•••••••••••••••••••••••••••••••••••••••••••
💟💟💟💟💟💟💟💟💟💟💟💟💟💟💟
حقچ ما ألومچ من تغارين ♥️
وحقي من آخذچ وأسكُن بمنفى ♥️
أثاري الما يحآسب ولفةه ويغار ♥️
چذب رب الچذب مايحب ولفةه ♥️
💜💜💜💜💜💜💜💜💜💜💜💜💜💜💜
ليلك//اليوم يجي نمر كعدت من الصبح احضر بنفسي مو بقصد اجذبة لا اصلا اني ماناويه يصير بينه شي لان كلهة كم شهر واعوفه لو حتى فراكه يأذيني بس فرحانه بجيته
كعدنه ع الغده ناكل جان يدك تلفون يابه رد علي وطلع بره يحجي رجع جان يكعد ويدخن جكاره نعرفه من يدخن يعني اكو شي مضوجه باوعنه ع اسد وفهد حته يسالو شكو
اسد//يابه شصاير خوماكو شي منو الي خابرك
ضرغام//نمر خابر
ليلك//لزمت كلبي من كال اسمه
فهد//شبي هو مو ع اساس فدشويه تطير طيارته لهنا
ضرغام//لا قدم موعد طيارته وهسه هوهنا لان الدكتور سيف حالته كلش تدهورت والسرطان انتشر هواي بجسمه ولازم يسوي عمليه مقبل اي دكتور يسويها اله نمر وهسه هو بعد كم ساعه راح يسويلهيا بس خايف ع نمر لان الدكتور حالته منتهيه واذا مات بين ايده مراح يكدر يعبر الصدمه واصلا هسه هو نفسه متردد يسويلهيا
ليلك//منو الدكتور سيف
اسد//نمر من داوم بكلية الطب جان الدكتور سيف صديق يابه وياخذ نمر محاضرات هم ف جان كلش مو زين باول كورس وراد يبطل لان جانت صعبة بس هو وكف ويا وسانده وعلمه كلشي خطوه بخطوه وعامله مثل ابنه حيل يحبه نمر ويعزه كل فتره يمر البيته يشوفه ومن اكتشفو مرضه نمر كلش تاثر وحزن علي
ليلك//اووووي الله يرحم بحاله والله قهرتوني
ناز//شنسوي والله كلنه ميتين قهر
ليلك//زين يابه خلي غير نمر يسويهة اذا هيج فرصة نجاحهة قليله
ضرغام//ميقبل يكول ع الاقل اذا اموت ف ع ايد اكثر دكتور موهوب ويكون شرف الي
ليلك//ياربي تنجح العمليه حته ماريد اتخيل شراح يصير بنمر اكيد راح يعيش بتأنيب ضمير
....يعني يابه شوكت راح يجي اذا نجحت العمليه ان شاء الله
ضرغام//هسه بس يخلصون الاجراءات يبدي بيها بس مادري شوكت يجي
