم
ليلك// يلا تعالي سندتها كامت طلعنه بالصاله
.... بيبي شبيها ماما
بيبي// اسكتي يمه هذا ابوج تخبل وراح يخبلنه ويا امج المكروده البارحه حاجيه ويا ع شغله المكموع اخوج ومتعاركين اجتي الليل كله تبجي الظاهر حيل شايله بكلبهة مانامت لوجه الصبح
ليلك// اووووووف يبيبي ما ادري شكول بس الله اليعرف اللي ديصير بينه حمدلله ع كل حال
بيبي// يروحي لا تشيلين ببالج انتي الخ ان شاء الله تنحل ربج رحيم
ليلك// امين بس والله ميته قهر واني اشوف اهلي هيج ديصير بيهم
بيبي// يله يبيبي هونيهة وتهون متضل هيج يله امشي خلي نسويلنه ريوك اني وياج فطست من الجوع
ليلك// ههه اروح فدوه للفاطس يله امشي هو شمخفف عليه هل وضع غيرج
بيبي// يله ام اللسان امشي بله حجي مامنه فايده
ليلك// رحت سويت ريوك الي والهة اكلت وكملت وطلعت محد كعد منهم اوووف وصلت للشغل بديت اشتغل ومر اليوم عادي بس اللي استغربته دكتور نمر ماكو كمت افتقده من كد عركاتي ويا اجي واطلع ضوجة البيت بي بس هو ميسكتلي واكثر من مره يفشلني كدام الكل ونقلل احترام اني ويا لدرجة ابو ماجد اجه حجة ويايه وكالي عيب وميصير وحجة ويا بس ويين الحجي ضايع بس نشوف بعض لازم نطلع سالفه نتعارك عليهة لدرجة صار عندي ادمان ههههههه
لميت غراضي اريد اطلع فتت من يم الاستعلامات صاحلي الموظف
...// ست ليلك ممكن طلب
ليلك// يي طبعاً تفضل
...// اجتنه اوراق من الوزاره مهمه ونحتاج توقيع دكتور نمر ضروري ومدنكدر نتواصل ويا خطه مغلق ياريت انتي طالعه بطريقج تمرين للمعسكر وتنطين هذني اله شخصياً كلش مهمات واذا ملكيتي سلميهن للقياده
ليلك// ترددت بالبداية اني عمري مفايته هيج اماكن ....زين ليش مدزهن بيد واحد من الحرس
...// مو كتلج كلش مهمات ومو مال ادزهن بأيد اي شخص وانتي هسه شفتج وكتلج اذا متكدرين اشوف غير شخص ولو لازم حالاً يوصلن
ليلك// يلا ماشي انطينياهن اني اوديهن بس دليني ع المعسكر وين بالضبط
...// اشكرج ع مساعدتج هايه
ليلك// لا عادي .. اخذت العنوان طلعت كلت للسايق المكان اخذني وصلت يم المعسكر بس شنو شكل البوابه مرعبه باب كللش عاليه وجبيره وسياج عالي واكو مثل البرج بي عساكر يمه معقوله هذا هنا عايش ولو النمر اذا محطو بهيج مكان ياكل العالم
السايق// بنتي انزل اني اوديهن
ليلك// لا عمو اوراق مهمه لازم اسلمهن بأيدي
السايق// ع راحتج
ليلك// نزلت رحت دكيت الباب اكو فتحه بالباب نفتحت وطلعلي وجه جندي يمه شكله يخوف يا ستار
العسكري// نعم
ليلك// يمه هذا يخوف حته صوته... أ..أ.أريد دكتور نمر
العسكري// ماعدنه دكتور هنا
ليلك// يييو اسفه اقصد الضابط نمر
العسكري// شنو اسمه الكامل
ليلك// عفيه ترا هو مو تحقيق اني مجرد موظفه عنده شمعرفني بأسم ابو قابل اشتغل بالنفوس
العكسري// العفو اختي بس هاي الاجراءات والقوانين هنا مو بكيفي ولا بكيفج
ليلك// اترجاك بس خلي اشوفه وانطي هاي الاوراق كلش ضروريه
العسكري // اتفضلي
ليلك// سد الفتحه جان تنفتح الباب فتت من شفت المنظر خفت رحتي بيهة ليلك ساحه جبيره كلش ع صفحه اكو دبابات ومكان مال رمي وبنايات جبيره كلش كلهة تطل ع الساحه المكان الاني واكفه بي المدخل مجان اكو احد بي بس هذا الحارس والباقي معلكين بالبرج رحت وكفت ع صفحه خفت لان بنية وفايته بنص جنود عزا بعينج ليلك صخام الصخمج شجابج انبهت من بعيد مجموعه جنود ديتدربون ملابسين شي من فوك بس بنطاير عسكريه عيييع
اكو بيهم كرشهم وصدرهم كله شعر يلعبون النفس واكو
ضعاف طبعاً اني عيني بالكاع وكلساع استرق النظر واشوفهم والله يعني ماعندي قصد بس حالي حال اي شابه بس والله اكو ثنين اجسامهم روووعه واحد جان بالمقدمه شيسوي همه مثله يمكن القائد خرب عرضه عبالك ذوله اللي يطلعون بالافلام بس انتبهت هذا العسكري راح وشاور القائد طبعاً كد ما بعيدين ملامحهم متبين اجه العسكري ونوب ورا هذا اجه يتقدم عليه كل ميتقدم اكثر اني وجهي يصفر يممةةةةةةةةةة عززززا هذا نمر لالا مو هو اي اي اي والله هو صخام اني ادري بي حلو بس ابد مشايفته بدون الملابس العسكريه والطبيه هو يتقدم واني اباوع ع جسمه كلش شدني منظره كمت اكرص بروحي يمعوده عيب شنو السالفه وخري عينج يالثوله هسه ينتبه باوعت ع وجهة يكب نار وعيونه حمره مدري عصبي مدري لان جان يلعب رياضه خبطت عليه اجه وصل يمي واحسه يريد يشيلني ويلطخني بالكاع
