نمر// عفتهة لان حسيت راح يصير بيهة شي واخر شي اتمنى انو اأذيها كعدت واباوع عليهة اخذت الملفات بهدوء وبس دموع متندمت ع السويته لان تستاهل عبالهة تكدر تسيطر ع الكل بهذا اسلوبهة وغرورهة واني لازم اكسر هذا الغرور العدهة راحت وضليت اشتغل بس بالي كله يمهة شراح تسوي معقوله راح تسكت صرت ما اتوقع شنو ممكن لان كل مره تصدمني
ليلك//طلعت من يمه طبيت لمكتبي وانهاريت من البجي وره كومه كمت مسحت دموعي ليلك انتي قويه مستحيل تضعفين وتنهزمين من المواجهة هلمره انتي ام فارس وجدج مغلط من سماج ولازم تكونين كد هل اسم رحت للحمامات غسلت وحطيت مكياج شويه حته يروح لون خشمي الاحمر من البجي يروح طلعت رحت كملت يومي عادي واني كل ما اتذكر الصار اتوب بعد اخذ وانطي بالحجي ويا لان بعد ما اضمن شنو ممكن يسوي بيه صح جنت مستهينه بي بس بعد اللي سوى ويايه خلاني احسبله حساب حته كرهت روحي من ورا لان دا اخاف من عنده رحت للبيت ونفس الروتين كالعاده باجر سرى ونص الفريق يباشرون بالمساعدات واني ع الاسبوع الاخ جنت خايفه لا نمر هو ويايه بس حمدلله ابو ماجد ويه وجبتي احسه ابويه الثاني خلص اسبوعي عادي واني متجاهلته ولا اباوع بوجهة الله ياخذك عقدتني من حياتي ان شاء الله ينطيك وحده هيج تصكرك وتخليك ترجف منهة واني اشوفك واضحك عليك
نمر// مر الاسبوع واني نادراً اشوفهة واحسهة تتهرب مني وهل شي ضوجني حيل اني مردتهة تعبد ردت اخليها تحترمني بس يلا اني خوما اضل اركض وراها هيه منو قابل طبهة مرض شسويله بس اخخخ هذا كلبي اخخخ من عنده شبسرعه ورطت روحك هيج
ليلك// كعدت الصبح اليوم نروح للمخيمات حيل ضايجه لام سرى مو ويايه اني البنيه الوحيده ويه الكادر ضجت اني متعوده ما اعرف اضل ساكته اله اسولف واضحك واحشش هسه ويامن اسولف اشو ابو امجد بكد ابويه ما اعرف شحجي ويا الجنود استحي احجي وياهم زحمه وهذا المفترس حته ما اباوع بخلقته الحلوه ابن اللذين اووي خلي يولي كمت من فراشي واني اسحل بروحي كوه سبحت وتريكت بدلت لبست جينز عسكري وبدي اسود وفوكا يليك اسود وشال اسود وحذاء عسكري عاجبني اليوم اطقم ويه الجنود هههههه نزلت صبحت ع امي وابويه جانو كاعدين
ليلك// صباحو يالربع
امي// دصبحي مثل الاوادم عبالك كاعدين بكهوة
ليلك// صباح العسل والورد والحب ها هسه زين؟
ابويه// دعوفيهة يمعوده هله بيج بنيتي تعالي كعدي تريكي
ليلك// لا بابه والله قبل شويه تريكت خلي اروح قبل لا اتاخر
ابويه// الله وياج بنيتي واذا صار شي اتصلي لتخلين بالنه يمج وكلساع خابرينه لتكطعين
امي// اي يمه فدوا اروحلج ترا كلبي يوجعني عليج لتخلي يضل نار عليج كلساع احجي ويايه
ليلك// شبيكم يمعودين صدك جذب قابل صغيره وليضل بالكم كلساع احجي وياكم بس انتو دعولي الله يسهل ونرجع من وكت
امي// امين الله يحفظج ويسهل دربج
ابويه// الله وياج بويه
ليلك// بوستهم وطلعت اخذني السايق وصلت همزين لحكت هستوهم ديصعدون بالغراض رحت طبيت للمجمع سلمت ع البنات لان همه يضلون دوام عادي بوستهم ورحت لمكتبي واني متفائلة اليوم لان راح اشوف ابتسامت الاطفال واصلا اني جنت جايبه ويايه علاكه بيهة حلويات وشغلات الهم اخذت كم شغله من المختبر طلعت شايله علاكتين رحت للولد اللي ديصعد الغراض نطيتهيا صعدهن بس ممرتاحه لنظراته يباوع بصلافه واني اخزر بي رحت وكفت يم باب المجمع انتضر الكل يجي علمود نتحرك دقايق ومحسيت غير ع واحد صاح ليلك بعصبيه اني وكع كلبي من الصحيه نداريت دا اريد اكول ووجع وجان اشوف نمر عيونه يريدن يطلعن من مكانهن عززززا يمه هذا شبي اجه يتقدم تجاهي اني لابيه اوكف انتظره يجي عليه ويفترسني كدام العالم ولابيه اطب اركض جوه لان خاف يلحكني تصنمت بمكاني اجاني وهو شايط
