ليلك// وصرت محتاجه انو اتعلم ع السلاح
محمد// ام فارس ترا السلاح مو لعبه وتعليمه كلش صعب وخاصةً انتي بنيه يعني يصير اصعب عليج
ليلك// محمد الله يخليك اني من زمان اريد اتعلمله وهسه احس اجه وكته يعني مثلا اذا صارلي شي ما اخاف عندي سلاح
محمد// ياا صلاوات وهذا المفترس اللي وصينا عليج شنو شغله لعد
ليلك// متسكت بربك لتجيبلي طاري طلع فد انسان مكروه بس يرزل امداه اي والله
محمد// بس وشرفي يطك بالكاع هنيال التاخذه
ليلك// تريد اخطبلكيا ما شاء الله انته ونعم المره ما ناقصك شي بس نشيل شواربك
محمد// هو غير لو يقبل بيه مو بس شواربي اشيلهة حته حواجبي اشيلهة
ليلك// لك لتفر السالفه غصب عنك اليوم تقنع بابا
محمد// يجي والله كريم احجي ويا بعدين تعالي وين نعلمج ع السلاح مفكرتي يالثوله
ليلك// لتشتريهن مني وتبيعهن عليه تدري اكو الساحه مال بستان ابو زهراء الكل يروح يصيد بيهة ويعلمون الجهال ع السلاح فلتغشم روحك يا حلو
محمد// خربيج متفوتج فايته
ليلك// شعبالك حبي اني ام فارس العلم
محمد// والنعل اقصد والنعم
ليلك//اكول محمد
محمد// كولي
ليلك// شصار ع الصيدلانيه
محمد// مصار شي هسه احنه اصدقاء مثل ماهي مفكرة طبعاً اما اني ميت عليهة بس انتظر الوكت المناسب حته اعترفلهة
ليلك// خير ان شاء الله ربي يكتب البي خير
محمد// امين
ليلك// خلص يومي عادي حطيت راسي ع المخده واجه ع بالي المصاب اليوم من وره المفترس مسألت ع الولد يلا باجر اشوفه
كعدت الصبح بدلت ورحت للمجمع اول مفتت كبل ذبيت غراضي ورحت اطمن ع الولد
نمر// اجيت من وكت اليوم علمود المصاب فحصته شويه اكو رد فعل بعينه كملت وطلعت جان اشوف ليلك جايه فاتت من يمي وحجيت واني امشي
شلونه فارس اليوم اكل لو لا
ليلك// دا افوت وجان اشوف دكتور مفترس طالع من الغرفه فات من يمي وحجه اني كوه لزمت ضحكتي يله خلي امشيهة علي ههههه
.... يسلم عليك ويشكرك انو خليت امه داوم ومبطلت
نمر// عرفته بسمار سكتت وكملت طريقي رحت لمكتبي وبديت شغل
ليلك// فتت للمريض لكيته ع نفس حالته ضليت واكفه اباوع عليه واحر حسرات الله واعلم هسه شصاير باهله ربي الطف بي وفرح امه بشوفته دا اطلع وانتبهت ع ايده اليمنه بيهة حلقه يررررربي لاااا هذا خاطب صدك ضلمت الدنيا بعيني حصرتني البجيه ع حاله نوب منكدر نتواصل ويه اهله موقف صعب عفته وطلعت واني احس كلبي يبجي ع حاله حته ممريت ع البنات بديت بالشغل شويه واجتني فاطمه
فاطمه//شبيج ام فارس ليش ممريتي علينه خوما صاير شي
ليلك// والله يا فاطمه هذا المريض كطع كلبي ولج طلع خاطب
فاطمه// يااا صددك زين وهسه شلون اهلهة شلون راح يبلغوهم واصلا ماكو عنوانهم ومحد يعرف حته اسمه
ليلك//ما ادري راح اروح احجي ويه الدكتور واذا يريد خلي بابا يعمم صورته ع المراكز
فاطمه// لا لتروحين خلي ننتظر يصحى يلا وبلكي اصلا هو ينطي عنوانهم
ليلك// مااشي😔
فاطمه// ياااا ولج شبيج ندري حالته تقهر بس لتضلين هيج بومه متعودنه عليج هيج
ليلك// تدرين فاطمه ما اظن اكدر اتحمل هيج اني اتوقع تالي يصير عندي انهيار عصبي
فاطمه// يمعوده اسم الله شبيج كومي كومي امشي خلي نشتري شي ناكل
ليلك// يي اجيت
كمنه رحنه اشترينه وكعدنه بصالة الاستراحه ناكل شويه وطب المفترس كعد ع ميز وحده طلب جاي وكعد يكلب بالفون اني تحجي ويايه فاطمه واني بالي مو يمهة صافنه عليه اباوع شلون يشرب الجاي يربي هذا معقوله بشر حقيقي امنيتي اطخه دا اشوفه سراب لو لا والف رحمه ع والدي السمى نمر لان هم مثله شكله يجذب وحلو بس اذا تقربت منه يفترسك احلى شي بي كلش هادئ بس ويايه مدري ليش يكب وتطلع عصبيته اني ادري باسلوبي مستفز بس هو اليبدي اووووووو هسه اني ليش دا افكر هيج بي ودايخه قطعت عليه الصفنه سرى
