💟💟💟💟💟💟💟💟💟💟💟💟💟💟💟
••••••••••••••••••••••••••••••••••••••••
كالو ماتجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
واعاتب بالگمر هلبت يواسيني
ظلم كلش ظلم تحيى وتموت بشوگ
وچا شنهو العمر من تذبل رياحيني💔😔
💟💟💟💟💟💟💟💟💟💟💟💟💟💟💟
ليلك// كعدت الصبح من وكت علمود اروح اليوم للدكتور اخر جلسة واودعه بعد ماكدر اكمل ويا لان راح اروح اچذب اذا اكول ماكو كسره وغصه بكلبي ع فراك اخوتي وامي وابويه رخصني اصلا اخذت عهد ع نفسي ابويه مات انتهى حاله حال اي بشر مر بحياتي
تخلى عني بعز حاجتي الهم واذا وافقت علمود اخوتي بسس
كمت بدلت ونزلت اخذني السايق اليوم لازم اودع كلشي نزلت من السياره سلمت ع حارس العياده من كثر ما اجي تعلمت يوميه اسلم علي
انتظرت دوري دخلت
.... السلام عليكم دكتور
الدكتور// هلا بنيتي خابر علي كالي يعني صدك اليوم اخر يوم اشوفج
ليلك// ابتسمت بيأس ... ايي اخر جلسه هاي
الدكتور// انتي صرتي بمعزت بناتي الله شاهد يعز عليه ما اشوفج هنا
ليلك// دكتور الدوه استمر علي
الدكتور// ايي نفسه تضلين علي واكو شريط من تحسين وصلتي مرحله متكدرين تسيطرين ع روحج ومتهدئين حته بالرسم اخذيها فقط بهيج حاله والباقي هم حسب حالة ايدج
ليلك// ماشي
الدكتور// اليوم لان اخر جلسه مراح اخليج تسولفين شي لا هالمرة اني اريد احجي وكلامي مثل اب دينصح بنته يعني مو دكتور
ليلك// تفضل دكتور
الدكتور// ليلك لتستسلمين خليج قويه ارجعي مثل قبل واكثر يعني هذا الزواج اذا تحسي ياذيج اوكفي بوجه الكل وارفضي ادري بيج منسيتي حبيبج لتعذبين نفسج ترا بس انتي الي راح تدمرين ولتكولين اني اصلا مدمره ومحطمه لا انتي بعدج ليلك القديمه القويه والدليل موافقتج ع الزواج علمود اهلج يعني انتي مو خالية المشاعر لا انتي بعدج انسانه كلبج طيب روحج حلوه مشاعرج فياضه هسه انتي رايحه حياة جديده متعرفيها شنو كوني مستعده الكلشي هيئي نفسج الكل الاحتمالات اذا واجهتيها بضعفج راح تتغلب عليج وتمحيج من الوجود كوني كدها اذا مو الخاطر احد الخاطرج انتي انسانه تعبت ع روحه حته وصلت الهل مرحله لتهدمين كلشي بنيتي ساعدي نفسج بنفسج محد راح يحسن من حالتج غيرج ارجعي ضحكي عيشي حياتج صيري عصبية شقية ام المصايب الوكحة العرمه رجعي ام الشخصية الحلوه انسي الماضي اريدج اليوم تعوفين كلشي وراج وتودعي تستقبلين حياتج الجديده بحلوها ومرهة اوكفيلها بالمرصاد ....
