•••••••••••••••••••••••••••••••••••••••••
💟💟💟💟💟💟💟💟💟💟💟💟💟💟💟
انا جروحي اصبحت مثل البراكين🌋
كل ما يهدى واحد ينفجر ثاني💥
💜💜💜💜💜💜💜💜💜💜💜💜💜💜💜
فهد// يكول واحد من الي جانو ويا بالفريق يوميه يكعد فوك الساتر لان هو القناص ومن تصير ليليه يطلع الكلاده الي لابسهة ويضل يباوع عليها بالساعات بعدين يبوسها ويضمهة من عدهة عرفنا عاشك من هجمو علينه الارهاب ندارو علينه من فوك وما نحس اله موجهين سلاح على روسنه ندارينه عليهم الجلاب ما رمو علينه شدو ايدنه ورجلنه ف الي ربط نمر انتبه ع الكلاده جرها من ركبته نمر بطبعة كلش هادئ وميظهر للعدو خوفه ويبين ان مستهزء بيهم بس من اخذ الكلاده صدك نكلب نمر عيونه نكلبت حمره كام يصيح ويغلط كال النذل والله خوش محبس هذا عجبني راح اخذه ضل يستفز بنمر ويكله اكيد مال مرتك الساقطه وكام يفشر ويدوس بالحجي وزيدها من لبسه بركبته نمر فقد صار وحش اجه واحد منهم ضربه بحافة السلاح على راسه وفقده وعيه بهاي الاثناء اجتي فرق الدعم ذوله الجبناء
نهزمو وعافونه وره ما صحى نمر وتذكر شصار كام يصيح ويغلط اجه العميد رزله جان يسكت
وره كم يوم حددنه الوكر الي همه بي قررنه نقصفهم بالطيارات كعدنه الصبح ملكينا عرفنه رايحلهم وحده مكدرنه نقصف المكان لان جندي عراقي بداخله واكيد اذا لزمو راح يغيرون مكانهم وره كم اسبوع سوينه هجوم وفعلاً ملكيناهم واتاكدنه اخذو اسير نزل امر عقوبه علي لان تسبب بفشل المهمة وره فتره اجانه خبر وجوده بمستشفى المقر وجانت حالته خطره فعلاً سمحولنه اني وكم جندي اصدقائه ندخله وهناك تاكدنه سبب تضحيته بنفسه هو المحبس لان جان موجود بايده كلش تاثرنه من شفنا وحسدنه حبيبته ع حبه الها جان مستعد يتخلى عن نفسه في سبيل محبسهة وبنفس الوكت اثبتلنه مدى شجاعته قليل نلكا هيج اشخاص يحبون بصدق
ليلك// اقشعر بدني واني اسمع الكلام تاكدت ما اجه حبي اله من فراغ ولا تعلقي بي جان بدون معنى جنت أظن كرهني وتخله عن كلشي يخصني بس هاي حالته وكلام فهد تثبتلي العكس فعلاً اني محضوضه بس بكد ما فرحني الكلام ونطاني امل بكد ما زاد حيرتي وتساؤلاتي عن سبب تركه الي وكلامه الي بالرساله ليش كتب هيج وتصرفاته تكول العكس
.... ابتسمت .. فعلاً محضوضه
فهد// ليلك
ليلك// ها
فهد// انتي انسانه كلش زينه وقليل واحد يلكى مثلج لتضيعين شبابج بسبب حب فاشل وانسان تركج لتصيرين مثل اخويه شوفي حالته الحب شسوه بي