سرى// الووووووو وينن يمعوده اشو فاصله
ليلك// ها لا مفاصله انتي وين جنتي مختفيه
سرى// شغل والله ملحكت حته استراح
فاطمه// اي والله هواي زاد علينه الشغل حته مدننجمع بغرفة وحده مثل قبل
ليلك// يي صحيح
دنحجي جتي ناديه لطشت روحهة يمنه
ناديه// هلو بنوتات شلونكم تسمحولي اكعد وياكم
البنات// تفضلي
ناديه// اكول ليلك من زمان عندي تعليق ع لبسج اتمنى متفهميني غلط هذا المكان مال عمل ولبسج ديبرز جسمج لو تلبسين عريض احلى
فاطمه// يمه عزا هاي ويامن ورطت روحهة
سرى// ربي سترك هاي شسوت
ليلك// يمه هيه حجت هيج كمت بسرعه وكفت الكل نتبهو عليه البالصاله بس هو الاحسن حته يسمعون
...... بعده مانخلق اللي يعلمني شلون البس افتهمتي وبعدين باوعي ع روحج شتلبسين يلا تحجين ع غيرج وعمرج لتعتقدين الملابس الهة دخل بالمكان هو المحترم يكون بكل وكت وزمان محترم والمامحترم وميعرف الاخلاق والتربيه بكل مكان يضل هيج مو الملابس اللي تحكم ماشي ولتخلينه نحجي حجي ثكيل وانتي مصارلج كم يوم من جيتي وترا لا عبالج شي ينضم كلهة كم يوم وتبين خيسة كل واحد ونعرفه صدك ومره ثانيه فكري مليون مره قبل لتحجين ويايه
ناديه// لججج اشو انتي كمتي تتجاوزين وتحجين حجي اكبر من راسج
ليلك//لج بعينج عمري ممتجاوزه ع احد بدون حق وانتي تجاوزتي حدج ويايه وهذا المقابل
ناديه// احجي باحترام لا اكوم اكسر راسج
فاطمه// ولج عزا سرى لحكي هاي متدري شراح يصير بيهة هسه
سرى// يبو والله نفضحنه شكد عيب باعي كلهة دتباوع
ليلك// اني منا ضايجه ع الولد وهاي جتي تبيع شرفيات براسي صعدت عندي بعد كلمه وحده اخلي دمهة بطولهة
ناديه// ها شو خرسيتي جبانه عود خلي البابا مالتج يربيج زين لان الظاهر ميعرف يربي
ليلك// هيه حجت هيج واني الشياطين تربعت براسي رحت جريتهة من ياختهة البنات رادو يوخروني
ناديه// كمت اعيط ... وخري سا....ة ادبسز رعنه دايحه
ليلك// البنات يجرون بيه عطت بيهن كل قوتي ....سررررى فااااطمه ثانيه وحده اذا موخرتن عني احطجن فوكاها
سرى // يمه شكلهة نكلب صدك خوفتني رجعت ليوره
فاطمه// من صدك شكلهة يرعب يربي هسه غير لو اكو زلمه يوخرهة يربي عبالهم هاي بنيه عاديه واقوه شي تسوي راشدي
ليلك// كووولي اسفه
ناديه// تحلمين
ليلك// كووووووولي اسسسفه
ناديه// ما اكوووول
ليلك// نداريت ع البنات كتلهم بنات مسمعت شكالت
نداريت عليهة
..... اخر مره تكولين لو لا
ناديه// وخري عني ادبسز
ليلك// هاهيه وصلت حدهة بحرركه سريعه جطلتهة بالكاع ع بطنهة وجتفت ايدهة ع ظهرهة وكعدت فوكاها
ناديه// اخخخخخ وخري عني وخرييي
ليلك// كولي اسسسفه
ناديه// ما اكول ما اكول
ليلك// ضغت عليهة ومتعتذر غير عرمه اني الج وخرت من يمهة ووكفت ع صفحه
ناديه// كمت نفظت روحي الله لينطيهة خلعتلي جتفي
ليلك// وكفت كبالي وباوعت عليه وضحكت
سرى// ولج يمه شراح تسوي هاي الخبله
فاطمه// ربي سترك
ناديه// هاي الله كدرج عليهة
ليلك// بعدهة مكملت كلمتهة جبتهة بوكسي ع خشمه كل قوتي كبل وكعت بالكاع ونزف خشمهة
سرى// ركضت عليهة اشيلهة من الكاع اني وفاطمه كامت تصيح من الوجع
ليلك// وكفت يم راسهة ... مرة ثانيه لتستهينين بالمقابيلج ترا اكو حركه تايكواندو عاجبتني كل تدريب اجربهة ع اخويه يضل كامشه دمار نص ساعه ف ديري بالج يمكن مره لخ اجربهة بيج وله اكلج اتعلم حركات جديده براسج
وخرت منهة ورحت اغسل ايدي
